تازه خبرونه
ترکیې او ایران د افغانستان له چارواکو سره پر عملي او رغنده تعامل ټینګار څرګند کړ

د ترکیې او ایران ولسمشرانو د پنجشنبې پر ورځ ( د سلواغې پېنځمه ) د خبرو پر مهال له اوسنیو افغان چارواکو سره پر عملي، رغنده تعامل او په افغانستان کې د ټولګډونه حکومت پر جوړېدو ټینګار وکړ.
ترکیې ته د ایران د ولسمشر د سفر په پای کې دواړو هېوادونو د یوې ګډې اعلامیې پر خپرولو د خپلمنځی تجارت د زیاتولو لپاره د هڅو پر اړتیا د ټینګار ترڅنګ د غزې د خلکو پر وړاندې د اسرائیلو جنایتونه وغندل او د اسرائیلو د رژیم د بریدونو د سمدستي درولو او د غزې تړانګې او د فلسطین خلکو ته یې د اړینو توکو او خدماتو رسولو او له شرط پرته د محاصرې د لرې کولو غوښتنه وکړه.
دغه راز د قفقاز د سيمې هېوادونو د ځمکنۍ بشپړتيا د درناوي پر اړتيا د ټينګار تر څنګ دواړو هېوادونو د ۳+ ۳ سيمهييز پلاتفورم؛ د غړیو هېوادونو ترمنځ د مشورې او رغنده همکارۍ لپاره د يوه مناسب فورم په توګه، وارزاوه.
دواړو هېوادونو په ګډه اعلامیه کې د افغانستان له اوسنیو چارواکو سره عملي او رغنده خبرې اترې مهمې وارزولې او په افغانستان کې یې د دې هېواد د ټولو خلکو په استازیتوب د یوه ټولګډونه، مسوول او حساب ورکوونکي حکومت او امنیت پر رامنځته کېدو پرته له کوم توکمیز او مذهبي تبعیضه ټینګار وکړ.
همدارنګه له ټولو ترهګرو ډلو سره د هراړخيزې مبارزې پر اړتيا، د نشه يي توکو د توليد او قاچاق، انساني قاچاق او ناقانونه څارنې او خپل هېواد ته د ټولو ناقانونه افغان کډوالو د داوطلبانه او باعزته ستنېدو د امکاناتو پر برابرولو او نورو د ټینګار وړ موضوعاتو دواړو لورو ټينګار وکړ.
دا په داسې حال کې ده، چې اسلامي امارت په ځلونو د بشري حقونو پر تامینولو او دا، چې د افغانستان خاوره به د بل هېواد د امنیت پر ضد ونهکارول شي؛ ټینګار کړی دی.
تازه خبرونه
د واخان سړک د دوهیم فاز د جوړولو تړون لاسلیک شو
د افغانستان د کلیو، د بیارغونې او پراختیا وزارت د خبرپاڼې له مخې؛ د دې وزارت د چارسمبالي(سرپرست) محمد یونس اخوندزاده ویلي، چې د دې تړون له مخې به د دغه ۷۱ کیلومټره سړک د جوړولو چارې به چټکې تر سره شي.

د افغانستان د کلیو، د بیارغونې او پراختیا وزارت ویلي؛ نن پنجشنبه( د کب درویشتمه) د بدخشان ولایت د واخان سړک د دوهیم فاز د جوړولو تړون له یوه خصوصي شرکت سره لاسلیک شو.
د افغانستان د کلیو، د بیارغونې او پراختیا وزارت د خبرپاڼې له مخې؛ د دې وزارت د چارسمبالي(سرپرست) محمد یونس اخوندزاده ویلي، چې د دې تړون له مخې به د دغه ۷۱ کیلومټره سړک د جوړولو چارې به چټکې تر سره شي.
د محمد یونس اخوندزاده د څرګندونو له مخې؛ د واخان سړک د جوړولو لګښت د اسلامي امارت له پراختيايي بودجې څخه تمویلیږي.
د افغانستان اسلامي امارت دا تړون په داسې حال کې لاسلیک کړی، چې تېرو حکومتونو د واخان اوسیدونکي له هر راز اړينو اسانتیاوو؛ په ځانګړي توګه له سړک بېبرخې ساتلي وه.
ویل کیږي، چې د دې پروژې له عملي کېدا سره به نه یوازې د بدخشان او واخان اوسېدونکو ته ګټه ورسيږي، بلکې ورسره د افغانستان او چین ترمنځ سوداګریزې اړیکې هم پراخه شي.
تازه خبرونه
اسلامي امارت د پاکستان په بلوچستان کې پر ریلګاډي د برید ادعا رد کړه
د اسلامي امارت د بهرنیو چارو وزارت ویاند عبدالقهار بلخي له پاکستان وغوښتل، چې د بې مسوولیته څرګندونو پر ځای دې د خپلو امنیتي مسلو او کورنیو ستونزو حلولو ته پام راواړوي.

