لوبی
افغان پلاوي د المپیک نړیوالې کمېټې له چارواکو سره وکتل
اسوشیټیډ پریس څرګنده کړې؛ د افغانستان اسلامی امارت به افغان ورزشکارانو ته اجازه ورکړی، چی په نړیوالو لوبو کی برخه واخلی.
تېره پنجشنبه د افغانستان اسلامي امارت ګومارل شوي پلاوي په قطر کې د المپیک نړیوالې کمېټې له چارواکو سره وکتل.
د افغانستان اسلامي امارت د بدني روزنې او سپورت چارسمبالي انجنیر نظرمحمد مطمتین پر مشرۍ یوه پلاوي د المپیک د نړیوالې کمېټې له مسوولینو سره وکتل.
د المپیک نړیوالې کمیټې (آی او سي) او د آسیا المپیک شورا (آی او سي) ژمنه کړې، چې د افغان لوبغاړیو او روزونکیو لپاره به د روزنې زمینه برابره کړي.
د یادې کمېټې د څرګندونو له مخې؛ په دې کتنه کې د المپيک نړيوالې ټولنې مسوولينو له افغان المپيک سره د همکاريو پر دوام ټينګار وکړ او څرګندوي، چې د افغان ورزشکارانو لپاره به ورزشي وسايل برابر کړي.
د افغانستان د المپيک ملي کمېټې د بدني روزنې او ورزش چارسمبالي د المپيک نړيوال سازمان او آسيايي المپيک د مسوولينو له دغې هڅې هرکلى وکړ او له قطري المپيک څخه يې هم مننه وکړه، چې د دغو غونډو لپاره يې زمينه برابره کړې ده.
نوموړي زیاته کړې؛ د المپیک نړیوالې کمېټې او متحدینو یې ژمنه کړې، چې د افغانستان له المپیک سره به هراړخیزې مرستې روانې ساتي.
له بلې خوا د المپیک نړیواله کمېټه په پام کې لري، چې افغانستان ته د بدني روزنې د وضعیت د لیدلو او څېړلو لپاره یو باصلاحیته استازی راواستوي.
دغه راز دې څانګې ملي ټیمونو ته د بورسونو ژمنه هم کړې ده.
د بدني روزنې ریاست وايي، په بېلابېلو ورزشي برخو کې د ملي لوبډلو لپاره د سکالرشیپونو د پروګرامونو ژمنه هم شوې او په دې اړه پرېکړه شوې، چې د افغانستان د المپیک ټاکنې دې د المپیک له منشور سره سم ژر تر سره ترسره شي.
همدارنګه په تېرو درې مياشتو کې د هېواد د بدني روزنې د بېلابېلو څانګو ورزشکارانو د افغانستان لپاره د پاکستان او ترکيې له سياليو څخه ښې پايلې ترلاسه کړې دي.
دا په داسې حال کې ده، چې د اشرف غني له تېښتې او د اسلامي امارت د بیا واکمنېدو وروسته د افغانستان د بدني روزنې او سپورت المپیک کمېټې پخوانی مشر له هېواده تښتېدلی دی.
لوبی
د افغانستان او زمبابوې کرکټ لوبه د باران له کبله لغو شوه
د افغانستان کرکټ بورډ ويلي، چې د کرکټ ملي لوبډلې لوبغاړي به سبا پنجشنبه ( د لیندۍ تههویشتمه) د دغو سیالیو په دوهیمه لوبه کې بیا سره مخامخ شي.
د افغانستان او زمبابوې ترمنځ لومړۍ یو ورځنۍ لوبه د پرلهپسې باران له کبله بې پایلې پای ته ورسېده.
د افغانستان کرکټ بورډ ويلي، چې د کرکټ ملي لوبډلې لوبغاړي به سبا پنجشنبه ( د لیندۍ تههویشتمه) د دغو سیالیو په دوهیمه لوبه کې بیا سره مخامخ شي.
ټاکل شوې وه،، چې دا لوبه د سېشنبې پر ورځ ( د لیندۍ اووه ویشتمه ) د کابل پر وخت شاوخوا ۱۲ بجې پیل شي.
د افغانستان کرکټ ملي لوبډلې پچه وګټله او لومړی یې د توپاچونې پرېکړه وکړه.
د Iaspian Creek Info د معلوماتو له مخې، د افغانستان او زمبابوې ترمنځ لومړۍ ۵۰ اوریزه لوبه د باران له کبله ۲۸ اورونو ته راکمه شوه.
حشمت الله شهیدي د زیمبابوې خلاف په یو ورځنیو سیالیو کې د هېواد د کرکټ ملي لوبډلې لوبډلمشر دی.
