Connect with us

تازه خبرونه

ترمپ د جو بایدن د بریا په اړه پخپلو څرګندونو بیا کتنه کړې

خپور شوی

د

(Last Updated On: لړم ۲۶, ۱۳۹۹)

ولسمشر دونالد ترمپ تېره ورځ په لومړي ځل څرګنده کړه، چې دیموکرات سیال یې جوبایدن ولسمشریزې ټاکنې ګټلي؛ خو وروسته یې خپلې څرګندونې سمې کړې، چې هیڅ شی ورته د منلو ندی.

دونالد ترمپ له دې مخکې تویت کړی و، چې: هغه (بایدن) وګټله؛ ځکه، چې ټاکنې دمخه تنظیم شوې وې.

ترمپ بیا یوه بې بنسټه ادعا وکړه او څرګندوي، چې رایې په لوی لاس غیرعادلانه د ده پر ضد جوړې شوي دي؛ خو ولسمشر وروسته تویت وکړ: زه هیڅ شی نه منم. مونږ ته اوس هم د لارې اوږد مزل پاتې دی.

ټرمپ له ۱۹۹۲ کال راپدیخوا لومړنی ولسمشر دی، چې د ولسمشریزو ټاکنو له دوه یم ځلي بریا پاتې راځي؛ خو د جوبایدن پر وړاندې خپله ماته نه مني او د ټاکنو د پایلو ننګولو لپاره یې خپله اندېښنه محکمې ته وړاندې کړې ده.

د امریکا د پخواني ولسمشر جورج دبلیو بوش په ګډون د نړۍ ډېرو مشرانو ویلي، د دې هېواد ټاکنې پای ته رسیدلې دي.

د امریکا د ولسمشریزو ټاکنو بریالی جوبایدن او د هغه مرستیاله کامالا هریس د راتلونکي کال د جنورۍ ۲۰ ته د واک لیږد ډله جوړه کړې ده.

ویل کیږي، چې هغه له کرونا ویروس سره د مبارزې لپاره د مشورې یوه طبي ډله هم جوړه کړې؛ ځکه، چې دا هېواد په نړۍ کې له کرونا ویروسه د مړینې ترټولو ډېرې پېښې لري.

د جان هاپکنز پوهنتون د موندنو له مخې؛ اوس هم په دې هېواد کې پر کرونا ویروس ۱۰۹۰۶۰۰۰ کسان اخته دي او ۲۴۵۰۰۰ نور ترې مړه شوي دي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!