تازه خبرونه
ترمپ د سپینې ماڼۍ له راپور وروسته بایدن لوی احمق ونوماوه
د پنجشنبې پر ورځ ترمپ په Truth Social څرګنده کړه؛ د سپینې ماڼۍ احمقان د دغه لوی احمق پر مشرۍ د ناسمو معلوماتو پر وړاندې کولو زمونږ هېواد پر سیستماتیک ډول ویجاړوي. دا د دوی خپله بې کفایتي ده، چې ترمپ پر بې کفایتۍ ملامتوي.
د پنجشنبې پر ورځ ترمپ د Truth Social په یوه پروګرام کې ویلي؛ د ناسمو معلوماتو پر وړاندې کولو د سپینې ماڼۍ احمقانو د دغه احمق پر مشرۍ زمونږ هېواد پر سیستماتیک ډول ویجاړوي. دا د دوی خپله بې کفایتي ده، چې ترمپ پر بې کفایتۍ ملامتوي.
ترمپ څرګنده کړې، زه هم لکه نور د دې ناورین لیدونکی وم؛ ما ولیدل، چې دوی لومړی پوځ وویست، د ۸۵ میلیارد دالرو نظامي تجهیزات ترې پاتې شول، زمونږ د سرتېرو وژلو ته یې اجازه ورکړه او امریکایان یې تر شاه پرېښول. یوازې بایدن مسوول دی، نه بل څوک!
سپینې ماڼۍ په خپل نوي راپور کې د ترمپ اداره له ګډوډۍ څخه پر ډکو وتلو پړه ګڼلې، چې په افغانستان کې یې له اسلامي امارت سره ژمنه کړې وه، چې امریکایي ځواکونه به د ۲۰۲۱ ز. کال تر می پورې له دغه هېواده ووځي.
ویل کیږي، چې له افغانستان څخه د وتلو د څرنګوالي په اړه د بایدن غوراوي د ترمپ لخوا د رامنځته شويو شرایطو تر اغېز لاندې راغلي دي.
په راپور کې دا هم ویل شوي؛ داسې کومه نښه نه لېدل کېده، چې په افغانستان کې دې ډېر وخت، ډېره بودجه او یا ډېر امریکایان حالات پر بنسټیزه توګه بدل کړي.
تازه خبرونه
مونږ او اسلامي امارت ډېر توپيرونه لرو – د سوریې واکمن
هغه د ښځو او نجونو د ښوونې او روزنې په اړه ویلي: « البته د ښځو د زدهکړې په اړه باید ووایم، چې مونږ له ۸ کلونو څخه راپدېخوا په ادلب کې یو پوهنتون لرو. زه فکر کوم، چې په پوهنتونونو کې د ښځو سلنه له ۶۰ سلنې ډېره ده.»
احمد الشرع، چې دا مهال د سوریې مشر دی ویلي، چې د دوی او اسلامي امارت تر منځ ډېر توپیرونه شته دي.
احمد الشرع ویلي: د سوریې او طالبانو (اسلامي امارت) ترمنځ ډېر توپیرونه شته؛ زمونږ د حکومت کولو طریقه بېله ده. افغانستان یوه قومي ټولنه ده، چې سوریه ورسره توپیر لري. خلک یې عین فکر نلري. د سوریې حکومت او حاکم نظام به د سوریې له تاریخ او کلتور سره مطابقت ولري.
هغه د ښځو او نجونو د ښوونې او روزنې په اړه ویلي: « البته د ښځو د زدهکړې په اړه باید ووایم، چې مونږ له ۸ کلونو څخه راپدېخوا په ادلب کې یو پوهنتون لرو. زه فکر کوم، چې په پوهنتونونو کې د ښځو سلنه له ۶۰ سلنې ډېره ده.»
د سوریې واکمن د دې پوښتنې په ځواب کې، چې آیا د الکولي مشروباتو څښل جواز لري وویل: "ډېر شیان شته، چې زه یې د خبرو کولو حق نلرم، چې په اړه یې خبرې وکړم؛ ځکه هغه قانوني مسایل دي."
هغه زیاته کړې، چې د سوریې د اساسي قانون د لیکلو لپاره به د حقوقي کارپوهانو په ګډون یوه کمیټه جوړه شي. دوی به پرېکړه وکړي. هر واکمن یا ولسمشر باید له قانون پیروي وکړي.
اسلامي امارت تر دې دمه د افغانستان په اړه د احمد الشرع د څرګندونو په اړه غبرګون ندی ښودلی.
دا څرګندونې په داسې حال کې کېږي، چې په افغانستان کې له شپږم ټولګي څخه پورته نجونې له درې کلونو راپدېخوا له زدهکړو بې برخې دي او پوهنتونونه هم د نجونو پر مخ تړل شوي دي.
تازه خبرونه
د کابل- کندهار پر لويه لار د دوه ترافيکي پېښو له کبله له ۱۰۰ ډېرو کسانو ته مرګ او ژوبله اوښتې
په خبرپاڼه کې راغلي دي: په خواشینۍ مو خبر ترلاسه کړ، چې د کابل – کندهار پر لویه لار د دوه خونړیو ټرافیکي پېښو له کبله زمونږ ۵۲ هېوادوال شهیدان او ۶۵ نور ټپیان شوي دي.
د افغانستان اسلامي امارت په یوه خبرپاڼه کې د کابل- کندهار پر لویه لار د دوه ترافیکي پېښو له کبله، چې په کې ۵۲ کسان مړه او ۶۵ نور ټپیان دي؛ د قربانیانو له کورنیو سره خپله خواخوږي څرګنده کړې ده.