دا لوبې د زیمبابوې په پلازمېنه هرارې کې ترسره کېږي.
لوبی
آریانا زاډیو ټلویزیون د IPL سیالیو د خپرولو تړون لاسلیک کړ
دا سیالۍ د ۲۰۲۵ کال د مارچ پر څوارلسمه پیلیږي او د می تر بېنځهءویشتمې به روانې وي
د آریانا راډیو ټلویزیون (ATN) یو ځل بیا په افغانستان کې د هند غوره لیګ (IPL) زړه راکښونکیو سیالیو د ژوندۍ ځانګړې خپرونې حق ترلاسه کړ.
دا سیالۍ د ۲۰۲۵ کال د مارچ پر څوارلسمه پیلیږي او د می تر بېنځهءویشتمې به روانې وي
د هند کرکټ بورډ تر اوسه د دغو سیالیو مهالویش نه دی اعلان کړی.
د تېر کال ته ورته د راتلونکي کال په سیالیو کې به ۱۰ لوبډلې په ۷۴ لوبو کې برخه واخلي.
د کلکته نایټ رایډرز لوبډله دفاعي اتلولي لري. دې لوبډلې په ۲۰۲۴ کال کې په وروستۍ لوبه کې سن رایزرز حیدرآباد ته پر ماتې ورکولو درېیمه اتلولي خپله کړه.
لوبډلې دا دي:
- چینای سوپر کینګز
- ډیلي کپیټلز
- ګجرات ټایټنز
- کلکته نایټ رایډرز (دفاعي اتل)
- لکنو سوپر جایانټز
- ممبی انډیینز
- د پنجاب کینګز
- راجستان رویالز
– رایل چیلنجرز بنګلور
سنرایزرز حیدرآباد
د هند ۲۰۲۵غوره لیګ به د لوبډلو زړهراکښونکیو بدلونونو، د لوبډلو د لوبغاړو په جوړښت کې بدلون او د لوبغاړو ستراتیژیکې داوطلبۍ شاهد وي.
د بېلګې په توګه، ریشاب پنټ په جده کې د لوبغاړو د داوطلبۍ په لومړۍ ورځ د ترټولو قیمتي لوبغاړي ریکارډ مات کړ. کله، چې لکنو سوپر جایانټز دا ستوری پر ۳ اعشاریه ۲۰ میلیون ډالرو وپېرو.
همدارنګه پنجاب کینګز شریاس آییر په ۳ اعشاریه ۱۷ میلیون ډالرو واخیست.
د هند غوره لیګ د لوبغاړو د داوطلبۍ په مراسمو کې د تر ټولو ځوان لوبغاړي د اخیستو شاهد و.
د هند یو دیارلس کلن لوبغاړی وییهاو سوریاوانشي د راجستان رویلز سره پر ۱۳۰ زره ۵۰۰ ډالرو یوځای شو.
اووه افغان لوبغاړي هم د دغو سیالیو لپاره غوره شوي او راشد خان هم په کې شته، چې د ګجرات ټایټاینز لخوا پر ۲ اعشاریه ۱ میلیون ډالرو وساتل شو.
کریم جنت به د لومړي ځل لپاره د هند غوره لیګ کې ولوبېږي. نوموړی د ګجرات ټایټنز لخوا پر ۸۸ زره ډالرو اخیستل شوی.
نور احمد د چنای سوپر کینګز لخوا پر ۱ اعشاریه ۱۸ میلیون ډالرو اخیستل شوی.
عظمت الله عمرزی پر ۲۸۴ زره ډالره پنجاب کینګز اخیستی.
رحمان الله ګربز د کلکتې نایټ رایډرز لخوا د ۲۳۶ زره ډالرو په بدل کې وټاکل شو.
فضل الحق فاروقي پر ۲۳۶ زره ډالرو راجستان رویالز سره یوځای شو.
۱۸ کلن ځوان الله محمد غضنفر د ممبۍ انډینز لخوا پر ۵۶۸ زره ډالرو وپېرل شو.
په داسې حال کې، چې تر اوسه د دغو سیالیو جزئیات ندي اعلان شوي؛ د هېواد پر کچه د کرکټ مینهوال کولی شي د سیالیو په اړه د خبرونو او معلوماتو لپاره آریانا راډیو تلویزیون او ټولنیزې رسنۍ وګوري.
تلویزیون آریانا مسابقات جام قهرمانان کریکت ۲۰۲۵ را نشر میکند
لوبی
آریانا ټلویزیون د ۲۰۲۵ کال د کرکټ اتلانو جام خپروي
دا به د اتلانو جام نهم پړاو وي، چې د فبرورۍ له نولسمې څخه به د مارچ تر نهمې د پاکستان پر کوربتوب تر سره شي.
