تازه خبرونه
امریکا په افغانستان کې د جګړې د پای ته رسیدو هڅې کوي
د امریکا د بهرنیو چارو وزارت وایي، په افغانستان کې د جګړې لګښت ډېر لوړ دی او دوی هڅې پیل کړي، چې د دې هېواد جګړه او تاوتریخوالی پای ته ورسیږي.
د طالبانو کاري ډلو او طالبانو په دوحه کې د سولې هوکړې پر عملي کړنلارې خبرې او مشورې پیل کړې دي.
د یوې امریکایي رسنۍ د راپور له مخې؛ د امریکا استخبارات نه غواړي په افغانستان کې خپل حضور کم کړي؛ خو طالبانو ویلي، چې په څو راتلونکیو ورځو کې یې له امریکا سره خبرې وروستۍ کیږي او تر دوه راتلوونکیو اوونیو به د ازبکستان په سمرقند ښار کې د افغانانو خپلمنځي خبرې پیل شي.
د امریکا د بهرنیو چارو وزارت وایي، واشنګتن غواړي، چې د افغانستان له لوړ لګښت ډکه جګړه پای ته ورسوي.
د امریکا د بهرنیو چارو وزارت ویانده مورګان اورتکس ویلي؛ مونږ فکر کوو، چې په افغانستان کې د جګړې لګښت ډېر لوړ دی او اړتیا ده، چې دا جګړه پای ومومي. په همدې خاطر زلمي خلیلزاد د سولې هوکړې ته د رسیدو لپاره ډېر وخت ولګاوه؛ ځکه مونږ غواړو، چې سولې ته ورسېږو. مونږ د افغانستان له خلکو غواړو، چې د خپل حکومت برخلیک پخپله وټاکي او جګړه پای ته ورسیږي.
د طالبانو د سیاسي دفتر ویاند سهیل شاهین وایي؛ پر وروستیو ټکو بحث روان دی او هیله من یوو، چې په څو راتلوونکیو ورځو کې یوې پایلې ته ورسیږو او په دوه اوونیو کې د افغانانو خپلمنځي خبرې پیل شي. په دې ناسته کې به د اوربند پر ټینګښت هم خبرې وشي.
د ازبکستان د بهرنیو چارو وزارت په یوه اعلامیه کې ویلي، د طالبانو پلاوي تاشکند ته په سفر کې د افغانانو د خپلمنځي خبرو د کوربتوب له وړاندیز ملاتړ کړی دی.
د حکومت د ۱۵ کسیز پلاوي غړي وایي، دا ځل به له طالبانو سره د خبرو لپاره څرګند پیغام ولرو.
د حکومت د مرکچي پلاوي غړی عبدالحکیم منیب وایي، چې د مذاکراتو هر پړاو د سولې څرګند پیغام لري.
د سوله ییز بدلون بنسټ رییس داکتر فاروق اعظم وایي، چې په دې خبرو کې باید د خاموشه اکثریت استازي هم باید ګډون ولري.
په همدې حال کې د امریکا ولسمشر دونالد ترمپ د قطر له امیر سره د افغانستان د سولې خبرو د پرمختګ په تړاو تیلیفوني خبرې کړې دي.
ځینې راپورونه ښیي، چې امریکا له طالبانو سره د سولې هوکړې مسوده له ولسمشرغني او اجرائیه رییس سره شریکه کړې، چې د ټاکنو ځنډېدل، د طالبانو د بندیانو خوشې کول او طالبان د اسلامي امارت په نوم یادول په کې یاد شوي دي. افغان حکومت تر اوسه دا خبر ندی تائید کړی.
خبریال: شاهپور فرهمند
تازه خبرونه
په تېر یو کال کې د افغان ښځو حقونو وضعیت نور هم خراب شو- امریکا
د امریکا بهرنیو چارو وزارت د بشري حقونو په اړه په خپل کلني راپور کې څرګنده کړې، چې د افغان ښځو حقونو وضعیت په ۲۰۲۳ ز. کال کې د ښځو پر وړاندې د محدودیتونو د لګولو له کبله ډېر خراب شوی دی.
وژنې، فزیکي ناوړه ګټه اخیستنه، د زندان سخت شرایط، ناحقه توقیف او اختطاف، د بیان او رسنیو ازادي، د انټرنیټ کارولو او سیاسي مشارکت ازادیو بندیزونو لګولو په ګډون اداري فساد او پوځي څانګې ته د ماشومانو استخدام د بشري حقونو هغه موضوعګانې دي، چې په دې راپور کې ورته نغوته شوې ده.
په دې راپور کې راغلي، چې اسلامي امارت په رسمي ډول د جمهوري پېر په قوانینو کې بدلون ندی راوستی؛ خو داسې فرمانونه یې صادر کړي، چې د نړیوالو کنوانسیونونو له قوانینو او مکلفیتونو سره، چې افغانستان یې ژمنه کړي په ټکر کې دي.
