تازه خبرونه
تاجکستان د افغانستان په کورنیو چارو کې لاسوهنه کوي- د ا.ا.ا

د افغانستان اسلامي امارت د لومړي وزیر مرستیال ملا عبدالغني برادر د یکشنبې پر ورځ په یوه مرکه کې ویلي، چې تاجکستان د افغانستان په کورنیو چارو کې لاسوهنه کوي.
ملا برادر له الجزیرې تلویزیوني چینل سره په یوه مرکه کې څرګنده کړې: تاجکستان زمونږ په چارو کې لاسوهنه کوي؛ خو د هر عمل لپاره عکس العمل هم شته.
یوه ورځ مخکې د اسلامي امارت ویاند او د اطلاعاتو او فرهنګ وزارت مرستیال ذبیح الله مجاهد په خپل ټویټ کې څرګنده کړې وه، چې د ا.ا.ا په زرګونه جنګیالي د افغانستان تخار ولایت ته لیږلي، چې له تاجکستان سره ګډه پوله لري.
د مجاهد د څرګندونو له مخې؛ دا کار له امنیتي ګواښونو سره د مبارزې یوه اړتیا ده.
د روانې میاشتې په پیل کې د تاجکستان ولسمشر امام علي رحمان د شانګهای هېوادونو د همکارۍ ټولنې او د ډله ییز امنیت تړون ټولنې په ګډه غونډه کې، چې خبرې یې په افغانستان کې پر وروستیو پرمختګونو راڅرخېدلې؛ د ترهګرو ډلو د احتمالي پراختیا د مخنیوي لپاره د افغانستان پر شاوخوا د “امنیتي کمربند” جوړولو وړاندیز کړی و.
تازه خبرونه
د افغانستان په چارو کې د توماس نیکلسون ماموریت پای ته ورسېد
نوموړي د یکشنبې پر ورځ( د وري پر څلیریشتمه) په ایکس پاڼه کې یو پیغام خپور کړ، چې په دې “مهمه تاریخي شېبه” کې یې د خدمت کولو له فرصته مننه کړې او له افغانانو، همکارانو او شریکانو څخه یې د په چارو کې له ملاتړ او رغنده نیوکو مننه څرګنده کړې ده.

د افغانستان لپاره د اروپايي ټولنې ځانګړي استازي توماس نیکلسون د خپل ماموریت له پای ته رسولو خبر ورکړی دی.
نوموړي د یکشنبې پر ورځ( د وري پر څلیریشتمه) په ایکس پاڼه کې یو پیغام خپور کړ، چې په دې “مهمه تاریخي شېبه” کې یې د خدمت کولو له فرصته مننه کړې او له افغانانو، همکارانو او شریکانو څخه یې د په چارو کې له ملاتړ او رغنده نیوکو مننه څرګنده کړې ده.
نیکلسون ټینګار کړی، چې د ماموریت پای به یې د افغانستان اړه د اروپايي ټولنې پالیسۍ او چلند بدل نکړي.
هغه زیاته کړې؛ اروپايي ټولنه د افغانستان له خلکو سره خپلو ژمنو ته ژمنه پاتې کیږي او د دې ټولنې د شورا د پرېکړو په چوکاټ کې به له افغانستان او نړیوالو شریکانو سره همکاري وکړي.
د نیکلسون د څرګندونو له مخې؛ تر هغې، چې نوی استازی ټاکل کیږي؛ د اروپايي ټولنې په بهرني عمل خدماتو (EEAS) کې به د افغانستان او پاکستان د څانګې رییس ډارین دریا لنډمهاله مسوولیت پر غاړه واخلي.
ویل کیږي، چې نیکلسون په افغانستان کې د تېر جمهوري نظام پر مهال دا دنده پیل کړې وه او د اسلامي امارت له راتګ سره هم په اړوند چارو کې د اروپایي ټولنې ځانګړی استازی پاتې شو.
تازه خبرونه
مولوي عبدالکبیر له سراج الدین حقاني څخه د همکارۍ غوښتنه وکړه
د کډوالو او راستنېدونکو چارو وزارت ويلي، چې مولوي عبدالکبیري او سراج الدین حقاني په هېواد کې د وروستیو بدلونونو او د کډوالو د راستنېدو لپاره یې پر چمتووالي خبرې وکړې.

