تازه خبرونه
بریټانیا له خپلو اتباعو غوښتي، چې له افغانستان ووځي
بریټانیا په افغانستان کې له خپلو وګړیو غوښتي، چې د امنیتي ګواښونو له کبله ژر تر ژره له دغه هېواده ووځي.
په افغانستان کې د بریټانیا سفارت له خپلو وګړیو غوښتي، له دې هېواده د وتلو لپاره له دوی سره په اړیکه کې شي.
په کابل کې د بریټانیا سفارت له خپلو وګړیو غوښتي، چې د امنیتي ګواښونو له کبله دې دغې شمېرې ته زنګ ووهي (۰۷۰۰۱۰۲۰۰۰) او د کونسلي خدماتو برخه دې غوره او خپل سفر دې تائید کړي.
په اعلامیه کې راغلي: په کابل کې د بریتانیا سفارت به پرانستی وي. له تروریزم سره د مبارزې په هڅو کې به د افغانستان له حکومت سره د ډیپلوماټیکو او امنیتي سکتور له لارو ملاتړ کوي.
د بریټانیا د سفارت یوه ویاند ویلي: د بریټانوي وګړیو خوندیتوب مونږ ته لومړیتوب لري. مونږ په منظم ډول په بهر کې د بریټانیایي وګړیو امنیت او خوندیتوب بر وړاندیزونو بیاکتنه تازه کوو. مونږ مخکې هم افغانستان ته د هرډول سفر نکولو سپارښتنه کړې وه.
سفارت زیاته کړې، چې دوی د افغانستان امنیتي وضعیت په منظمه توګه څاري او ارزوي یې.
