تازه خبرونه
امریکا او ملګري ملتونه دې د اسلامي امارت مشران له تور نوملړه وباسي

د افغانستان اسلامي امارت څرګنده کړې؛ امریکا او نړیواله ټولنه باید پر افغانستان خپل بندیزونه پای ته ورسوي او له تور نوملړه دې د حکومتي مشرانو نومونه وباسي.
د اسلامي امارت د ویاند مرستیال بلال کریمي د ملګرو ملتونو او امریکا په تور نوملړ کې د اسلامي امارت د غړیو د نومونو شتون د دوحې له هوکړې سره په ټکر کې بولي او ټینګار کوي، چې د دغو بندیزونو دوام به نه یوازې پر افغانستان، بلکې پر سیمه او نړۍ هم منفي اغېز ولري.
بلال کریمي وایي: د اسلامي امارت چارواکي باید له تور نوملړه او بندیزونو څخه وایستل شي. دا د افغانانو نه هیریدونکی حق دی او له امریکا سره په دوحه کې د لاسلیک شوي تړون غوره برخه ده.
د نړیوالو اړیکو کارپوه عزیز معارج ویلي؛ دا یو پر ځای دریځ دی. کله، چې امریکایانو د دوحې په سرمشریزه کې پر سوله کولو او حکومت جوړولو هوکړه وکړه؛ نو اړینه ده، چې نور بندیزونه لرې او د حل لار وموندل شي.
د راپورونو له مخې؛ د اسلامي امارت د مشر د کابینې له ۳۳ غړیو څخه د ۱۴ مشرانو نومونه یوازې د ملګرو ملتونو د امنیت شورا په تور نوملړ کې دي.
د امریکایانو پر وړاندې دوه لویې ننګونې شته؛ له طالبانو سره کارکول، د طالبانو په رسمیت پېژندل او له تور نوملړه د هغوی ایستل په ټوله نړۍ کې امریکایان تر پوښتنې لاندې راولي. له همدې امله دوی تر دې دمه رسمي ندي پېژندل شوي او د شریکانو به توګه یې منل وخت نیسي. دوه یم عامل دا دی، چې امریکایان اوس هم پر طالبانو باور نلري.
له دې مخکې امریکا او نړیوالې ټولنې د یوه ټولګدونه حکومت جوړول، د لږکیو، ښځو او نجونو د حقونو ساتنه د اسلامي امارت د تسلیمېدو له اساسي شرطونو څخه اعلان کړي وه.
تازه خبرونه
رسنۍ دې خپلې خپرونې له ملي او اسلامي ارزښتونو پر بنسټ جاري وساتي
دا مهال په هېواد کې ۴۷۰ رسنۍ فعالې دي، چې ۸۴ ټلویزیوني سټیشنونه، ۲۷۳ راډیوګانې، ۵۷ خبري آژانسونه او ۵۲ چاپي رسنۍ دي او ۲۴۵ ښځینه خبریالانې پدې رسنیو کې کار کوي.

د اطلاعاتو او کلتور وزارت د خبریال د ملي ورځې په مناسبت ويلي، چې رسنۍ باید خپلې خپرونې له ملي ارزښتونو او اسلامي اصولو پر بنسټ جاري وساتي.
په افغانستان کې د ژورنالیستانو ملي ورځ هر کال د حوت پر اووهویشتمه نمانځل کیږي.
د اطلاعاتو او کلتور وزارتویاند خبیب غفران د خبریال د ملي ورځې په مناسبت ټینګار کوي، چې د رسنیو اوسنی وضعیت مناسب دی او دا وزارت په بېلابېلو سکټورونو کې له رسنیو ملاتړ ته ژمن دی.
خبریالان وايي، چې دقیقو او پر وخت معلوماتو ته د لاسرسي نشتوالي او محدودیتونو په هېواد کې د رسنیو کار له ننګونو سره مخ کړی دی.
دوی غواړي، چې خبریالان پخپل وخت معلوماتو ته لاسرسی پیدا کړي.
د رسنیو ځینې ملاتړې ټولنې د معلوماتو په خپرولو کې دقیقو او پر وخت معلوماتو ته د لاسرسي حق مهم ګڼي او وايي، چې د خبریالانو لپاره باید غوره کاري چاپېریال برابر شي.
