Connect with us

تازه خبرونه

امریکا د ا.ا د کنګل شوې زیرمې غوښتنه بیا رد کړه  

خپور شوی

د

امریکا د اسلامي امارت د بهرنیو چارو وزارت د سرپرست د نهو میلیاردو کنګل شویو ډالرو د خوشې کولو غوښتنه بیا رد کړه.

د افغانستان د اسلامي امارت د بهرنیو چارو وزرات سرپرست مولوي امير خان متقي له اسوشيېټېډ پریس خبري سرچینې سره په مرکه کې نه یوازې له امریکا حخه د کنګل شویو پیسو د خوشې کولو، بلکې د دوی پر حکومت د لګېدليو بنديزونو د لرې کولو غوښتنه هم کړې ده.

نوموړي امريکا ته ويلي؛ تاسې يو لوی ملت ياست او بايد دومره زغم او لوی زړه ولرئ، چې د نړيوالو قوانينو له مخې له افغانستان سره نوې پاليسي جوړه او ستونزې حل کړئ.

ده دا هم ویلي، چې پر افغانستان لګول شوي بندیزونه د هیچا په ګټه ندي.

هغه وایي: د افغانستان پر وړاندې بنديزونه به کار ونکړي؛ ځکه دا د هیچا په ګټه نده، چې افغانستان بې ثباته او يا کمزوری حکومت ولري.

امیرخان متقي ویلي، چې اسلامي امارت د  ۱۹۹۰ لسيزې په پرتله ډېر بدل شوي او د افغانستان په لس ولایتونو کې نجونې تر لیسو پورې زدکړې کوي؛ خو د سپینې ماڼۍ ویاندې جن ساکي ویلي؛ داسې پېچلي دلایل او اندېښنې شته، چې له کبله یې امریکا نشي کولی کنګل شوې پيسې اسلامي امارت ته ورکړي.

نوموړې زیاته کړې؛ طالبان ( اسلامي امارت) تر اوسه پورې د امریکا تر تحریم لاندې دي او یو شمېر لوړپوړي چارواکي د ملګرو ملتونو د تحریمونو په تور نوملړ کې دي، چې د پیسو د آزادولو په صورت کې د نړیوال بانک او نورو بنسټونو او هېوادونو غبرګونونه را پاروي.

د افغانستان اسلامي امارت مرستیال ویاند انعام الله سمنګاني وایي؛ که امریکا د افغانانو کنګل شوې پیسې آزادې نکړي او له کبله یې په افغانستان کې بشري ناورین پېښ شي، مسوولیت به یې د امریکا پر غاړه وي.

د اسلامي امارت د پيسو د آزادولو غوښتنه په داسې حال کې د امریکا لخوا ردیږي، چې په کور د ننه مالي او اقتصادي کړاو لوړې کچې ته رسیدلی دی.

تازه خبرونه

د پاکستان پوځي رژیم پر مدرسه او عامو سیمو هوایي بریدونه کړي ـ پوهنې وزارت

 د دې وزارت ویاند ویلي: په دې بریدونو کې د فاروقیې مدرسې یو طالب العلم زخمي او د بهسود ولسوالۍ اړوند ٨  د ښوونځیو زده‌کوونکي، چې پېنځه هلکان او درې نجونې وې شهیدان شوي او همدارنګه لسګونه نور بې‌ګناه افغانان، ماشومان او سپین‌ږیري، سپين سرې شهیدان او ټپیان شوي دي.

Published

on

د پوهنې وزارت ویلي، چې د پاکستان پوځي رژیم له ټولو اسلامي، انساني او بشري اصولو ښکاره سرغړونه وکړه او ډېورنډ فرضي کرښې ته نږدې یې د پکتیکا د برمل ولسوالۍ د مٙرغې کلي پر فاروقیه مدرسه او د ننګرهار بهسود ولسوالۍ د ګردي کڅ پر کور او نورو سیمو وحشيانه بریدونه وکړل.

 د دې وزارت ویاند ویلي: په دې بریدونو کې د فاروقیې مدرسې یو طالب العلم زخمي او د بهسود ولسوالۍ اړوند ٨  د ښوونځیو زده‌کوونکي، چې پېنځه هلکان او درې نجونې وې شهیدان شوي او همدارنګه لسګونه نور بې‌ګناه افغانان، ماشومان او سپین‌ږیري، سپين سرې شهیدان او ټپیان شوي دي.

