سیمه ییز خبرونه
ایران پر اسرائیلو مستقیم برید ته چمتو دی – آکسیوس
دغې اوبپاڼې د دوه ناڅرګندو سرچینو د څرګندونو له مخې لیکلي، چې د نومونو له ښودلو یې ډډه کړې په ډاګه کوي: نوې استخباراتي ارزونې ښیي، چې دا برید د پنجشنبې پر ورځ په غزه کې د اوربند له خبرو اترو څخه مخکې ترسره کیدی شي.
![](https://www.ariananews.af/wp-content/uploads/2024/08/Iran-ready-to-attack.jpg)
د آکسیوس اوبپاڼې په یوه تازه راپور ښیي، چې ایران پر اسرائیلو مستقیم برید ته چمتو دی او ښايي په راتلونکیو څو ورځو کې ترسره شي.
دغې اوبپاڼې د دوه ناڅرګندو سرچینو د څرګندونو له مخې لیکلي، چې د نومونو له ښودلو یې ډډه کړې په ډاګه کوي: نوې استخباراتي ارزونې ښیي، چې دا برید د پنجشنبې پر ورځ په غزه کې د اوربند له خبرو اترو څخه مخکې ترسره کیدی شي.
د آکسیوس یوې سرچینې، چې د اسرائیلو د استخباراتي ټولنې له وروستۍ ارزونې څخه خبر دی دې اوبپاڼې ته ویلي، چې وضعیت اوس هم د بدلون په حال کې دی؛ خو د تېرو ۲۴ ساعتونو ارزونه یو بدلون پر ګوته کوي.
د نوموړي د څرګندونو له مخې؛ په ايران کې داخلي بحثونه روان دي او ښايي د ايران حکومت خپله پرېکړه بدله کړي.
دې اوبپاڼې د خپلو سرچینو د څرګندونو له مخې زیاته کړې؛ د اسرائیلو استخباراتي ټولنه هم پدې باور ده، چې د لبنان حزب الله به لومړی پر اسرائیلو برید وکړي او بیا به ایران مستقیماً پر اسرائیلو برید وکړي.
د دغو سرچینو د څرګندونو له مخ؛ د حزبالله او ایران لهخوا دا بریدونه به شاید د ایران د سپاه پاسداران د بې پیلوټه الوتکو او راکټونو پر پرتله پراخ وي او د ملکي وګړو مرکزونه هم پر نښه شي.
د اکسيوس په دې راپور کې دا هم ويل شوي؛ تېره اوونۍ د اسرائيلو استخباراتي چارواکي دې پایلې ته ورسېدلي، چې ايران تر اوسه د خپل ځواب د وخت او ماهيت په اړه پرېکړه نده کړې او نړيوال فشارونه او کورني بحثونه ښايي د دې هېواد پر رهبر علي خامنهیي فشار راوړي، چې د اسرائیلو پر وړاندې له غچ اخیستنې تېر او یا یې وځنډوي.
په ملګرو ملتونو ته د ایران استازي په یوه خبرپاڼه کې اعلان کړی؛ مونږ هیله لرو، چې زمونږ غبرګون به شوني اوربند ته زیان ونهرسوي او اسلامي جمهوریت به د حماس د هرې پرېکړې ملاتړ وکړي.
اکسیوس دا هم لیکلي، چې د اسرائیلو دفاع وزیر یوآو ګالانټ د یکشنبې پر ورځ د امریکا د دفاع له وزیر لویډ آسټین سره په خبرو کې ویلي؛ د ایران پوځي چمتووالی ښیي، چې د ایران حکومت د یوه ستر برید لپاره چمتووالی نیسي.
په تهران کې د اسماعیل هنیه له وژل کېدو او په بیروت کې د لبنان د حزبالله د مشر فواد شیکر له وژل کېدو وروسته امریکا پراخې ډیپلوماټیکې هڅې وکړې، چې د ایران او د پلوي ډلو د غچ اخیستنې مخه ونیسي او اسرائیل او حماس بېرته خبرو ته حاضر کړي.
له دې مخکې علي خامنهیي او نورو ایراني پوځي او سیاسي چارواکو ټینګار کړی، چې د اسرائیلو پر ضد به لوی غچ واخلي.
سیمه ییز خبرونه
امریکا روسیې ته د ایران د بالستیک توغندیو پر سپارلو اندېښنه څرګنده کړه
یکی از مقامهای امریکایی به رویترز گفته است که آنها از نزدیک شاهد انتقال موشکهای بالقوه ایران و روسیه هستند.
