تازه خبرونه
تحول: په افغانستان کې د ټولګډونه حکومت د جوړولو غوښتنې
تازه خبرونه
افغانستان د نړیوالې ټولنې له پامه غورځېدلی هېواد دی – ازبکستان
هغه ويلي: مونږ باوري يوو، چې په بهر کې د افغانستان د کنګل شويو مالي شتمنيو بېرته ستنېدا به په دې هېواد کې د ټولنيز وضعيت له ښهوالي سره مرسته وکړي.
![](https://www.ariananews.af/wp-content/uploads/2024/07/Uzbek-president.jpg)
د ازبکستان ولسمشر ویلي، چې د نړۍ په بېلابېلو برخو کې د جګړو او نښتو له کبله افغانستان د یو هېواد په توګه د نړیوالې ټولنې له پامه غورځول شوی دی.
د ازبکستان ولسمشر شوکت میرضیایوف دا خبره په آذربایجان کې د ترک دولتونو سازمان په ناسته کې کړې ده.
د تسنیم خبری آژانس د راپور له مخې؛ میرضیایوف په دې ناسته کې ویلي: له بده مرغه د نړۍ په نورو سیمو کې د جنګونو او شخړو د زیاتېدو له کبله زمونږ ګاونډ افغانستان، چې د ترکیې په میلیونونه استازي په کې ژوند کوي؛ د نړیوالې ټولنې له پامه غورځول شوی دی.
په دې ناسته کې د ازبکستان ولسمشر د افغانستان د کنګل شوې شتمنۍ د خلاصون غوښتنه هم وکړه.
هغه ويلي: مونږ باوري يوو، چې په بهر کې د افغانستان د کنګل شويو مالي شتمنيو بېرته ستنېدا به په دې هېواد کې د ټولنيز وضعيت له ښهوالي سره مرسته وکړي.
میرضیایوف وړاندیز کړی، چې د افغانستان په اړه باید د ترک هېوادونو ټولنې بهرنیو چارو وزیرانو د ناستې په اجنډا کې یوه ګډه او متحده تګلاره ومنل شي.
هغه زیاته کړې، ازبکستان به د افغانستان له خلکو سره لازمې مرستې روانې وساتي.
هغه زیاته کړې، ازبکستان به د افغانستان له خلکو سره لازمې مرستې روانې وساتي.
دا څرګندونې په داسې حال کې راپورته کېږي، چې د خوړو نړیوال پروګرام، د ملګرو ملتونو بشري مرستو همغږۍ ادارې او د مهاجرت نړیوالې ټولنې (IOM) له دې مخکې په افغانستان کې د بېوزلۍ د پراخېدو په اړه اندېښنه ښودلې او ویلي یې دي، چې د بودجې له کمښت سره مخ دي.
اړوند خبرونه:
ازبکستان او پاکستان د افغان ټرانس اوسپنېپټلۍ پروژې پر پیلېدا ټینګار څرګند کړ
د ازبکستان او افغانستان خصوصي سکټورونو ترمنځ سوداګریز تړونونه لاسلیک شول
تازه خبرونه
د چین، تاجکستان او افغانستان تر منځ دې ټرانسپورټي دهلیز جوړ شي- امام علي رحمان
امام علي رحمان او شي جينپينګ د يوه کمربند او يوې لارې پروژې په چوکاټ کې د همکارۍ پر دوام خوښي څرګنده کړه
![](https://www.ariananews.af/wp-content/uploads/2024/07/Tajikistan-China.jpg)
د تاجکستان ولسمشر امام علي رحمان له خپل چينايي سيال شي جینپینګ سره له کتنې وروسته په يوه خبري ناسته کې وړانديز وکړ، چې د چين، تاجکستان او افغانستان د ټرانسپورټي دهلېز په اوږدو کې د سړک او اوسپنې پټلۍ د جوړولو لپاره دې عملي هڅې په پام کې ونیول شي.
هغه ټینګار کړی، چې د چین، تاجکستان او افغانستان ترمنځ د ټرانسپورټي دهلیز جوړول به سیمهییزه سوداګري او نښلېدا پراخه کړي.