د پوهنې وزارت ویاند زیاته کړې؛ د پاکستاني پوځي رژیم په هوایي بریدونو کې تعلیمي مرکز وېجاړ او د قرآن کریم نسخې او نور دیني کتابونه وسوځېدل.

دا نه بښونکې وحشیانه کړنې ښيي، چې د پاکستان پوځي رژیم دښمني یوازې د افغانانو له ژوند سره نه، بلکې د افغانانو له دین، زده‌کړې، ښوونیزو مرکزونو او فرهنګي بنسټونو سره هم ده.

Continue Reading

تازه خبرونه

په افغانستان کې شاوخوا ۲۳زره ترهګر حضور لري – روسیه

د روسیې بهرنیو چارو وزارت ویلي، چې په افغانستان کې له نیمایي څخه ډېر جنګیالي بهرني وګړي دي؛ داعش شاوخوا ۳۰۰۰، پاکستاني طالبان ۵ څخه تر ۷۰۰۰ او القاعده ۴۰۰ څخه تر ۱۵۰۰ دي.

Published

on

د روسیې بهرنیو چارو وزارت ویلي؛ په افغانستان کې له ۲۰ څخه تر ۳۰زره جنګیالي حضور لري، چې پوځي او سیاسي وضعیت یې اوس هم ننګوونکی دی.
د روسیې بهرنیو چارو وزارت ویلي، چې په افغانستان کې له نیمایي څخه ډېر جنګیالي بهرني وګړي دي؛ داعش شاوخوا ۳۰۰۰، پاکستاني طالبان ۵ څخه تر ۷۰۰۰ او القاعده ۴۰۰ څخه تر ۱۵۰۰ دي.

په کوچنیو ډلو کې د ختیځ ترکستان اسلامي غورځنګ، د ازبکستان اسلامي غورځنګ او جماعت انصارالله نومونه اخیستل کېدی شي.

د روسیې بهرنیو چارو وزارت ټینګار کړی، چې داعش یوازنۍ ډله ده، چې د اسلامي امارت پر وړاندې فعاله ده؛ خو  دا د سیمې د نیولو توان نلري او اصلي هدف یې پر حکومت باور کمزوری کول دي. د امنیتي ځواکونو عملیاتو په تېر یو نیم کال کې د داعش بریدونه کم کړي دي.

دا په داسې حال کې ده، چې اسلامي امارت تل په افغانستان کې د وسلوالو ډلو شتون رد کړی او څرګندوي؛  اجازه به ورنکړي، چې د افغانستان خاوره د نورو هېوادونو د امنیت پر ضد وکارول شي.

Continue Reading

تازه خبرونه

د پاکستان د هوایي بریدونو په اړه ملګروملتونو ته شکایت وسپارل شو

هغه په ​​ایکس پاڼه کې لیکلي: “مونږ د دې سرغړونو د سمدستي پلټنې او بندولو، حساب ورکولو، د ځمکني بشپړتیا درناوي، د ملګرو ملتونو منشور او له نړیوالو قوانینو د بشپړ اطاعت غوښتنه کوو.”

Published

on

په ملګرو ملتونو کې د افغانستان چارسمبالی(سرپرست) دایمي استازي نصیر احمد فایق ويلي: د پاکستان د وروستیو هوايي بریدونو په اړه یې، چې په کې ملکي ځاني زیانونه رامنځته شوي؛ امنیت شورا ته شکایت سپارلی دی.

هغه په ​​ایکس پاڼه کې لیکلي: “مونږ د دې سرغړونو د سمدستي پلټنې او بندولو، حساب ورکولو، د ځمکني بشپړتیا درناوي، د ملګرو ملتونو منشور او له نړیوالو قوانینو د بشپړ اطاعت غوښتنه کوو.”

هغه له امنیت شورا څخه غوښتنه کړې، چې دا موضوع د یوې جدي نړیوالې مسلې په توګه وڅېړي او پاکستان دې د نړیوالو قوانینو رعایت کولو ته اړ کړي.

د پاکستان پوځي رژیم د شنبې پر شپه په ننګرهار او پکتیکا ولایتونو کې هوایي بریدونه وکړل، چې په کې د ښځو، ماشومانو او رده‌کوونکو په ګډون لسګونه ملکي وګړي شهیدان او ټپیان شول.

Continue Reading
Advertisement

Trending

Copyright © 2025 Ariana News. All rights reserved!