د امریکا بهرنیو چارو وزیر انټوني بلینکن ویلي، چې په افغانستان کې د ښځو او نجونو لپاره کاري او تعلیمي فرصتونه محدود دي او د غیر اخلاقي کړنو پر تور د ښځو او نرینهوو په وهلو ټکولو کې زیاتوالی راغلی دی.
د اسلامي امارت ویاند ذبیح الله مجاهد له بشري حقونو څخه د سرغړونې په اړه د امریکا بهرنیو چارو وزارت د راپور په غبرګون کې ويلي، چې د افغانستان خلک ټول مسلمانان دي او حقوق یې د اسلامي شریعت له مخې تعریف شوي او ورکړ شوي دي. په امریکا او نورو لویدیځو هېوادونو کې تعریف شوي بشري حقونه او کلتور له افغانستان سره توپیر لري او لویدیځوال باید خپل کلتور پر نورو هېوادونو ونهتپي.
تازه خبرونه
وروستیو سیلابونو په افغانستان کې ۱۵۰۰ کورنیو ته زیانونه رسولي
د مرستو رسولو اسلامیک ریلیف ټولنې څرګنده کړې، چې د تېرې اوونۍ بارانونو او سېلابونو په افغانستان کې مالي او ځاني زیانونو اړولي دي.
د دې ټولنې په راپور کې راغلي، چې د وروستیو سېلابونو له کبله شاوخوا ۱۵۰۰ کورنۍ زیانمنې شوي او سلګونه څاروي هم له منځه تللي دي.
اسلامیک ریلیف ټولنې زیاته کړې، چې د وروستیو اورښتونو په پایله کې ۹۰۰ کورونه جزوي او یا بشپړ ویجاړ شوي او ۹۳ زره هکټاره کرنیزه ځمکه زیانمنه شوې ده.
په داسې حال کې، چې په دې وروستیو ورځو کې سختو بارانونو او سیلابونو د افغانستان خلکو ته ځاني او مالي زیانونه اړولي دي، د نړیوالو مرستندویه موسسو د راپورونو پر بنسټ افغانستان له بېسارې بېوزلۍ او اقتصادي بحران سره مخ دی.
دا په داسې حال کې ده، چې له دې مخکې له پېښو سره د مبارزې وزارت ویلي وه، چې په دغو پېښو کې ۹۹ کسان وژل شوي او ۶۴ نور ټپیان دي.
تازه خبرونه
امریکا به افغانستان ته ورته په اوکراین کې هم له شرمېدلې ماتې سره مخ شي – روسیه
د روسیې بهرنیو چارو وزارت ویلي، چې امریکا به افغانستان او ویټنام ته ورته په اوکراین کې هم له شرمېدلې ماتې سره مخ شي.
د رویټرز د څرګندونو له مخې؛ د روسیې بهرنیو چارو وزارت ویاندې ماریا زاخارووا د یکشنبې پر ورځ ویلي: د روسیې پر وړاندې په ګډه جګړه کې ورځ تر بلې د واشنګټن ډوبېدا به ویټنام او افغانستان ته ورته د امریکا لپاره پر یوه لویه او شرمېدلې ماتې بدله شي.
هغې زیاته کړې، چې امریکا غواړي اوکرایین تر پایه وجنګېږي.
زاخارووا ویلي، چې روسیه به د اوکراین په جګړه کې د نورې ډېرې لاسوهنې لپاره د امریکا د کړنو پر وړاندې له قید او شرط پرته پرېکنده ځواب ورکړي.
امریکا د ۱۹۷۵ او ۱۹۹۵ کلونو ترمنځ د ویټنام په جګړه کې له ۵۸ زره څخه ډېر نظاميان له لاسه ورکړل، چې د کمونیسټ پلوه شمالي ویټنام پر بریا او په سویل کې د هغې د واکمنۍ له پای ته رسېدو سره پای ته ورسېده. په دې جګړه کې سلګونه زره ملکي وګړي ووژل شول.
په افغانستان کې هم امریکا د ۲۰۰۱ او۲۰۲۱ کلونو تر منځ ۲ زره ۴۵۹ سرتېري له لاسه ورکړل او له ۲۰ زره ډېر نور یې ټپیان شول.
-
لوبی5 days ago
د افغانستان فوټسال ملي لوبډلې له ایران ماتې وخوړه
-
نړۍ2 days ago
د جاپان دوه پوځي چورلکې بحر ته وغورځېدې
-
تازه خبرونه5 days ago
ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل
-
تازه خبرونه2 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی1 day ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه5 days ago
تېر ۲۰۲۳ کال د افغانستان د خلکو لپاره د سترو ننګونو کال و -راپور
-
تازه خبرونه2 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
سیمه ییز خبرونه21 hours ago
د ایران ولسمشر پر درې ورځني سفر پاکستان ته ولاړ