تازه خبرونه
جوبایدن د افغانستان کورنیو مسایلو اندښمن کړی
له بګرام څخه د امریکايي ځواکونو له بشپړ وتلو وروسته د امریکا ولسمشر جو بایډن یوې خبري ناستې ته څرګنده کړې؛ افغان مشران د حکومت ساتلو وړتیا لري، خو دمګړۍ افغان حکومت د ځینو داخلي مسلو په حل کې ښکېل پاتې دی.
جو بایډن د دې پوښتنې په ځواب کې، چې آیا هغه د افغان حکومت د سقوط په اړه اندېښمن دی؟ ویلي: مونږ په دې جګړه کې شل کاله ښکېل وو او ما په سپینه ماڼۍ کې د افغان حکومت له مشرانو سره ولیدل؛ زما په اند دوی د حکومت د ساتلو وړتیا لري؛ دوی اړ دي، چې د خبرو اترو بهیر وغځوي، خو زه د داخلي مسلو د حلولو په اړه اندېښمن یم، چې آیا دوی به په کې هغه ډول ملاتړ ومومي، چې دوی یې په ټول هېواد کې ساتلو ته اړتیا لري؟!
د امریکا ولسمشر د حکومت د سقوط په صورت کې له افغانستان څخه د امریکا پرلپسې ملاتړ نه مني او وايي، چې افغانان باید د خپل هوایي ځواک پر مرسته د ځان ساتنه وکړي.
بایډن د افغانستان په اړه نورو پوښتنو ته له ځواب ویلو ډډه کړې؛ خو څه، چې روښانه دي هغه له افغانستان څخه د امریکایي ځواکونو د وتلو پرېکړه ده، چې وروستۍ شوې ده.
جو بایډن دا هم ویلي، چې له افغانستان څخه مو د امریکایي ځواکونو وتل سم روان دي؛ خو دا بهیر به په راتلونکیو څو ورځو کې بشپړنشي.
بایډن وایي: مونږ اوس په هغه ځای کې یو، چې تمه مو درلوده؛ تر سپټمبر پورې به زمونږ او متحدینو دغه منطقي بهیر بشپړ شي.
د پنټاګون ویاند جان کربي وایي: مونږ تمه لرو، چې د ځواکونو لیږد به د دې میاشتې په وروستیو کې ترسره شي.
دغه راز جان کربي ویلي؛ د بهرنیو ځواکونو مسوولیت به له جنرال سکاټ میلر څخه جنرال فرانک مکنزي ته په څو اوونیو کې ولېږدول شي او نوموړی به له بېلابېلو صلاحیتونو برخمن وي.
د پنټاګون ویاند جان کربي څرګنده کړې: جنرال میلر به تر راتلونکیو څو اوونیو په افغانستان کې پاتې وي، چې خپل مسوولیتونه جنرال مکنزي ته وسپاري.
جنرال مکنزی به د تروریستي ډلو پرضد د هوايي بریدونو واک هم ولري او د امریکایي ځواکونو له وتلو وروسته به افغان ځواکونو ته مالي، لوژیستیکي او تخنیکي مرستې چمتو کوي.
امریکا دا هم ویلي، چې دا بهیر په افغانستان کې د امریکایي ډیپلوماټیک شتون لپاره مهم دی او افغان او امریکايي چارواکو پدې اړه پرېکړه کړې ده.
د راپور د څرګندونو له مخې؛ د امریکا دفاع وزیر منلې، چې په افغانستان کې د غوڅ ملاتړ ماموریت له پای ته رسیدو وروسته به د سفارت ساتنه د سمندري ځواکونو عمومي قومندان جنرال پیټر وازلي په غاړه ولري.
راپور زیاته کړې، چې جنرال کورټیس بوذارډ به په قطر کې د دفاعي همکاریو د دفتر مسوول وي او له جنرال وازلي سره به کار کوي.
