Connect with us

تازه خبرونه

افغان سیاستوالو پر امنیتي تړون د بیاکتنې غوښتنه کړې

خپور شوی

د

(Last Updated On: لړم ۲, ۱۴۰۱)

د ۱۳۹۳ کال د تلې پر اتمه د ملي وحدت حکومت مشرانو له ملي ژمنې وروسته د ولسمشر اشرف غني په حضور کې د هغه وخت امنیتي سلاکار حنیف اتمر له امریکا سره امنیتي تړون لاسلیک کړ. اوس، چې د دغه تړون له لاسلیکه ۱۴۴۰ ورځې تېریږي؛ نوموړی او د افغانستان یو شمېر سیاستوال یې په اړه د بیا کتنې غوښتنه کوي.

هغوی، چې یو مهال د کابل– واشنګتن د امنیتي تړون ملاتړي وه؛ اوس یې ویلي: امریکا د دې هوکړه لیک ځینې بندونه ندي عملي کړي؛ نو، ځکه په دې برخه کې د بیاکتنې غوښتونکي دي.

په دوی کې د ملي امنیت شورا پخوانی سلاکار حنیف اتمر هم شته، چې له امریکا سره یې دا تړون لاسلیک کړی؛  خو اوس یې مخالف دی.

پوښتنه دا ده، چې اتمر د حق او عدالت ګوند له مشرتابه څخه د ملي امنیت شورا د سلاکار څوکۍ ته رسیدلی و؛ ولې یې هغه مهال مخالفت نه کاوه؟!

د حق او عدالت  ګوند اجرائیه رییس معین څمکنی د دې پوښتنې په ځواب کې وایي: سمه ده، چې یو کس به له دغه تړونه یا ملاتړ کړی وي یا مخالفت؛ خو د تړون له مخې، چې امریکا باید له افغانستان سره همکاري کړې وای هغه یې نده کړې او اوس همدا مهمه ده.            

له امنیتي تړونه یوازې اتمر، بلکې د جهادي ګوندونو د عالي شورا رییس صبغت الله مجددي هم له یوې ټول پوښتنې وروسته پر پخواني ولسمشر حامد کرزي فشار راوړی و، چې له امریکا سره امنیتي هوکړه لیک لاسلیک کړي؛ خو هغه مهال یاد تړون لاسلیک نشو او اوس داسې ښکاري، چې صبغت الله مجددي پېښمانه دی.

د جنبش  ملي ګوند مرستیال عبدالله قرلق وایي، چې امنیتي تړون په لومړیو کې خپل ملاتړي او مخالفان لرل؛ خو اوس امریکا د تړون له مخې خپله یوه ژمنه هم پوره کړې نده.          

د کابل– واشنګتن د امنیتي تړون مهمې برخې دا دي: دواړه خواوې به د افغانستان د امنیت او ثبات لپاره ګډ کار کوي؛ له ترهګرۍ سره به مبارزه کوي، په سیمه ییزه او نړیوالې سولې کې به دواړه خواوې ونډه اخلي او د افغانستان پر ظرفیت او وړتیاوو به کار کیږي، چې د کورنیو او بهرنیو ګواښونو پر وړاندې مقابلې ته تیار شي. په دې توګه به امریکا په افغانستان کې د هغه نظام لپاره کار کوي، چې اساس یې پر اساسي قانون ولاړ وي.

د یادونې ده، چې له امریکا سره د امنیتي تړون پښېمانه ملاتړي پر یادو برخو د امریکا عملي کار غواړي.

خبریال: علی اصغري

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!