آریانا راډیو او ټلویزیون د خوښۍ زیری وړاندې کوي، چې په افغانستان کې یې د راتلونکي ۲۰۲۵کال د فبرورۍ د میاشتې د کرکټ اتلانو جام سیالیو د ژوندۍ خپرونې حق ترلاسه کړی دی.
دا به د اتلانو جام نهم پړاو وي، چې د فبرورۍ له نولسمې څخه به د مارچ تر نهمې د پاکستان پر کوربتوب تر سره شي.
په دې سیالیو یا ټورنمنټ کې به د ۲۰۲۳ کال د کرکټ نړیوال جام د غوراوي اته غوره لوبډلې برخه واخلي. پاکستان، چې په تېر ۲۰۱۷ کال کې یې د اتلانو اتلولي ګټلې وه، دفاعي اتل دی.
د کرکټ اتلانو جام یوه پنځوس اوریزه لوبه ده، چې هر څلور کاله وروسته ترسره کیږي.
د راتلونکي کال سیالۍ به له ننګونو پرته نهوې؛ ځکه، چې د هند کرکټ بورډ د امنیتي اندېښنو له کبله پاکستان ته د هندي لوبډلې د سفر په اړه اندېښنه ښودلې ده.
د راپورونو له مخې؛ هندۍ لوبډله به خپلې لوبې له پاکستان څخه بهر کوي.
که هند فاینل ته لار پیدا نهکړي، لاهور به د دې لوبې کوربه وي.
پر ځای به یې د پاکستان لوبډله به د هند ۲۰۲۶ کال په شل اوریز نړیوال جام کې خپلې لوبې ونکړي او ښايي سریلانکا د دغو لوبو کوربه وي.
د راپورونو له مخې؛ داسې ښکاري، چې متحده عربي امارات به په اتلولانو جام کې د هند د سیالیو کوربه وي.
آریانا ټلویزیون به د کرکټ ټول مینهوال د د دغو سیالیو له تازه خبرونو څخه خبر ساتي او مهالوېش به یې له بشپړیدو وروسته خپور کړي؛ ځکه، نو ډاډه اوسئ او د تازه خبرونو لپاره زمونږ ټولنیزې شبکې ګورئ.
تحول: د اسلامي امارت د رسمیت پېزندنې لپاره هڅې
د حکومت او رسنیو ترمنځ باید واټن نهوي – ستانکزی
له ازبکستان سره د ۲۰۲۵ ز.کال لپاره د برښنا د پېرودلو تړون لاسلیک شو
څار: د مهاجرو نولواله ورځ
آریانا ټلویزیون د کرکټ ټست نړیوالې اتلولۍ د پایلوبې د خپراوي حق ترلاسه کړ
آریانا نیوز په افغانستان کې IPL ته د داوطلبۍ مراسم پر ژوندۍ او ځانګړې بڼه خپروي
بایډن او ماکرون د اسرائیلو او حزب الله اوربند اعلانوي -لبناني سرچینې
په کابل کې د ۲۰۲۵ کال کرکټ اتلولۍ څلی نندارې ته وړاندې شو
حزب الله او اسرائیلو اعلان شوی اوربند ومانه
د لبنان حزب الله له اسرائیلو سره د اوربند لپاره د امریکا وړاندیز ومانه
-
لوبی3 days agoآریانا ټلویزیون د ۲۰۲۵ کال د کرکټ اتلانو جام خپروي
-
تازه خبرونه2 days agoاروپايي ټولنې په افغانستان کې د اقتصادي ودې لپاره نږدې ۲۰ میلیون یورو ځانګړي کړل
-
نړۍ2 days agoد سوریې په یوه ډلهییز قبر کې لږ تر لږه ۱۰۰ زره جسدونه براته دي – راپور
-
نړۍ3 days agoټرمپ او نتانیاهو پر غزه او سوریه خبرې وکړې
-
سیمه ییز خبرونه2 days agoپه مسکو کې د روسیې د اټومي دفاعي ځواکونو قومندان د یوې چاودنې له کبله ووژل شو
-
لوبی2 days agoآریانا زاډیو ټلویزیون د IPL سیالیو د خپرولو تړون لاسلیک کړ
-
تازه خبرونه2 days agoد کابل په دارالامان سیمه کې د ډیپلوماټیک ښارګوټي توپوګرافیکه سروې بشپړه شوه
-
تازه خبرونه3 days agoاسلامآباد اوس له کابل سره خبرو ته چمتو شو