Connect with us

تازه خبرونه

امریکا د طالب او دولتي بندیانو ژر تر ژره خوشې کیدل غوښتي

خپور شوی

د

(Last Updated On: وری ۲۵, ۱۳۹۹)

زلمي خلیلزاد د طالب او دولتي ځواکونو د یو شمېر بندیانو د خوشې کېدو هرکلی کړی او دا ګام یې سولې ته د رسېدو په برخه کې اړین ښودلی دی.

د افغانستان د سولې لپاره د امریکا ځانګړي استازي زلمي خلیلزاد د طالب او دولتي ځواکونو د یو شمېر بندیانو د خوشې کېدو هرکلی کړی دی.

هغه د ټویټر له لارې د دولت او طالبانو لخوا د زندانیانو د آزادۍ لړۍ ستایلې او څرګندوي، چې دا چاره کولی شي تاوتریخوالي راکم او د سولې بهیر چټک کړي.

خلیلزاد له دواړو لوریو غواړي، چې د امریکا او طالبانو ترمنځ د شوې هوکړې له مخې دې موخې ته د رسېدو لپاره دواړه لوري خپلې هڅې چټکې کړي.

د زلمي خلیلزاد د څرګندونو له مخې؛ په زندانونو کې د کرونا ویروس خپرېدل کولی شي، زندانون وګواښي او باید د بندیانو د خوشې کولو لړۍ نوره هم ګړندۍ شي.

دولتي سرچینیو ويلي؛ تراوسه نه پوهیږي، چې طالبانو څوک خوشې کړي دي.

لدې سره همهاله، د ولسمشر د ویاند مرستیال لطیف محمود ويلي؛ نه پوهیږي، چې طالبانو څوک خوشې کړي؛ خو په ډاګه کوي، چې د طالب زندانیانو د آزادۍ لړۍ به تر ۱۵۰۰ کسانو روانه وي.

د افغانستان حکومت پېنځه ورځې مخکې د طالب بندیانو د خوشې کولو لرۍ پيل کړې او طالبانو هم تېره ورځ شل دولتي بندیان خوشې کړل.

د سره صلیب نړیوالې ټولنې هم منلې، چې د طالبانو لخوا خوشې شوي بندیان یې په کندهار کې دولت ته سپارلي دي.

د ملي امنیت شورا دفتر ویلي؛ تراوسه یې ۳۶۱ طالب بندیان له بګرام زندانه خوشې کړي او دغه لړۍ به د ولسمشرۍ د فرمان له مخې د ۱۵۰۰ طالب بندیانو تر خوشې کېدو روانه وي.

د طالبانو د واکمنۍ پر مهال لوی څارنوال مولانا جلال الدین شینواری ویلي؛ طالبانو هم تېره ورځ اعلام وکړ، چې شل دولتي بندیان یې د ښه نیت ښودلو په موخه خوشې کړي؛ خو دا یې ندي ویلي، چې د بندیانو د آزادۍ لړۍ به روانه ساتي او که نه.

طالبانو هغه مهال، چې د دولت لخوا د طالب بندیانو د خوشې کېدو لړۍ پیل شوه اعلام وکړ، چې دغه بندیان د امریکا او طالبانو ترمنځ د شوې هوکړې سره برابر ندي خوشې شوي. طالبانو څو ورځې مخکې خپل هغه درې کسیز پلاوی هم بېرته وروغوښت، چې په کابل کې یې د دولت د زندانونو له مسوولینو سره د خپلو بندیانو د خوشې کېدو پر څرنګوالي خبرې کولې او بیا یې په ډاګه کړه، چې دغه پلاوي د بندیانو د ازادۍ لړۍ پرېښې؛ خو دا، چې اوس یې شل دولتي بندیان خوشې کړي دا یې نده روښانه کړې، چې پدې کار سره بېرته د بندیانو د خلاصون له لړۍ سره یو ځای شوي او که نه؟

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!