سیمه ییز خبرونه
ایران د اسرائیلو جنایي کړنې زغملی نشي – بهرنیو چارو وزارت
د جمعې پر ورځ پر بیروت د اسرائیلو د برید له کبله برید جنرال عباس نیلفروشان، چې د حزب الله مشر سید حسن نصرالله هم په کې و؛ ووژل شو.
د دوشنبې پر ورځ د ایران بهرنیو چارو وزارت ویاند ناصر کنعاني په لبنان کې د حزب الله د مشر او د ایران د سپاه پاسداران د مرستیال وژل کېدو ته په نغوته کې ویلي؛ ایران به د اسرائیلو جنایي کړنې بې ځوابه پرېنږدي.
د جمعې پر ورځ پر بیروت د اسرائیلو د برید له کبله برید جنرال عباس نیلفروشان، چې د حزب الله مشر سید حسن نصرالله هم په کې و؛ ووژل شو.
د راپور له مخې؛ د لبنان د حزب الله او د یمن د حوثي ملېشو پر وړاندې د اسرائیلو بریدونو دا وېره راپارولې، چې د منځني ختیځ جګړه به له کنټروله ووځي؛ ایران او د اسرائیلو اصلي متحد امریکا به په کې راښکېل کړي.
ناصر کنعاني خپلې اوونیزې خبري غونډې ته ویلي: مونږ ټینګ ولاړ یوو او له داسې لارې به عمل کوو، چې د [دښمن لپاره] خواشینوونکی وي.
هغه زیاته کړې، چې ایران د جګړې په لټه کې نهدی؛ خو ترې وېره هم نلري.
کنعاني ویلي، چې ایران د نصرالله او نیلفروشان د وژلو په اړه مسایل له لبناني چارواکو سره له نږدې څاري.
سیمه ییز خبرونه
د حسن نصرالله د وژنې په غبرګون کې د پاکستان د کراچۍ ښاریانو لاریون ودرول شو
په دې لاریون کې لاریونوالو د حزب الله د وژل شوي مشر حسن نصرالله انځورونه لاسونو کې پورته کړي وه؛ له پولیسو سره یې اخ وډب جوړ کړ او “مرګ پر امریکا” شعارونه یې پورته کړل.
د پاکستان حکومت د یکشنبې پر ورځ (د تلې پر اتمه) د کراچۍ ښاریانو هغه لاریون ودراوه، چې د اسرائیلو لخوا د لبنان د حزب الله د مشر حسن نصرالله د وژل کېدو په غبرګون کې یې غوښتل د امریکا قونسلګرۍ ته ور ننوځي.
په دې لاریون کې لاریونوالو د حزب الله د وژل شوي مشر حسن نصرالله انځورونه لاسونو کې پورته کړي وه؛ له پولیسو سره یې اخ وډب جوړ کړ او "مرګ پر امریکا" شعارونه یې پورته کړل.
پولیسو اعلان وکړ، چې د لاریونوالوپر ډبرو ویشتلو اووه امنیتي سرتېري ټپیان شول او روغتون ته وړل شوي دي.
د پولیسو یوه چارواکي ویلي: پولیس اړ شول، چې د خلکو د خورولو لپاره له اوښکي بیوونکي ګاز او اوبو کار واخلي.
دغه راز زیاته شوې، چې د هغو کسانو پر ضد به جنايي قضیې ثبت شي، چې د لاریونونو پر مهال یې له تاوتریخوالي کار اخیستی دی.
د رویټرز خبري سرچینې د راپور له مخې: د شیعه مذهبي سیاسي ګوند مجلس وحدت المسلمین، چې د ایران له ملاتړه برخمن ګڼل کېږي؛ د پاکستان په تر ټولو لوی ښار کې دا لاریون جوړ او شاوخوا درې زره کسانو په کې برخه اخیستې وه.
ویل کیږي، چې د لبنان د حزب الله مشر حسن نصرالله د پنجشنبې پر ورځ په لبنان کې د اسرائیلو د هوایي برید له کبله وژل شوی دی.
