سوداگري
ایران افغانستان ته د تېلو او ګاز د لېږد اجازه ورکړه
(Last Updated On: )
د افغانستان لپاره د ایران د ولسمشر ځانګړي استازي حسن کاظمي قُمي د شنبې پر ورځ ټویټ کړی، چې ایران افغانستان ته د تېلو او ګاز د لېږد درې میاشتنۍ اجازه ورکړې ده.
نوموړي زیاته کړې؛ دا کار د افغانستان اسلامي امارت د چارواکو له غوښتنې وروسته شوی، چې د ژمي په موسم کې د افغانانو د تېلو او ګاز اړتیاوې پوره کړي.
هغه وایي؛ په ژمي کې د افغانانو د اړتیاوو د پوره کولو په خاطر او همدارنګه د ایران اسلامي جمهوریت د افغان چارواکو په غوښتنه د ایران له خاورې افغانستان ته د تېرلو او ګاز د لیږد اجازه د درې میاشتو لپاره ورکړ شوه.
دا په داسې حال کې ده، چې تېره اوونۍ د اسلامي امارت د کابینې غونډې پرېکړه کړې، چې یو پلاوی به د خلکو د تېلو د اړتیاوو د پوره کولو لپاره هڅې وکړي.