په خبرپاڼه کې راغلي دي: په خواشینۍ مو خبر ترلاسه کړ، چې د کابل – کندهار پر لویه لار د دوه خونړیو ټرافیکي پېښو له کبله زمونږ ۵۲ هېوادوال شهیدان او ۶۵ نور ټپیان شوي دي.
اسلامي امارت اړوندو ارګانونو ته سپارښتنه کړی، چې ژر تر ژره د دغو دواړو پېښو په اړه څېړنه وکړي، کره لامل یې پر ګوته او د دا ډول تراژیدو د بیا تکرار مخه ونیسي.
د غزني ولایت د اطلاعاتو او کلتور ریاست په یوه خبرپاڼه کې ویلي، چې د غزني د مرکز اړوند د کابل – کندهار پر لویه لار د دوه بېلابېلو ترافیکي پېښو له کبله ۴۷ کسان مړه او ۷۳ نور ټپیان شوي دي.
په دې اعلاميه کې ويل شوي، چې د دغې پېښې ټپيان روغتون ته لېږدول شوي؛ خو د ځينو روغتيايي حالت د اندېښنې وړدى.
دا پېښه تېره شپه ۱۱ بجې (چارشنبه د قوس اتهویشتمه) د دوه ٥٨٠ مسافر وړونکیو بسونو د تېلو له ټانکر او بار وړونکي لارۍ سره د ټکر له کبله رامنځته شوې ده.
له دغو پېښو څخه يوه يې د غزني ولايت د مرکز په شهباز سيمه او بله يې د دغه ولايت د اندړ ولسوالۍ په ناني بازار سيمه کې رامنځته شوې ده.
ویل کیږي، چې د دغو ټرافیکي پېښو له کبله یو شمېر ټپیان کابل ته لېږدول شوي دي.
تازه خبرونه
د حکومت او رسنیو ترمنځ باید واټن نهوي – ستانکزی
شېرمحمد عباس ستانکزي په کابل کې د اسلامي نظام په ټینګښت کې د رسنیو رول تر سرلیک لاندې په یوه سیمینار کې زیاته کړې؛ رسنۍ د نړۍ په تبلیغاتي جګړه کې بنسټیز رول لوبوي او پر اسلامي امارت لازمه ده، چې پرې له فشارونو ډډه وکړي او پرېږدي، چې رسنۍ د هېواد په پرمختګ او هوساینه کې خپل رول په آزاده توګه ولوبوي.
د بهرنیو چارو وزارت سیاسي مرستیال شېرمحمد عباس ستانکزي ويلي، له رسنیو باید داسې ملاتړ وشي، چې د حکومت او دوی ترمنځ واټن رامنځته نشي.
شېرمحمد عباس ستانکزي په کابل کې د اسلامي نظام په ټینګښت کې د رسنیو رول تر سرلیک لاندې په یوه سیمینار کې زیاته کړې؛ رسنۍ د نړۍ په تبلیغاتي جګړه کې بنسټیز رول لوبوي او پر اسلامي امارت لازمه ده، چې پرې له فشارونو ډډه وکړي او پرېږدي، چې رسنۍ د هېواد په پرمختګ او هوساینه کې خپل رول په آزاده توګه ولوبوي.
نوموړي په دې اړه ویلي: " د دوی (رسنیو) ستونزې باید واورېدل شي، د دوی غږ باید واورېدل شي، د دوی لپاره باید داسې چاپېریال برابر شي، چې په ازاده توګه خپل کارونه ترسره کړي."
ستانکزي زیاته کړې، د هېواد د رسنیو په اړه باید داسې نظر وي، چې دواړه لوري یو بل ته د اجنبی په سترګه ونهګوري او اسلامي امارت پر رسنیو له فشار راوړلو ډډه وکړي او رسنیو ته اجازه ورکړي، چې په خلاص لاس کار وکړي.
د اطلاعاتو او فرهنګ وزارت مسوولينو هم په دې سيمينار کې ويلي، چې له ازادو رسنيو سره يې د ټکر لار نده غوره کړې او دغه وزارت له دوى سره هر راز همکارۍ ته ژمن دى.
د سیمینار برخهوالو له رسنیو هم وغوښتل، چې نړۍ ته د افغانستان د مثبت انځور په ځلولو او انعکاس کې له هیڅ راز هڅې ډډه ونکړي.
دا سیمینار په داسې حال کې جوړیږي، چې رسنۍ د ملي ګټو او اسلامي ارزښتونو په چوکاټ کې د بیان ازادۍ او مثبتو فعالیتونو انعکاس ته ژمنې دي.
-
تازه خبرونه3 days ago
مونږ او اسلامي امارت ډېر توپيرونه لرو – د سوریې واکمن
-
تازه خبرونه4 days ago
آریانا ټلویزیون د کرکټ ټست نړیوالې اتلولۍ د پایلوبې د خپراوي حق ترلاسه کړ
-
لوبی5 days ago
آریانا زاډیو ټلویزیون د IPL سیالیو د خپرولو تړون لاسلیک کړ
-
نړۍ4 days ago
ناټو ته د اوکراین د پوځي مرستو د همغږۍ دنده وروسپال شوه
-
تازه خبرونه3 days ago
د کابل- کندهار پر لويه لار د دوه ترافيکي پېښو له کبله له ۱۰۰ ډېرو کسانو ته مرګ او ژوبله اوښتې
-
لوبی4 days ago
د افغانستان او زمبابوې کرکټ لوبه د باران له کبله لغو شوه
-
لوبی3 days ago
د افغانستان کرکټ ملي لوبډلې د زیمبابوې پر وړاندې ستره بریا خپله کړه
-
روغتيا3 days ago
د هرات حوزوي روغتون د اسانتیاوو د نشتوالي ستونزه لري