د افغانستان اسلامي امارت د پاکستان د پوځ د ویاند هغه ادعاوې رد کړې، چې ګواکې په بلوچستان ایالت کې پر مسافر وړونکي اورګاډي برید له افغانستان سره تړاو لري.
د اسلامي امارت د بهرنیو چارو وزارت ویاند عبدالقهار بلخي له پاکستان وغوښتل، چې د بې مسوولیته څرګندونو پر ځای دې د خپلو امنیتي مسلو او کورنیو ستونزو حلولو ته پام راواړوي.
هغه ویلي؛ د بلوڅ اپوزیسیون هیڅ غړی په افغانستان کې نشته او نه یې له اسلامي امارت سره کومه اړیکه لرلې ده.
نوموړي زیاته کړې: “د سیاسي موخو لپاره د ملکي وګړو قرباني کول د توجیې وړ نده او مونږ په دې پېښه کې د بې ګناه خلکو پر مرګ او ژوبلې خواشیني یوو.”
دا څرګندونې له هغې وروسته راپورته شوې، چې د پاکستان د پوځ ویاند ادعا وکړه، چې تېره ورځ د بلوچستان پر مسافر وړونکي ریلګاډي برید په افغانستان کې میشتو وسلوالو پلان کړی و.
پر ریلګاډي برید، چې ۴۰۰ مسافر یې لېږدول؛ د سېشنبې پر ماسپښین پیل شو او تر چارشنبې پورې یې دوام وکړ. د برید په پایله کې ۲۱ مسافر، ۳۳ بریدګر او څلور سرتېري ووژل شول.
د بلوچستان د آزادۍ پوځ د دې پېښې مسوولیت پر غاړه اخیستی دی.
تازه خبرونه
په افغانستان کې د نشهیي توکو تولید او قاچاق د پام وړ کم شوی – عبدالمتین قانع
عبدالمتین قانع دا څرګندونې د ملګرو ملتونو د نشهیي توکو او جرمونو د دفتر د نوي راپور په غبرګون کې کړي او زیاتوي: “مونږ تاسې ته ډاډ درکوو، چې د مخدره توکو پر وړاندې د مبارزې پولیسو د مخدره توکو پر وړاندې د مبارزې په برخه کې خپل فعالیتونه د پخوا پر پرتله ډېر کړي او دا بهیر به روان وي.”

د کورنیو چارو وزارت ویاند ويلي، چې په افغانستان کې د نشهیي توکو د پروسس او قاچاق کچه د پام وړ کمه شوې او له مخدره توکو سره د مبارزې پولیسو یې د کښت، تولید او قاچاق په مخنیوي کې ځانګړې لاسته راوړنې لري.
عبدالمتین قانع دا څرګندونې د ملګرو ملتونو د نشهیي توکو او جرمونو د دفتر د نوي راپور په غبرګون کې کړي او زیاتوي: “مونږ تاسې ته ډاډ درکوو، چې د مخدره توکو پر وړاندې د مبارزې پولیسو د مخدره توکو پر وړاندې د مبارزې په برخه کې خپل فعالیتونه د پخوا پر پرتله ډېر کړي او دا بهیر به روان وي.”
د ملګرو ملتونو د مخدره توکو او جرمونو دفتر په یوه نوي راپور کې ویلي، چې په افغانستان کې د اپینو بیه لوړه شوې ده.
د دې راپور په غبرګون کې، قانع وایي: “دا عامه خبره ده، چې کله تولید او عرضه نهوي؛ نو بیه څو چنده لوړیږي او د پورته ذکر شوي دفتر څرګندونې د افغانستان اسلامي امارت د ډاډمنې مبارزې ښکاره بېلګه ده.
دا په داسې حال کې ده، چې د قطر حکومت له نړیوالې ټولنې څخه د افغانستان د کوکنارو له پخوانیو کروندګرو سره د بدیلو لارو په موندلو کې د ملاتړ غوښتنه کړې ده.
-
تازه خبرونه3 days ago
له افغانستان سره مو ځانګړې اړیکې د تعامل بنسټ دی – هند
-
نړۍ4 days ago
د ایران ولسمشر د امریکا ولسمشر ډونالډ ټرمپ د ایران پر ګواښلو تورن کړ
-
تازه خبرونه4 days ago
جرمني له اسلامي امارت سره د تعامل لپاره معلومات راټولوي
-
تازه خبرونه2 days ago
د واخان سړک د دوهیم فاز د جوړولو تړون لاسلیک شو
-
سیمه ییز خبرونه4 days ago
د پاکستان بیلتون غوښتونکو بلوڅانو د مسافر وړونکي ریلګاډي مسافر برمته کړي
-
تازه خبرونه3 days ago
پر مسافر وړونکي ریلګاډي برید په افغانستان کې پلان شوی و- د پاکستان ادعا
-
لوبی4 days ago
ایرلینډ د مالي ستونزو له کبله له افغانستان سره کرکټ لوبه وځنډوله
-
نړۍ5 days ago
زیلینسکي په سعودي عربستان کې د امریکا او اوکراین د سولې له خبرو مخکې له ولیعهد سره وکتل