تازه خبرونه
بریټانیا په افغانستان کې د تاوتریخوالي د سمدستي پای غوښتنه وکړه
(Last Updated On: )
په کابل کې د بریټانیا سفارت د نوي کال د مبارکۍ تر څنګ د تاوتریخوالي د سمدستي پای ته رسولو غوښتنه کړې ده.
په افغانستان کې د بریټانیا مرستیال سفیر ایان کلارډ ویلي، چې د افغانستان خلک د تاوتریخوالي او هدفي وژنو قرباني شوي او دا بهیر مخ پر ډېریدو دی.
هغه وایي: سوله د وینو تویدو د مخنیوي یوازنۍ لار؛ ځکه ده، چې د افغانستان خلک له وېرې پرته په خپل هېواد کې ژوند وکړي. مونږ د تاوتریخوالي د سمدستي پای رسېدو غوښتونکي یو.
د برتانیا سفارت په افغانستان کې د سولې له تاریخي فرصته خپل ملاتړ تکرار کړی او څرګندوي، چې انګلستان د تاوتریخوالي د پای ته رسولو له سیاسي حل ملاتړ کوي.
هغه ویلي: مونږ هیله لرو، چې نوی کال به د افغانستان خلکو ته د سولې او ثبات زیری ولري.
د انګلستان دې ډیپلومات د افغانستان خلکو ته هم د نوي کال مبارکي وړاندې کړې ده.