سیمه ییز خبرونه
ایران د ملګرو ملتونو د امنیت شورا د غونډې غوښتنه وکړه
هغه زیاته کړې: د ایران اسلامی جمهوریت په خپلو ډیپلوماټیکو ودانیو او استازولیو د هرډول برید پر وړاندې کلک خبرداری ورکوی او څرګندوي، چې ډیپلوماټیکې او قونسلي ودانۍ د مصونیت لرونکې دي او یو ځل بیا ټینګار کوي، چې د دغه ډول حملو تکرار به ونه زغمل شي.
د اسرائیلو لخوا د حزب الله د مشر سید حسن نصرالله له وژل کېدو وروسته په ملګرو ملتونو کې د ایران سفیر امیر سعید ایرواني ۱۵ کسیز پلاوي ته په یوه لیک کې لیکلي؛ ایران د شنبې پر ورځ د ملګرو ملتونو د امنیت شورا د جوړېدو غوښتنه کړې، چې په لبنان او ټوله سیمه د اسرائیلو د هڅو په اړه دې د ملګرو ملتونو امنیت شورا جوړه شي.
هغه زیاته کړې: د ایران اسلامی جمهوریت په خپلو ډیپلوماټیکو ودانیو او استازولیو د هرډول برید پر وړاندې کلک خبرداری ورکوی او څرګندوي، چې ډیپلوماټیکې او قونسلي ودانۍ د مصونیت لرونکې دي او یو ځل بیا ټینګار کوي، چې د دغه ډول حملو تکرار به ونه زغمل شي.
ايرواني ويلي: ايران به د نړيوالو قوانينو له مخې له خپلو حقوقو، ملي او امنيتي ګټو دفاع کوي او په دې اړه له کړنو وېره نلري.
د اسرائیلو پوځ د شنبې پر ورځ ویلي؛ د بیروت په جنوب کې یې د حزب الله پر مشر حسن نصرالله هغه مهال برید وکړ، چې له خپلو لوړپوړیو قومندانانو سره یې لیدلي وه.
دا برید له هغې وروسته وشو، چې لومړي وزیر بنیامین نتنیاهو په نیویارک کې د ملګرو ملتونو سرمشریزې ته ویلي، چې اسرائیل به په خپلو پولو کې د حزب الله ځواکونه ونه مني.
د اسرائیلو د پوځ ویاند ډګروال ناداو شوشاني ویلي، دغه عملیات، چې پوځ یې « د نوی نظم» هغه بولي؛ د جمعې پر ورځ په داسې حال کې ترسره شول، چې نصرالله او د حزب الله جګپوړي قومندانانو د اسرائیلو پر ضد د نورو بریدونو د پلانولو لپاره راټول شوي وه.
هغه خبریالانو ته ویلي: مونږ رښتیني معلومات درلودل، یو ښه عملیاتي فرصت و، چې مونږ ته یې د دې برید اجازه راکړه.
د اسرائیلو پوځي راډیو د هوايي ځواک د قطعې د مشر له قوله، چې برید یې ترسره کړی ویلي، چې پیلوټانو د هدف په اړه معلومات له الوتنې لږ مخکې ترلاسه کړل.
دغه افسر، چې یوازې ډګروال ایم. نومیده ویلي، په هغو ورځو کې، چې برید پلانېده؛ پیلوټان نه پوهېدل، چې هدف څه دی.
مونږ له برید یوازې څو ساعته مخکې خبر کړل او هغوی وپوهیدل، چې دوی د څه لپاره ځي.
شوشاني د دې انګېرنې په اړه له څه ويلو ډډه وکړه، چې ښايي په بريد کې امريکايي دوند مارک ٨٤ بمونه کارول شوي وي؛ خو د هاټزريم د هوايي اډې قومندان بريد جنرال اميچای لوين خبريالانو ته وويل، چې په څو دقيقو کې لسګونه بمونه پر هدف ولګېدل.
شوشاني ویلي، د حزب الله د جنوبي جبهې مشر علي کرکي، چې اسرائیلو یې تېره اوونۍ د وژلو هڅه وکړه؛ هم په دې برید کې ووژل شو.