په دې کتنه کې امام علي رحمان او شي جينپينګ د يوه کمربند او يوې لارې پروژې په چوکاټ کې د همکارۍ پر دوام خوښي څرګنده کړه.
د يادونې ده، چې تاجکستان ته د شي جينپينګ د سفر پرمهال دواړو هېوادونو په بېلابېلو برخو کې د ٢٩ مهمو سندونو پر لاسليکولو خپلې اړيکې نورې هم پياوړې کړې دي.
تازه خبرونه
اسلامي امارت د کانونو وزارت او د مرکزي بانک چارسمبالي بدل کړل
د افغانستان بانک مرستیال والي نوراحمد اغا د افغانستان بانک چارسمبالی وټاکل شو.
![](https://www.ariananews.af/wp-content/uploads/2024/07/Delawar-Badri.jpg)
د افغانستان اسلامي امارت د ویاند د څرګندونو له مخې؛ د اسلامي امارت د رهبر پر فرمان د شنبې پر ورځ د چنګاښ شپاړلسمه د کانونو او پټرولیم وزارت چارسمبالی شهاب الدین دلاور له دندې لرې شو او پر ځای یې د افغانستان بانک چارسمبالی هدایت الله بدري وټاکل شو.
دلاور د افغاني سرې میاشتې ټولنې د چارسمبالي په توګه د مطیع الحق خالص پر ځای ټاکل شوی او خالص به د چاپېریال ساتنې د ملي ادارې د رییس په توګه دنده ترسره کوي.
د افغانستان بانک مرستیال والي نوراحمد اغا د افغانستان بانک چارسمبالی وټاکل شو.
په تازه اعلان شویو ګمارنو کې د افغاني سرې میاشتې ټولنې پخوانی مرستیال نورالدین ترابي هم د طبیعي پېښو پر وړاندې د مبارزې د ملي ادارې د چارسمبالي په توګه ټاکل شوی دی.
د صنعت او سوداګرۍ وزارت پخوانی مرستیال قدرت الله جمال د اطلاعاتو او کلتور وزارت د مالي او اداري مرستیال په توګه وټاکل شو.
د استخباراتو ادارې له فساد سره د مبارزې پخوانی چارسمبالی احمدالله زاهد د صنایعو اوسوداګرۍ وزارت د نوي مرستیال په توګه وټاکل شو.
د افغانستان د چاپېریال ساتنې ادارې پخوانی چارسمبالی حافظ عزیزالرحمن د افغاني سرې میاشتې ټولنې د مرستیال په توګه وټاکل شو.
په مالي او اداري چارو کې د اطلاعاتو او کلتور پخوانی مرستیال سعدالدین سعید د چاپېریال ساتنې ملي ادارې په مالي او اداري چارو کې د مرستیال په توګه ټاکل شوی دی.
-
تازه خبرونه3 days ago
استرالیا د افغانستان لپاره ځانګړې استازې وټاکله
-
سوداگري4 days ago
افغانستان او ازبکستان د ګډې سوداګرۍ خونې پر جوړولو هوکړه وکړه
-
سوداگري3 days ago
د ازبکستان او افغانستان خصوصي سکټورونو ترمنځ سوداګریز تړونونه لاسلیک شول
-
تازه خبرونه4 days ago
د پاکستان دفاع وزیر د افغانستان پروړاندې د بریدونو ګواښ وکړ
-
تازه خبرونه3 days ago
د روسیې او چین ولسمشرانو د شانګهای غونډې په څنډه کې وکتل
-
تازه خبرونه4 days ago
له ټولو هېوادونو سره اړیکې لرو او تر منځ مو د باور فضا رامنځته شوې – ذبیح الله مجاهد
-
سیمه ییز خبرونه3 days ago
د پاکستان او تاجکستان مشرانو په افغانستان کې د ټولګډونه حکومت پر جوړولو ټینګار وکړ
-
تازه خبرونه4 days ago
د دوحې د مدني ټولنې په غونډه کې مو د ټولو هېوادونو پر ګډون ټینګار نشو کولی – ملګري ملتونه