تازه خبرونه
امریکا او ترکیه د افغانستان پر امنیتي وضعیت وغږېدل
(Last Updated On: )
د امریکا بهرنیو چارو وزارت ویلي، چې ترکي او امریکايي چارواکي په افغانستان کې پر امنیتي همکاریو غږېدلي دي.
له دې مخکې ترکیې وړاندیز کړی و، چې د کابل هوایي ډګر به د یو لړ شرایطو له مخې اداره کړي.
د امریکا د بهرنیو چارو وزارت ویاند نید پریس ویلي؛ مونږ په افغانستان کې د خپل ډیپلوماټیک شتوالی او د وتلو په پړاو کې د ترکیې له جوړوونکي ملاتړه هرکلی کوو.
نوموړي پدې اړه نور جزئیات وړاندې کړي ندي.
دغه راز د افغانستان د سولې لپاره د امریکا ځانګړي استازي زلمي خلیلزاد پرون د قطر د لومړي وزیر له مرستیال او د بهرنیو چارو له وزیر سره کتلي، چې د افغانستان د سولې په بهیر کې ورسره مرسته او همکاري ړکړي.
قطري رسنۍ خبر ورکوي، چې دواړو لوریو په افغانستان کې د تلپاتې سولې لپاره د سولې په بهیر کې د منځګړي په توګه د قطر پر رول ټینګار وکړ.