د اطلاعاتو او کلتور وزارت له رسنیو غواړي، چې خپل فعالیتونه د اسلامي اصولو او ملي ارزښتونو پر بنسټ جاري وساتي.
دا مهال په هېواد کې ۴۷۰ رسنۍ فعالې دي، چې ۸۴ ټلویزیوني سټیشنونه، ۲۷۳ راډیوګانې، ۵۷ خبري آژانسونه او ۵۲ چاپي رسنۍ دي او ۲۴۵ ښځینه خبریالانې پدې رسنیو کې کار کوي.
تازه خبرونه
ګاونډ هېوادونه باید د افغان کډوالو جبري ایستل ودروي – اسلامي امارت
ګنډاپور د فډرالي حکومت دا پرېکړه د بېرته ستنولو پالیسي لپاره “غیر انساني او ظالمانه” یاده کړه.

د کډوالو ستونزو ته د لاسرسي عالي کمیسیون ناسته د رییسالوزراء د اداري مرستیال عبدالسلام حنفي پر مشرۍ ترسره شوه.
په دې ناسته کې د کډوالو د ستونزو د حل لپاره د دې کمیسیون د لاسته راوړنو او راتلونکو ګامونو د بیاکتنې پرمهال په هېواد کې د راستنېدونکو سوداګرو لپاره د پانګونې اسانتیاوو پر برابرولو ټینګار وشو. له ګاونډ هېوادونو وغوښتل شول، چې د افغان کډوالو د جبري ایستلو مخه ونیسي او د راستنیدو لپاره یې یو ګډ میکانیزم جوړ کړي.
له نړیوالو ټولنو هم غوښتل شوي، چې د کډوالو د حقونو ساتنې ته ځانګړې پاملرنه وکړي.
د دې ناستې په پای کې اسلامي امارت ډاډ ورکړ، چې د کډوالو د ستونزو د حل لپاره به خپلې هڅې جاري ساتي.
دغه راز د خیبر پښتونخوا ایالت اعلی وزیر علي امین ګنډاپور د یکشنبې پر ورځ ویلي؛ د افغان کډوالو په اړه د اسلامآباد پالیسي ستونزمنه ده او پدې ډول سیاست په تېرو وختونو کې له بشري حقونو سرغړونه شوې ده.
د خیبر پښتونخوا ایالت اعلی وزیر علي امین ګنډاپور د یکشنبې پر ورځ ویلي، چې د هغه حکومت به پرېکړه وکړي، چې آیا د مارچ له یودېرشمې وروسته به په دې ولایت کې د میشتو افغانانو د ایستلو لپاره د اسلام آباد لارښوونې ومني او که نه.
فډرالي حکومت له افغان وګړو څخه غوښتي، چې د مارچ تر پایه پورې په خپله خوښه له پاکستان څخه ووځي، چې له دې نېټې وروسته به دوی له پاکستان څخه وشړل شي.
ګنډاپور د فډرالي حکومت دا پرېکړه د بېرته ستنولو پالیسي لپاره “غیر انساني او ظالمانه” یاده کړه.
هغه ويلي: “زه د فډرالي حکومت د پالیسۍ له مخې د افغانانو د بېرته ستنېدو پلوي نهیم.”
د ډان نیوز د راپور له مخې، ګنداپور ویلي، چې هغه به د خیبر پښتونخوا د اجرائیوي رییس په توګه د مارچ تر یودېرشمې پورې پرېکړه وکړي، چې آیا افغانان باید جبري وایستل شي یا نه.
هغه زیاته کړې: “زه به پرېکړه وکړم، چې څه زما لپاره مناسب دي؛ د خیبر پښتونخوا د کلتور او دودونو سره سم دي.”
هغه وایي؛ دا “تېروتنه او غیر انساني” دي، چې افغانان پر زور بېرته خپل هېواد ته پرته له کوم ترتیب واستول شي.
په داسې وخت کې د افغانانو جبري بېرته ستنول، چې په خپل هېواد کې یې هیڅ اسانتیا نلرله “له اساسي بشري حقونو سرغړونه” وه.
د ډان نیوز د راپور له مخې: ګنداپور ویلي، چې فډرالي حکومت ورسره پدې مسله اړیکه نده نیولې او کله، چې هغه له افغانستان سره د خبرو اترو وړاندیز وکړ؛ نو پرې نیوکه شوې وه.
