تازه خبرونه
امريکا د افغانستان وضعيت د اندېښنې وړ بولي
د امریکا ولسمشر بارک اوباما د وينا له مخې واشنګټن نه شي کولای طالبان له منځه یوسي یا په افغانستان کې تاوتریخوالی پای ته ورسوي. ولسمشر اوباما مني چې افغانستان کې وضعیت لا هم ستونزمن دی او په څه باندې درې لسیزو کې جګړه د افغانانو د ژوند یوه برخه وه، خو زیاتوي کوم کار چې واشنګټن کولای شي دا دی چې پرې نه ږدي القاعده په افغانستان کې خوندي پټنځای ولري. په همدې حال کې د امریکا د بهرنیو چارو وزیر د افغانستان وضعیت کړکېچن او د اندېښنې وړ بولي.
د امریکا ولسمشر بارک اوباما د امریکایي ځواکونو د سر اعلی قومندان په توګه په خپلې وروستۍ وینا کې لومړی په خپلو لاسته راوړنو خبرې وکړې او ویې ویل، په تېرو اتو کلونو کې د ده په حکومت کې هېڅ ترهګره ډله ونه توانېده چې د امریکا په داخل کې کوم برید پلان او یا ترسره کړي او په دې موده کې د افغانستان او پاکستان تر منځ سرحدي سیمه کې د القاعدې هسته له منځه یوړل شوه.
د امریکا ولسمشر بارک اوباما وايي: “مونږ په افغانستان کې د خپلو متحدانو تر څنګ هڅې ډېرې کړې چې مونږ ته یې اجازه راکړه څو د القاعده په له منځه وړلو تمرکز وکړو او افغان دولت ته یې د بریالیتوب فرصت ورکړ. کومې دسیسې چې د افغانستان او پاکستان له داخله اداره کېدې، د تل له پاره پرې شوې او مشرتابه ته یې درانه تلفات واوښتل، د اسامه بن لادن په ګډون یې لسګونه مشران ووژل شول. د دې تر څنګ زمونږ د هڅو په پیاوړتیا سره افغانانو ته د دې فرصت برابر شو چې خپلې وړتياوې لوړې کړي او د خپل هېواد د دفاع توان پیدا کړي.”
په همدې حال کې بارک اوباما وایي چې هېواد یې نه شي کولای طالبان له منځه یوسي او یا دغه هېواد کې روان تاوتریخوالی پای ته ورسوي. هغه وایي، واشنګټن له القاعده سره مبارزه او له افغانانو څخه ملاتړ ته دوام ورکولای شي.
بارک اوباما زیاتوي: “افغانستان کې لا هم وضعیت ستونزمن دی. په تېرو دېرشو کلونو کې جګړه د افغانانو د ژوند یوه برخه وه او امریکا نه شي کولای طالبان له منځه یوسي او هغه هېواد کې تاوتریخوالی پای ته ورسوي. خو څه چې کولای شي دا دي چې پرې نه ږدي څو القاعده دغه هېواد کې خوندي پناه ځای جوړ کړي او له افغانانو ملاتړ وکړي چې یوه ښه راتلونکې جوړه کړي. په همدې خاطر مونږ نه یواځې د هغوی له پوځ سره کار کړی دی بلکې په کابل کې مو د ملي یووالي له حکومت ملاتړ کړی. مونږ په افغانستان کې بدلون راووست چې له کبله يې نن امریکا خوندي ده.”
په همدې حال کې د امریکا د بهرنیو چارو وزیر په بروکسل کې د ناټو تړون د غړو هېوادونو د بهرنیو چارو وزیرانو په غونډه کې وویل، د ناټو د غړو هېوادونو د بهرنیو چارو وزیران به د افغانستان د بهرنیو چارو وزارت له سرپرست سره په هغه هېواد کې په پرمختګونو خبرې وکړي.
د امریکا د بهرنیو چارو وزیر جان کري وايي: “د ناټو غړي او شریکان به د افغانستان د بهرنیو چارو وزارت له سرپرست صلاحالدین رباني سره هم غونډه وکړي دوی به د غوڅ ملاتړ د ماموریت د پرمختګ پر لارو چارو خبرې وکړي او د دې پر اړتیا به وغږېږي چې د اوږدمهال په مخه پر افغان امنیتي ځواکونو پانګونه، په یوه داسې چاپېریال کې زیاته کړي چې لا هم کړکېچن او بې ثباته دی.”
د امریکا دولت وایي چې د ترهګرو ګواښونه یواځې په سویلي آسیا، افغانستان او پاکستان کې محدود پاتې نه شول او د منځني ختیځ او افریقا شمال ته هم پراخ شول.
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه3 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري4 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه4 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه5 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
سوداگري3 days ago
د افغانستان او پاکستان د سوداګرۍ استازیو پر ننګونو خبرې وکړې
-
سیمه ییز خبرونه3 days ago
په بلوچستان کې د پاکستان د بحري ځواک پر هوايي اډه وسلوال برید وشو