د یادونې ده، چې په قطر کې د دفاعي امنیت همکارۍ مدیریت به د افغانستان امنیتي او دفاعي ځواکونه تمویلوي او له لرې څخه به د افغان امنیتي او دفاعي ځواکونو د هوایي ملاتړ صلاحیت هم لري.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
تازه خبرونه
افغان او ایراني حکومتي مشرانو د سیاسي، اقتصادي، سوداګریزو او ټرانزیټي اړیکو پر پياوړتیا خبرې وکړې
د ریاستلوزراء اقتصادي مرستیال ملا عبدالغني برادر او د حکومت یو شمېر وزیرانو د ایران د ولسمشر له ځانګړي استازي او په کابل کې د ایران له سفیر حسن کاظمي قُمي سره وکتل.
د ریاست الوزراء د مرستیالۍ دفتر ویلي؛ د لیدنې پر مهال د سیاسي، اقتصادي، سوداګریزو او ټرانزیټي اړیکو پر پياوړتیا او په بېلابېلو برخو کې پر دوه اړخیزو همکاریو خبرې وشوې.
د ریاست الوزراء اقتصادي مرستیال د افغانستان او ایران اړیکې ښې او مثبتې وبللې او څرګندوي، چې د اړیکو د پراختیا او پياوړتیا لپاره ګډ کار ته اړتیا ده.
ملا برادر وایي: سږ کال د اورښتونه د ډېروالي له کبله نیمروز ولایت او د ایران سیستان ته د هلمند سیند اوبه ورسېدې، چې دا به د دواړو هېوادونو د ولسونو ډېری ستونزې حل کړي.
دغه راز ملا عبدالغني برادر اخوند د ایران له لارې اروپايي هېوادونو ته د افغانستان تولیداتو ته د ټرانزیټي اسانتیاوې له برابرولو خوښي وښوده او د دواړو هېوادونو ترمنځ یې د ټرانزیټ او سوداګرۍ کچې د زیاتېدو غوښتنه وکړه.
په کابل کې د ایران سفیر سیستان ته د هلمند سیند د اوبو رسېدو په اړه خوښي څرګنده کړه او د دواړو هېوادونو د اقتصادې ودې او پراختیا لپاره اړینه بولي، چې هېواد به یې له افغانستان سره د سوداګرو د بانکي ستونزو د له منځه وړلو، د چاپېریال ساتنې پر وړاندې د ګډې مبارزې، د کرنې سکټور عصري کولو او همدارنګه د ایران له لارې د افغانستان د سوداګرۍ او ټرانزیټ کچې زیاتولو په برخو کې همکاري وکړي.
د ریاست الوزراء اقتصادي مرستیال په ایران کې د میشت افغان کډوالو د ستونزو د یادونې تر څنګ له ایراني لوري وغوښتل، چې په جبري بڼه افغان کډوال را ونهباسي او په دې اړه د دواړو لوریو ترمنځ ښه همغږي رامنځته شي.
ویل کیږي، چې په دې لیدنه کې د اوبو او انرژۍ، کرنې، اوبولګولو او مالدارۍ، د اطلاعاتو او کلتور وزارتونو چارسمبالو او په تهران کې د افغانستان چارسمبالي استازي فضل محمد حقاني هم حضور درلود.
تازه خبرونه
ملا برادر د قزاقستان د لومړي وزیر له مرستیال سره د اوسپنې پټلۍ پر رامنځته کولو خبرې وکړې
د اسلامي امارت د ریاست الوزرا اقتصادي مرستیال او د قزاقستان د لومړي وزیر مرستیال سیرک ژومانګارین د ترکمنستان او افغانستان له لارې پاکستان ته د اوسپنې پټلۍ پر رامنځته کولو خبرې وکړې.
د افغانستان اقتصادي مرستیالۍ په خبربانه کې راغلي، چې په دې لیدنه کې ملا عبدالغنی برادر د دواړو هېوادونو د سوداګرو د بانکي ستونزو د حل، د افغان – قزاق د ګدو شرکتونو رامنځته کولو او سوداګرو ته د ویزو د ورکړې لپاره د هوکړه لیکونو پر لاسلیک ټینګار وکړ.
سیرک ژومنګارین په پام کې لري، چې د قزاقستان د صنعت او سوداګرۍ ګډه خونه او د دواړو هېوادونو د سوداګرۍ او کار ګډه ډله رامنځته کړي او چمتو دی، چې د برښنایي حکومتولۍ، صنعت، لوړو زدهکړو، پوهنې، روغتیا او بانکدارۍ په سکټورونو کې له افغانستان سره همکاري وکړي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