په دې وروستیو کې ګنداپور ویلي، چې دولت او مسوول بنسټونه په خیبر پښتونخوا کې د شخړې د زیاتېدو مسوول دي.
تازه خبرونه
اسلامي امارت له هیچا سره د هیچا پر وړاندې جګړه نهغواړي- امیرخان متقي
امیرخان متقي په عمان کې له افغان سوداګرو سره په لیدنه کې ټینګار وکړ؛ اسلامي امارت د نړۍ له ټولو هېوادونو سره ښې اړیکې لري او غواړي، چې افغانستان د منفي سیالۍ د ډګر پر ځای د اقتصاد او ټرانزیټ مرکز شي.

د بهرنیو چارو وزارت چارسمبالی(سرپرست) امیر خان متقي ويلي، چې اسلامي امارت متوازن سیاست خپل کړی او د یو هېواد د راضي کولو لپاره د بل هېواد پر وړاندې جګړه نهکوي.
امیرخان متقي په عمان کې له افغان سوداګرو سره په لیدنه کې ټینګار وکړ؛ اسلامي امارت د نړۍ له ټولو هېوادونو سره ښې اړیکې لري او غواړي، چې افغانستان د منفي سیالۍ د ډګر پر ځای د اقتصاد او ټرانزیټ مرکز شي.
هغه وایي: “مونږ يو متوازن سياست لرو.” متوازن سیاست پدې معنا دی، چې مونږ د یو هېواد د خوشحاله کولو لپاره د بل هېواد سره جګړه نه کوو. مونږ د یو هېواد د خوښۍ لپاره د بل هېواد مخالفت نهکوو. “مونږ له هرچا سره عادي اړیکې غواړو.”
امیر خان متقي په عمان کې له میشتو سوداګرو او افغانانو سره د خبرو پر مهال ټینګار کړی، چې اسلامي امارت به په داسې ډول امنیت تامین کړي، چې د بهرنیو استخباراتي سازمانونو ته د مداخلې زمینه برابره نشي.
متقي د نظام دننه د اختلافاتو شتون هم ردوي او په دې اړه خبرې مبالغه ګڼي.
نوموړي ویلي: “د شخړو، ګډوډۍ او ناامنۍ شتون رښتیا ندی. که هر څومره تبلیغات وي؛ په عمل کې تاسې ګورئ، چې په کابل، کندهار، مزار، جلالآباد او هرات کې هیڅ پېښه نهکیږي.”
د اسلامي امارت د ډيپلوماټيکو خدماتو مشر دا هم ويلي، چې عمان ته یې په خپل سفر کې هڅه وکړه، چې د کابل او مسقط ترمنځ د سوداګرۍ او د سوداګريزو اړيکو د پراختيا لپاره لار اواره کړي.
هغه همدارنګه ټینګار کړی؛ د اسلامي امارت له بیا واک ته رسیدو وروسته د نشهيي توکو د روږدي کیدو پر وړاندې جدي مبارزه شوې او دوی توانیدلي، چې د ۴۰۰ زره روږدو کسانو درملنه وکړي او ورته کاري زمینې برابرې کړي.
-
تازه خبرونه5 days ago
د واخان سړک د دوهیم فاز د جوړولو تړون لاسلیک شو
-
سوداگري2 days ago
په ۱۴۰۳ کال کې د ۲۹۲ میلیون ډالرو پر ارزښت د هوايي دهلیزونو له لارې سوداګري شوې
-
تازه خبرونه5 days ago
پر مسافر وړونکي ریلګاډي برید په افغانستان کې پلان شوی و- د پاکستان ادعا
-
تازه خبرونه2 days ago
د ټرمپ حکومت د امریکا غږ کارکوونکي جبري رخصتۍ ته اړ کړل
-
سیمه ییز خبرونه5 days ago
د اورګاډي پېښه د ۲۱ یرغملو او څلور سرتېرو پر وژل کېدا پای ته ورسېده – د پاکستان پوځ
-
تازه خبرونه5 days ago
اسلامي امارت د پاکستان په بلوچستان کې پر ریلګاډي د برید ادعا رد کړه
-
تازه خبرونه5 days ago
په افغانستان کې د نشهیي توکو تولید او قاچاق د پام وړ کم شوی – عبدالمتین قانع
-
تازه خبرونه2 days ago
امریکا په یمن کې د ۳۱ حوثیانو پر وژلو د هوايي بریدونو لړۍ پیل کړه