نړۍ
امریکا شمالي کوریا ته د اټومي برید په اړه ګواښ وکړ
امریکا شمالي کوریا ته ګواښ کړی، چې که پر امریکا او متحدینو یې هر ډول اټومي برید ترسره شي؛ دا به د منلو وړ نهوي او د (کیم جونګ اون) د رژیم د پای ته رسېدو لامل بهشي.
د امریکا او جنوبي کوریا په ګډه خبرپاڼه کې، چې د شنبې پر ورځ خپره شوې راغلي: امریکايي لوري یو ځل بیا ټینګار کړی، چې د کوریا د خلکو د دیموکراتیک جمهوریت لهخوا د کوریا د جمهوریت پر ضد هر ډول اټومي برید به له چټک او پرېکنده ځواب سره مخ شي.
د امریکا او روسیې د اټومي مشورتي ګروپ دوهیمه غونډه د جمعې پر ورځ په واشنګټن کې د اټومي برید د مخنیوي په اړه د بحث لپاره جوړه شوه.
پیونګ یانګ په جنوبي کوریا، جاپان او امریکا کې د هدفونو د پر نښه کولو توان لرونکی بالستیک توغندی جوړ او ازمویلي دي.
د جمعې پر ورځ د سویلي کوریا د ملي امنیت مرستیال کیم تایه هیو ویلي، چې شمالي کوریا ممکن په روانه میاشت کې یو بین البراعظمي بالیسټیک توغندی و ازمویي، چې د هغې واټن وهلو ته پر پاملرنه به اټومي ګواښ رامنځته کړي؛ ځکه، چې دا کولی شي اټومي خولۍ ولیږدوي.
د امریکا او جنوبي کوریا جمهوریت تر منځ به درېیمه اټومي مشورتي ناسته په راتلونکي دوبي کې د کوریا پر کوربهتوب ترسره شي.
