Connect with us

تازه خبرونه

امنیتي بنسټونه دي د ناقانونه ګوندونو مخنیوی وکړي- عدلیې وزارت

خپور شوی

د

(Last Updated On: لړم ۲, ۱۴۰۱)

د عدلیې وزارت وايي؛ یو شمېر ګوندونه په ناقانونه توګه د هېواد په لویو مسایلو کې ځان ښکېل ګڼي، چې امنیتي بنسټونه یې باید د هڅو مخه ونیسي.

په افغانستان کې د سیاسي ګوندونو او ډلو تر منځ سیاسي سیالي روانه ده او د راروانو ولسمشریزو ټاکنو لپاره له یو بل سره یوځای کیږي.

د عدلیې وزارت مسوولین وايي، چې زیاتره ګوندونه ناقانونه هڅې کوي، چې باید د هڅو مخه یې ونیول شي.

د عدلیې وزارت ویاند امان ریاضت وایي: هغه بنسټونه، چې په عدلیې وزارت کې له ثبت او راجستر پاتې دي؛ امنیتي ځواکونو ته یې نوملړ نه لیږل کیږي. په دې معنا، چې په عدلیې وزارت کې ثبت ندي او امنیتي بنسټونه یې باید د مخنیوي هڅې وکړي.   

د عدلیې په وزارت کې یوازې دوه اویا ګوندونه په رسمي توګه ثبت دي، چې د فعالیت حق لري. په دې لړ کې د ګلبدین حکمتیار په مشرۍ د حزب اسلامي ګوند هم د هغو په ډله کې دی، چې له عدلیې وزارت سره ثبت شوی ندی.

حقوقپوه وحیدالله فرزه یي وایي: هغه ګوندونه، چې ثبت شوي ندي او هڅې تر سره کوي؛ عدلیې وزارت یې د څارنې حق او مسوولیت لري.

د افغانستان د مدني ټولنو د مجتمع ريیس عزیز رفیعي وايي، چې پر ایدیولوژیک بنسټ را منځته شوي ګوندونه اوس مړاوي شوي او رهبرانو ته یې په کار ده، چې د نوي فکر او طرحې له مخې د سیاست ډګر ته را ووځي.

له معمول سره سم په افغانستان کې د ولسمشریزو ټاکنو لپاره سیاسي ګوندونو او یو شمېر ډلو سیاسي ډګر تود ساتلی؛ خو باور دا دی، چې دغه ګوندونه یوازې د امتیاز د تر لاسه کولو تر بریده خپل کوښښ کوي.

خبریال: باعث حیات

تازه خبرونه

افغانستان او چین په سیمه کې پوره همغږۍ او همکاریو ته اړتیا لري – امیر خان متقي

Published

on

(Last Updated On: غویی ۴, ۱۴۰۳)

د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.

امیر خان متقي دغه څرګندونې په کابل کې د چین له سفیر ژاو‌شینګ سره په کتنه کې کړې دي.

د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.

د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.

امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.

د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.

هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.

Continue Reading

تازه خبرونه

راشد خان د افغان بیسیم سوداګریز سفیر شو

Published

on

(Last Updated On: غویی ۴, ۱۴۰۳)

د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.

یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.

راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.

هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.

Continue Reading

تازه خبرونه

د اسلامي همکاریو ټولنې پلاوي د اروپايي ټولنې له استازې سره ولیدل

Published

on

(Last Updated On: غویی ۴, ۱۴۰۳)

د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.

په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.

میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.

هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.

له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.

Continue Reading

Trending

Copyright © 2022 Ariana News. All rights reserved!