لوبی
تاجکستان د افغانستان له والیبال ملي لوبډلې لوبه وګټله
د دواړو لوبډلو ترمنځ دا لوبه نن (سېشنبه د لړم لومړۍ) د ازبکستان پر کوربتوب په تاشکند کې ترسره شوه.

(Last Updated On: )
د افغانستان والیبال ملي لوبډلې د مرکزي آسیا د والیبال ټولنې (CAVA) په سیالیو کې څلورمه لوبه ۳ – ۲ تاجکستان ته پرېښوه.
د دواړو لوبډلو ترمنځ دا لوبه نن (سېشنبه د لړم لومړۍ) د ازبکستان پر کوربتوب په تاشکند کې ترسره شوه.
د هېواد د والیبال ملي لوبډلې تر اوسه د منځنۍ آسیا په سیالیو کې درې ماتې او یوه بریا خپله کړې ده.
د لوبډلې بریا د مالډیپ پر وړاندې وه، چې د یکشنبې پر ورځ ۳ـ ۰ پای ته ورسېده.
د CAVA والیبال سیالۍ پر رسمي ډول د اوکټوبر پر اتلسمه په تاشکند کې پیل او د پنجشنبې پر ورځ به د اوکټوبر تر څلیریشتمې روانې وي.
په دې سیالیو کې شپږ لوبډلو(ازبکستان، تاجکستان، قرغزستان، ترکمنستان، افغانستان او مالډیف ګډون کړی دی.