د افغانستان د عامې روغتیا وزارت ويلي، چې د اسلامي امارت له بیا واکمنیدو راپدیخوا له ۵۴ زره څخه د ډېرو روږدو کسانو درملنه شوې ده.

د عامې روغتیا د نشه‌یي توکو پر وړاندې د مبارزې د نړیوالې ورځ د نمانځغونډې پر مهال اعتیاد یوه جدي ټولنیره ستونزه وګڼله او په دې وايي، چې اسلامي امارت د نشه‌يي توکو د کښت، تولید او قاچاق د مخنیوي لپاره ډاډمن ګامونه پورته کړي او له تېرو دوه کلونو راپدیخوا یې په ۶۱ مرکزونو کې د  ۵۴ زره او ۳۴۶ روږدو کسانو درملنه کړې ده.

د عامې روغتیا وزارت د خدمتونو د وړاندې کولو مرستیال عبدالولي حقاني زیاته کړې؛ اعتیاد یوه جدي ټولنیزه ستونزه ده، چې د مخنیوي لپاره یې باید زیاتې هڅې وشي.

دغه راز د کورنیو چارو وزارت چارواکو ويلي، چې په نشه‌يي توکو سل زره روږدي له درملنې وروسته بېرته خپلو کورونو ته ستانه شوي دي.

د کورنیو چارو وزارت د نشه يي توکو پر وړاندې د مبارزې مرستیالۍ ويلي، چې دا مهال په ۱۲ مرکزونو کې ۱۵ زره روږدي کسان تر درملنې لاندې دي او له تېرو دوه کلونو راپدیخوا سل زره روږدي کسان له درملنې وروسته  خپلو کورونو ته ستانه شوي دي.

د روغتیا نړیواله ټولنه وايي، دې ټولنې په افغانستان کې د روږدو کسانو د درملنې او له نشه‌يي توکو سره د مبارزې له بهیر ملاتړ کوي.

په افغانستان کې د روغتیا نړیوالې ټولنې استازې مینال ډیل وایي: له ۲۰۱۴ څخه تر ۲۰۲۱ پورې په نړۍ کې پر مخدره توکو د روږدو کسانو شمېر له ۲۴۰ څخه تر ۲۹۶ میلیون کسانو ته لوړ شوی و. مونږ له خپلو شریکانو سره پر همکارۍ په افغانستان کې د روږدو کسانو د درملنې له یو شمېر مرکزونو سره هم مرسته کوو.

دا په داسې حال کې ده، چې افغانستان له تېرو څو کلونو راپدیخوا د نشه‌يي توکو له مهمو تولیدونکیو هېوادونو څخه و؛ خو د ملګرو ملتونو د څرګندونو له مخې د نشه‌يي توکو د کښت او تولید له منع کېدو سره په افغانستان کې د نشه‌يي توکو کښت ۹۵ سلنه کم شوی او اسلامي امارت پر ځلونو د بدیل کښت غوښتنه کړې؛ خو تر دې دمه هېوادونو په دې اړه ورسره همکاري نده کړې.

اړوند خبرونه: 

په هرات کې څه باندې ۱۰۰۰ روږدي کسان له درملنې وروسته رخصت شول

په هرات ولایت کې به ۵۰۰ روږدو کسانو ته له رغېدو وروسته د کار زمینه برابره شي

د ریاست الوزراء سیاسي مرستیال مولوي عبدالکبیر د هېواد له اداري مرستیال عبدالسلام حنفي، د کابینې  غړیو او د اسلامي امارت یو شمېر ادارو مسوولینو سره وکتل.

په دې کتنه کې د بېلابېلو امارتي ادارو ترمنځ د همغږۍ د زیاتوالي، همکاریو د پراختیا او خدمتونو د ګټورتوب په اړه بحث او خبرې وشوې.

دغه راز د اسلامي امارت اړوند مسوولینو له خلکو سره د همغږۍ پر پیاوړتیا ټینګار وکړ او څرګندوي، چې د مرکزي او سیمه‌ییزو ادارو دروازې تل د خلکو پر مخ خلاصې دي.

د ریاست الوزراء اداري مرستیال عبدالسلام حنفي ویلي، چې په دفترونو کې بیروکراسي او فساد پای ته رسېدلی؛ د خلکو غوښتنلیکونه او وړاندیزونه پخپل وخت په پام کې نیول کېږي.