![](https://www.ariananews.af/wp-content/uploads/2024/09/Iran-Missile-Russia.jpg)
امریکا وايي، روسیې ته د ایران د بالستیک توغندیو هر راز لېږد به په اوکراین کې جګړه نوره هم پراخه کړي.
رویټرز خبري سرچینې راپور ورکړی، چې امریکا مسکو ته د ایران د فتح-۳۶۰ بالستیک توغندیو د استولو په اړه اندېښنه لري.
رویټرز تېره میاشت راپور ورکړ، چې روسیه له ایران څخه د سلګونه راکټونو لېږلو ته پر تمه دی او د دوی لسګونه پوځي انجینران په ایران کې د سپوږمکۍ لخوا د هدایت شويو وسلو روزنه ویني، چې د اوکراین د جګړې لپاره به وکارول شي.
له بلې خوا وال سټریټ ژورنال پرون د یوه امریکايي چارواکي د څرګندونو له مخې راپور ورکړ، چې لنډ واټن ویشتونکي توغندي اوس د ایران لخوا روسیې ته ورکړ شوي دي.
د سپینې ماڼۍ د ملي امنیت شورا ویاند شان ساوټ ویل: مونږ پر اوکراین باندې د روسیې د بشپړ یرغل له پیل راپدېخوا د روسیې او ایران تر منځ د امنیتي همکاریو د ژورېدو په اړه خبرداری ورکوو او په دې اړه له راپورونو اندېښمن یوو.
دغه راز یوه امریکايي چارواکي رویټرز ته ویلي، چې دوی د ایران او روسیې د احتمالي توغندیو د لېږد بهیر له نږدې څاري.
دا احتمالي هڅې له هغې وروسته رامنځته کېږي، چې امریکا او اروپايي شریکانو یې ویلي؛ د ایران دا ډول کړنې خطرناکې پایلې لرلی شي.
په دې ورستیو میاشتو کې لویدیځ هېوادونه د ایران او روسیې د اړیکو زیاتېدا له اندیښنو سره څاري.
ویل کیږي، چې په ملګرو ملتونو کې د ایران د استازي دفتر هم اعلان کړی، چې د اوکراین د شخړې په اړه د تهران دریځ نه بدلیدونکی دی.
سیمه ییز خبرونه
د ایران د پخواني ولسمشر رییسي د چورلکې د غورځېدو وروستۍ پایلې اعلان شوې
د ایران د دولتي ټلویزیون د څرګندونو له مخې: وروستی راپور پای ته رسیدلی؛ چورلکه د خرابې هوا او اقلیمي شرایطو له کبله راغورځېدلې ده.
![](https://www.ariananews.af/wp-content/uploads/2024/09/Ibrahim-Raisi-Chopper-crash.jpg)
رویټرز د یکشنبې پر ورځ د ایران د دولتي ټلویزیون د څرکندونو له مخې ویلي؛ د دې هېواد د پخواني ولسمشر رییسي د چورلکې غورځیدل د خرابې هوا له کبله رامنځته شوي، چې په کې رییسي او ورسره مل پلاوی مړه شوي دي.
د ایران د دولتي ټلویزیون د څرګندونو له مخې: وروستی راپور پای ته رسیدلی؛ چورلکه د خرابې هوا او اقلیمي شرایطو له کبله راغورځېدلې ده.
د ایران د پوځ د پېښې د څېړلو عالي کمیټې په خپور شوي راپور کې راغلي، چې د رییسي او د هغه د ملګرو د سپرلۍ چورلکه د سخت غبار او خرابې هوا له کبله له غره سره لګېدلې ده.
د پېښې د څېړنو بورډ په پېښه کې د هر ډول ناوړه لوبې یا برید خبره رد کړې ده.
د ایران د پوځ په یوه لومړني راپور کې، چې هغه مهال خپور شوی و هم په پېښه کې د ناوړه لوبې یا برید له شواهدو څه ویل شوي نهول.
د ایران سخت دریځی ولسمشر ابراهیم رییسي، چې د مذهبي مشر ایت الله علي خامنهيي د احتمالي ځایناستي په توګه هم ورته کتل کیدل؛ د روان کال په می کې هغه مهال مړ شو، چې چورلکه یې د آذربایجان پولې ته نږدې په یوه غرنۍ سیمه کې راوغورځېده.