د کډوالو او راستنیدونکو چارو وزارت چارسمبالي(سرپرست) د کورنیو چارو وزارت له چارسمبالي سره وکتل او له پاکستان څخه د راستنېدونکو ستونزو د حل لپاره یې د امنیتي ادارو د همکارۍ غوښتنه وکړه.
د کډوالو او راستنېدونکو چارو وزارت ويلي، چې مولوي عبدالکبیري او سراج الدین حقاني په هېواد کې د وروستیو بدلونونو او د کډوالو د راستنېدو لپاره یې پر چمتووالي خبرې وکړې.
د کډوالو او راستنیدونکو چارو وزارت په خبرپاڼه کې راغلي، چې د ناستې په بهیر کې د کورنیو چارو وزارت له چارسمبالي حقاني څخه وغوښتل شول، چې د راستنېدونکو کډوالو د بېرته راستنیدو او ځای پر ځای کولو په بهیر کې له امنیتي ځواکونو سره همکاري وکړي.
په دې ناسته کې یو شمېر نورو امنیتي او دفاعي چارواکو هم ګډون کړی و.
د کډوالو او بیا راستنېدونکو چارو وزارت د خبرپاڼې له مخې؛ “د ناستې په بهیر کې د هېواد د وروستیو بدلونونو او د راستنېدونکو کډوالو د سمبالولو لپاره د چمتووالي په اړه بحث وشو. “
مولوي عبدالکبیر ویلي، چې “د راستنېدونکو کډوالو لپاره په ټولو ولایتونو او بندرونو کې چمتووالی نیول شوی دی. هغه پر خلکو، پانګوالو او امنیتي ادارو غږ وکړ، چې له راستنېدونکو افغانانو سره د امکان ترحده مرسته وکړي.”
دا اعلان په داسې حال کې کیږي، چې پاکستان په دې وروستیو کې د افغان کډوالو د جبري ایستلو دوهیم پړاو پیل کړی دی. په تېره اوونۍ کې یې زرګونه افغانان له جبري ایستلي دي.
له بلې خوا کارپوهان د راستنېدونکو کډوالو د ستونزو د حل لپاره د حکومتي ادارو ترمنځ همغږي رامنځته کول اړینه ګڼي.
د راپورونو له مخې، په تېره اوونۍ کې له ۴۴ زره څخه ډېر افغان کډوال له پاکستان څخه جبري ایستل شوي دي. له دې مخکې، د ریاست الوزراء اداري مرستیال او د کډوالو کمیسیون مشر عبدالصلاح حنفي هم د تورخم بندر څخه لیدنه کړې او له افغانانو، عالمانو او د پاکستان له خلکو یې وغوښتل، چې د افغان کډوالو پر وړاندې “بې عدالتي” ودروي.
تازه خبرونه
قصاص الهي امر او اسلامي نظام یې پر پلي کولو مکلف دی – د اسلامي امارت رهبر
د قصاص د تطبیق پر ضد له اعتراضونو وروسته د اسلامي امارت رهبر د حج د ښوونکو لپاره په جوړ شوي سیمینار کې وویل، چې په نننيو شرایطو کې کفار مسلمانان له عبادت څخه منع کوي. په ځانګړي توګه د قصاص د حکم د پلي کولو په اړه. په داسې حال کې، چې قصاص یو الهي امر او اسلامي نظام یې پر پلي کولو مکلف دی.

د اسلامي امارت رهبر د قصاص د حکم پلي کول د اسلامي نظام یو فرض ګڼي او وايي، چې که څه هم کفار مسلمانانو ته د خپلو دیني دندو د ترسره کولو اجازه نه ورکوي؛ خو اسلامي امارت به دې فشارونو ته تسلیم نشي، حتا که یې سر هم په دې لاره کې قربان شي.
د قصاص د تطبیق پر ضد له اعتراضونو وروسته د اسلامي امارت رهبر د حج د ښوونکو لپاره په جوړ شوي سیمینار کې وویل، چې په نننيو شرایطو کې کفار مسلمانان له عبادت څخه منع کوي. په ځانګړي توګه د قصاص د حکم د پلي کولو په اړه. په داسې حال کې، چې قصاص یو الهي امر او اسلامي نظام یې پر پلي کولو مکلف دی.
د شرعي احکامو پر پلي کېدو د اسلامي امارت رهبر شیخ هبةالله آخوندزاده په کندهار کې یوه سیمینار ته خپل دا ټینګار هم څرګند کړی؛ دوی به د ټولې نړۍ پر وړاندې خپله مبارزه روانه ساتي او اسلامي احکام به پلي کوي.
د اسلامي امارت رهبر زیاته کړي: لکه څنګه، چې خدای پاک د لمانځه امر کړی؛ همداسې یې د انتقام اخیستلو امر هم کړی دی. لکه څنګه، چې هغه د لمانځه امر وکړ پر حدودو یې هم امر کړی؛ خو نن هیڅوک دوی د خدای د حکمونو د پلي کولو لپاره نه مجبوروي، خو دوی د خدای د حکمونو د پلي کولو لپاره ژمن دي. حتا که دا د دوی د ژوند پر بیه هم وي.
نوموړي ویلي، چې دوی نن له یوې لویې ازموینې سره مخ دي او د ټولې نړۍ پر وړاندې به د دین، پیغمبر صلی الله علیه وسلم او مذهب په اړه جوړجاړی ونکړي.
دا په داسې حال کې ده چې په افغانستان کې د اعدام سزا عملي کول د نړیوالو بنسټونو، په ځانګړي توګه د بشري حقونو ډلو له مخالفت سره مخ شوي دي. تېره جمعه، اسلامي امارت په بادغیس، نیمروز او فراه ولایتونو کې څلور کسان اعدام کړل.
-
تازه خبرونه4 days ago
د امریکا د استازو جرګې د نوې لایحې له مخې اسلامي امارت نړیوالو مرستو ته لاسرسی نشي موندلی
-
لوبی5 days ago
د افغانستان له ۱۹ کلنو ټیټ عمره کرکټ لوبډلې د نیپال پر وړاندې د ۵۰ آوریزو لوبو لړۍ وګټله
-
نړۍ4 days ago
ټرمپ د تعرفو په اړه خپل دریځ بدل کړ
-
تازه خبرونه4 days ago
یوناما په افغانستان کې د امر بالمعروف او نهی عن المنکر قانون د پایلو په اړه خپل راپورخپور کړ
-
تازه خبرونه5 days ago
افغان بيسيم په تورخم کې راستنېدونکو ته د وړیا خدماتو او وړيا سيمکارتونو د وېش لړۍ پيل کړه
-
تازه خبرونه5 days ago
د ایران د ولسمشر مرستیال له افغانستان سره د اړیکو پر پیاوړتیا ټینګار وکړ
-
تازه خبرونه5 days ago
په تېرو دوه ورځو کې پاکستان له ۸۰۰۰ څخه ډېر افغان کډوال جبري ایستلي – یوناما
-
نړۍ1 day ago
د اوکراین د شخړې د حل لپاره خبرې ښې روانې دي – ټرمپ