هغه ټینګار هم څر\ند کړ، چې چارواکي باید د لومړیتوبونو پر غوره کولو خدمتونه تر پوښښ لاندې راولي.

د ریاست الوزراء سیاسي مرستیال د اسلامي امارت د مسوولانو او ادارو هڅې وستایلې او وایي، چې په دې اړه د خلکو د ستونزو د حل او هغوی ته د اسانتیاوو د برابرول لپاره باید کوټلي بدلونونه رامنځته شي.

ویل کیږي، چې ټولې ادارې دې همغږې کار وکړي، چې د بېکارۍ او بېوزلۍ مخه ونیول شي او د اقتصادي پیاوړتیا، مثبتو ټولنیزو بدلونونو او د بېخبناوو د جوړولو لپاره بنسټیز کارونه ترسره شي.

اړوند خبرونه: 

د کورنيو توليداتو د کيفيت او صنعتي ودې لپاره دې هڅې ګړندۍ شي – مولوي عبدالکبير

افغانستان له نړیوالو معیارونو سره سم عصري تعلیمي سیستم ته اړتیا لري – مولوي عبدالکبیر

په دوحه کې د افغانستان په اړه د ملګرو ملتونو د راتلونکې غونډې مشري به د د دې ټولنې د سیاسي او سولې په چارو کې د مرستیالې روزمري ډی کارلو پر غاړه وي.

د ملګرو ملتونو د خبرپاڼې له مخې؛ په دې غونډه کې، چې ټاکل شوې د چنګاښ پر لسمه او یوولسمه / د جون پر درشمه او د جولای پر لومړۍ جوړه شي؛ د افغانستان په اړه د نړیوالو اړیکو او تعاملاتو د همغږۍ پر څرنګوالي منظمې خبرې وشي.

دا غونډه به د ۲۰۲۳ کال د مې او د ۲۰۲۴ کال د فبرورۍ له خبرو وروسته جوړه شي.

د دوحې خبرې اترې د سیمې او نړۍ د هېوادونو د ځانګړيو استازو او د افغانستان په اړه د اسلامي امارت تر منځ د مستقیمو خبرو اترو زمینه برابروي، چې په کې شاوخوا ۳۰ هېوادونو او نړیوالو بنسټونو ته د ګډون بلنه ورکړ شوې ده.

د دوحې په غونډه کې به له افغانستان سره د ښکېلتیا او تعامل پر خپلواکه ارزونه، چې د ۲۰۲۳ کال په نومبر میاشت کې امنیت شورا ته وړاندې شوې؛ خبرې وشي.

ټاکل شوې، چې د چنګاښ پر دولسمه / د جولای پر دوه‌یمه په دوحه کې ډی کارلو او ځانګړې استازي د بشري حقونو او د ښځو د حقونو د مدافعانو په ګډون د افغانستان د مدني ټولنې له استازو سره وګوري.

د دوحې په خبرو کې به د عمومي منشي ځانګړې استازې او په افغانستان کې د ملګرو ملتونو د مرستندویه پلاوي (یوناما) مشره روزا اوتونبایوا هم ګډون وکړي.

ډی کارلو له غونډې مخکې وویل: د دوحې خبرې اترې د دې بهیر یوه برخه ده. هر څه په یو وخت کې ندي. د دې بهیر ووستۍ موخه له ځان او ګاونډیانو سره د افغانستان سوله ده، چې په نړیواله ټولنه کې په بشپړه توګه مدغم وي او د بشري حقونو په ځانګړي توګه د ښځو او نجونو د حقونو په اړه خپل نړیوال مکلفیتونه پوره کوي.

د کارلو د څرګندونو له مخې؛ د دې اوونۍ په غونډو کې به د افغانستان د خلکو، ګاونډیانو، سیمې او نړیوالې ټولنې پر ګڼو ننګونو خبرې وشي. د دې فرصت به هم وي، چې د ټولو افغانانو د ګټو لپاره له عملي چارواکو سره د اصولي تعامل لپاره لارې چارې ولټول شي.

اسلامي امارت د سې شنبې پر ورځ اعلان وکړ، چې په دې غونډه کې به د اسلامي امارت د پلاوي مشري ذبیح الله مجاهد کوي.

اړوند خبرونه:

د دوحې په غونډه کې به د اسلامي امارت د مرکچي پلاوي مشري ذبیح الله مجاهد کوي

سازمان ملل: افغانستان جز هفت کشور جهان است که هیچ زنی در کابینه‌اش حضور ندارد