سیمه ییز خبرونه
په لویدیځه غاړه کې د ډزو له کبله درې اسرائیلیان ووژل شول
رویټرز راپور ورکړی، چې پوځ د ایدنا ترقومیه په اړوند سیمه کې برید تائید کړی او وایي، چې امنیتي ځواکونه د بریدګرو په لټه کې دي.
![](https://www.ariananews.af/wp-content/uploads/2024/09/Israel.jpg)
اسرائیلي چارواکو ویلي، درې اسرائیلیان د یکشنبې پر ورځ هغه مهال ووژل شول، چې د دوی پرموټر د اشغال شوې لوېدیځې غاړې هیبرون ښار ته نږدې ډزې وشوې.
رویټرز راپور ورکړی، چې پوځ د ایدنا ترقومیه په اړوند سیمه کې برید تائید کړی او وایي، چې امنیتي ځواکونه د بریدګرو په لټه کې دي.
په سلګونو اسرائیلي سرتېرو د تېرې چهارشنبه راپدېخوا په لویدیځه غاړه کې له څو میاشتو راپدېخوا ترټولو لوی عملیات ترسره کړل، چې د اسرائیلو د څرګندونو له مخې؛ هدف یې د اسلامپالو وسلهوالو له منځه وړل دي.
دې عملیاتو د اوربند لپاره نړیوال راپارولي دي.
لومړي وزیر بنیامین نتنیاهو ویلي؛ درې پولیس په موټر کې سپاره ول، چې د یکشنبې پر ورځ ووژل شول.
نتانیاهو د غزې په تړانګه کې د یکشنبې پر ورځ د شپږ اسرائیلي برمته شویو مړي، چې له یوه تونل څخه موندل شوي له نغوتې سره وویل: مونږ د یوه ظالم دښمن پر وړاندې په ټولو جبهو کې جنګیږو، چې غواړي مونږ ټول ووژني.
د مالیې وزیر بزالل سموتریچ، چې د اسرائیلو د امنیتي کابینې سخت دریځه غړی دی؛ په لویدیځه غاړه کې د فلسطیني وسلهوالو پر ضد د نورو ډېرو اقداماتو غوښتنه وکړه.
هغه پر اسرائیلو د اوکټوبر اوومې وژونکي برید ته په نغوته کې ویلي: مونږ باید اوس هغه څه وکړو، چې په هغه بده شپه مو تر سره نکړل؛ غواړو یو برید وکړو او ترهګرۍ له ځپونکې برید سره مخ کړو.
هغه د یکشنبې د برید له له سیمې په خبرو کې ویلي: مونږ په ټولو جبهو کې د تروریزم له منځه وړلو ته ژمن یوو.
د اسرائیلو د امبولانس خدماتو ویلي وه، چې دوه کسان وژل شوي او درېیم یې سخت ټپي دی.
حماس، چې په غزه کې له اسرائیلو سره په جګړه اخته دی، په لویدیځه غاړه کې یې د برید ستاینه کړې؛ خو ادعا یې نده کړې او وایي، چې دا د غزې په تړانګه کې د قتل عام او نسلي وژنې طبیعي غبرګون دی.
په خبرپاڼه کې راغلي دي: مونږ پر ټولو هغو کسانو غږ کوو، چې وسلې لري؛ خپلې مرمۍ د نیواکګرو پر سینه ولګوي، چې د غزې په تړانګه کې یې عامه تر سره کوي.
اسرائیل د غزې په جګړه کې نسليوژنه ردوي.
-
لوبی3 days ago
د افغانستان فوټسال لوبډله تاشکند ته ورسېده
-
لوبی2 days ago
ابراهیم ځدراڼ د نیوزیلینډ پر وړاندې په ټسټ لوبه کې نهلوبیږي
-
نړۍ3 days ago
په غزه کې ۲۸ فلسطینیانو ته مرګ او ژوبله اوښتې
-
سیمه ییز خبرونه3 days ago
امریکا روسیې ته د ایران د بالستیک توغندیو پر سپارلو اندېښنه څرګنده کړه
-
تازه خبرونه3 days ago
ناروې له افغانستان سره یو اعشاریه اته میلیون ډالر مرسته وکړه
-
تازه خبرونه1 day ago
په هلمند او کندهار کې د کوکنارو پر ځای د ریحان کرکېله زیاته شوې
-
سوداگري2 days ago
په کابل کې د تره خېل ۲۵۲ میګاولټ امپیر سب سټېشن د جوړولو کار پیل شو
-
نړۍ2 days ago
په سوریه کې د اسرائیلو د بریدونو له کبله لږ تر لږه څلور ملکي وګړي ووژل شول