Connect with us

تازه خبرونه

جاپان او افغانستان پر روغتیايي همکاریو بحث او خبرې وکړې

خپور شوی

د

(Last Updated On: )

د افغانستان اسلامي امارت د عامې روغتیا وزارت چارسمبالي قلندر عباد په خپل کاري دفتر کې د جاپان له سفیر کورومیا تاکایوشي سره ولیدل.

د عامې روغتیا وزارت د څرګندونو له مخې؛ قلندر عباد او تاکایوشي په روغتیايي برخه کې د جاپان پر ونډه او همکاریو بحث او خبرې کړې دي.

قلندر عباد له انتاني روغتون او افغان جاپان روغتون سره د دې هېواد له مرستو مننه وکړه.

ویل کیږي، چې د جاپان هېواد سفیر په روغتیايي برخه کې پر ګډ کار او همکارۍ خوښي څرګنده کړه او وایي، چې په نږدې راتلونکې کې به د دغه هېواد له لوري دیارلس مجهز امبولانسونه او د درملو په برخه کې له افغانستان سره مرسته وشي.

تازه خبرونه

تحول: په افغانستان کې د ټولګډونه حکومت د جوړولو غوښتنې

Published

on

(Last Updated On: )

Continue Reading

تازه خبرونه

د روسیې او چین ولسمشرانو د شانګهای غونډې په څنډه کې وکتل

د شانګهای همکاریو ټولنه په ۲۰۰۱ کې د چین او روسیې له‌خوا د منځنۍ آسیا د امنیت لپاره جوړ شوه؛ خو اوس یې اصلي او ناظر غړي زیات شوي او په یوه ډول یې لويدیځ ضد دریځ غوره کړی دی.

Published

on

(Last Updated On: )

ولادمیر پوتین او شي جین پینګ پرون د دواړو هېوادونو د اړیکو پر پیاوړتیا خبرې وکړې. لوېدیځو خبري سرچینو ویلي، دا په تېرو شاوخوا دوه میاشتو کې دوه‌یم ځل دی، چې پوتین او شي سره مخامخ لیده کاته کوي.

د سیمې د دوه قدرتونو دغو مشرانو د قزاقستان په پلازمېنه استانه کې د شانګهای د دوه ورځنۍ غونډه پرانیسته.

د شانګهای همکاریو ټولنه په ۲۰۰۱ کې د چین او روسیې له‌خوا د منځنۍ آسیا د امنیت لپاره جوړ شوه؛ خو اوس یې اصلي او ناظر غړي زیات شوي او په یوه ډول یې لويدیځ ضد دریځ غوره کړی دی.


اړوند خبرونه: 

د شانګهای هېوادونو استازیو په تاجکستان کې د افغانستان په اړه د همغږۍ ګډه هوکړه وکړه

د شانګهای ټولنې د اړیکو ډله دې د افغانستان لپاره پخپل حال پاتې شي – پاکستان

Continue Reading

تازه خبرونه

استرالیا د افغانستان لپاره ځانګړې استازې وټاکله

د اسټرالیا د بهرنیو چارو وزارت د خبرپاڼې له‌مخې؛ امانډا مک ګریګور به د افغانستان لپاره د اسټرالیا د پخواني استازي ګلین میلز پر ځای دنده ترسره کوي.

Published

on

(Last Updated On: )

د اسټرالیا بهرنیو چارو وزارت د خبر پاڼې له مخې؛ دې هېواد د افغانستان لپاره امانډا مک ګریګور نومې نوې استازې ټاکلې.

د اسټرالیا د بهرنیو چارو وزارت د خبرپاڼې له‌مخې؛ امانډا مک ګریګور به د افغانستان لپاره د اسټرالیا د پخواني استازي ګلین میلز پر ځای دنده ترسره کوي.

مک ګریګور د کاناډا په سفارت کې د ډیپلوماتې په توګه هم کار کړی او د اسټرالیا د حکومت د لومړي وزیر او کابینې لوړپوړې سلاکاره وه. 

د اسټرالیا بهرنیو چارو وزیر پیني وانګ ویلي:  مک ګریګور، چې په قطر کې میشته ده؛ له خپلو ګډ فکر لرونکیو هېوادونو سره به همکار کوي، چې له طالبانو (د افغانستان اسلامي امارت) څخه د بشري حقونو او د افغانانو د ملاتړ په اړه وضاحت وغواړي.

اسلامي امارت ویاند ذبیح الله مجاهد ویلي؛ ډیری هیوادونه د افغانستان پر واقعیتونو پوه شوي او هڅه کوي، چې له بېلابېلو لارو له اسلامي امارت سره اړیکه ونیسي.

نوموړي له هغو هېوادونو، چې په کابل کې یې سفارتونه ندي پرانیستي او له قطر څخه د سفارت چارې پرمخ وړي؛ غوښتنه کړې، چې په کابل کې خپل سفارتونه بېرته پرانیزي.

ویل کیږي، چې مک ګریګور پېنځه کاله د اسټرالیا په دفاع وزارت کې کار کړی او له څه وخت راپدیخوا په لبنان کې د اسټرالیا د سفارت مرستیاله وه.

Continue Reading

Trending

Copyright © 2022 Ariana News. All rights reserved!