حزب الله، چې د تېر کال د اوکټوبر پر اوومه د حماس لخوا پر اسرائیلو له برید یوه ورځ وروسته یې بمبتارډ پیل کړ؛ د نصرالله مړینه تائید کړې او څرګندوي، چې د غزې او فلسطین پر ملاتړ او د لبنان په دفاع کې به د اسرائیلو پر وړاندې خپله مبارزه روانه ساتي.
له هغه وخت راپدېخوا دواړو خواوو هره ورځ د توغندیو او راکټونو تبادله کړې، چې د پولې دواړو غاړو ته یې په لسګونه زره خلک کډې ته اړ کړي او پراخه سیمې یې تشې کړې دي.
سیمه ییز خبرونه
په پاکستان کې د چورلکې د لوېدو له کبله ۶ کسان مړه شول
د رویټرز خبري سرچینې د راپور له مخې: د پاکستان دوه امنیتي سرچینو، چې د نوم له څرګندولو یې ډډه کړې ویلي؛ دغه چورلکه د خیبر پښتونخوا ایالت په شمال کې د یوه خصوصي شرکت لخوا کرایه شوې وه.
امنیتي سرچینو ویلي، د شنبې پر ورځ د پاکستان په شمال کې د یوې چارټر چورلکې د لوېدو له کبله لږ تر لږه شپږ کسان مړه شوي دي.
د رویټرز خبري سرچینې د راپور له مخې: د پاکستان دوه امنیتي سرچینو، چې د نوم له څرګندولو یې ډډه کړې ویلي؛ دغه چورلکه د خیبر پښتونخوا ایالت په شمال کې د یوه خصوصي شرکت لخوا کرایه شوې وه.
دا الوتکه د افغانستان پولې ته څېرمه د شمالي وزیرستان په ناکراره سیمه کې له الوتنې لږ وروسته لوېدلې ده.
سرچينې زياته کړې، چې په الوتکه کې د روسي پيلوټانو په ګډون شاوخوا ١٤ مسافر سپاره ول، چې د دې پېښه له کبله اته ټپي کسان نږدې روغتون ته لېږدول شوي دي.
د پاکستان وسلوال ځواکونه او ملکي هوایي چلند سکټور په تېره یوه لسیزه کې له څو هوایي پېښو سره مخ شوي دي. په راپور کې راغلي؛ پر ۲۰۲۲ ز. کال په خیبر پښتونخوا کې یوه پوځي چورلکه د روزنیزو هڅو پر مهال راغورځېدلې، چې له کبله یې دوه پیلوټان مړه شوي. دغه راز د پاکستان د نړیوال هوايي شرکت ایربس یوه الوتکه پر ۲۰۲۰ ز. کال د کراچۍ ښار په یوه د ګڼه ګوڼې ډکه سیمه کې ولوېده، چې له کبله یې سپاره ۹۹ کسان مړه شول.
-
تازه خبرونه5 days ago
د دوحې تړون له بشري حقونو سره تړاو نلري- خلیلزاد
-
سیمه ییز خبرونه1 day ago
د حسن نصرالله د وژنې په غبرګون کې د پاکستان د کراچۍ ښاریانو لاریون ودرول شو
-
نړۍ2 days ago
د لبنان د حزب الله د مشر وژنې نړیوال غبرګونونه رامنځته کړل
-
نړۍ1 day ago
په نیپال کې د سېلابونو د قربانیانو شمېر له ۱۰۰ کسانو ډېر شو
-
لوبی5 days ago
د فوټسال نړیوال جام په حذفي پړاو کې وینزویلا له اسپانیا او پاراګوای له افغانستان څخه سیالي وګټله
-
تازه خبرونه1 day ago
په راتلونکي ژمي کې د افغانستان ۱۶ میلیون وګړي مرستو ته اړتیا لري – اوچا
-
سیمه ییز خبرونه2 days ago
په پاکستان کې د چورلکې د لوېدو له کبله ۶ کسان مړه شول
-
تازه خبرونه5 days ago
د زابل ولایت عمري یا توري بند ګټې اخیستنې ته وسپارل شو