Connect with us

لوبی

افغان ملي لوبډلې له ایرلینډ سره په لوبه کې د اتلولۍ جام خپل کړ

خپور شوی

د

(Last Updated On: سلواغه ۶, ۱۳۹۹)

ملي لوبډلې په دوه یمه نړیواله یو ورځنۍ لوبه کې هم د ایرلنډ لوبډلې ته ماتې ورکړه او بریالۍ شوه، چې د کاردان پوهنتون د اتلولۍ جام خپل کړي.

د یادې لوبې په پیل کې د لوبې پچه د ایرلنډ لوبډلې وګټله او لومړی یې د توپوهنې پرېکړه وکړه، چې په پایله کې یې یادې لوبډلې د ټولو ۵۰ آورونو په لوبولو او د نهه ویکټو د غورزېدو په پایله کې ۲۶۰ منډې ترسره کړې.

د یادې لوبډلې پر استازیتوب پاول سټېرلنګ ۱۲۸، کورټس کمفر ۴۷ او هېري ټکر ۲۴ منډې وکړې. په داسې حال کې، چې د افغانستان د ملي لوبدلې پر استازولۍ نوین الحق څلور ویکټې، مجیب الرحمن درې ویکټې، ګلبدین نایب او راشدخان یوه-یوه ویکټه ترلاسه کړه.

ورپسې افغان اتلانو د سیالې لوبډلې د ټاکلې موخې د پوره کولو لپاره رحمت شاه او حشمت الله شهیدي ډېر ښه وځلېدل او په ترتیب سره یې ۱۰۳ ناسوځېدلې او ۸۲ منډې وکړې او دغه راز نوموړیو د ۱۸۴ منډو ملګرتیا هم وکړه، چې له کبله یې افغان لوبډلې د اووه ویکټو په توپیر بریا خپله کړه.

سربېره پر دوی رحمن الله ګربز او جاوید احمدي هم نسبتاً غوره پیل وکړ، چې بیا یې هر یوه په ترتیب سره د ۳۱ او ۱۶ منډو له ترلاسه کولو وروسته ویکټې له لاسه ورکړې.

د ایرلینډ په استازیتوب سیمي سېنګ، بیري مک کارتي او کورټس کمپهر یوه-یوه ویکټ واخیسته؛ خو لوبډله یې بریا ته ونه رسوله.

د نننۍ غوره توپوهنې په پایله کې رحمت شاه د ۱۰۳ ناسوځېدلیو منډو پر ترسره کولو د لوبې د غوره لوبغاړي جایزه ترلاسه کړه.

د یادونې وړ ده، چې د کاردان پوهنتون د اتلولۍ جام درېیمه او وروستۍ لوبه به د روانې جنورۍ میاشتې پر ۲۶مه نېټه ترسره شي.

لوبی

د افغانستان کرکټ ملي لوبډله د ۲۰ اوریز لوبلړ ګټونکې شوه

Published

on

(Last Updated On: کب ۲۹, ۱۴۰۲)

د افغانستان کرکټ ملي لوبډله ایرلینډ لوبډلې ته پر ماتې ورکولو د ۲۰ اوریز لوبلړ ګټونکې شوه.

په دې لوبه کې، چې د دوشنبې پر شپه (د کب اته ویشتمه ) ترسره شوه؛ افغان لوبډلې سیالې لوبډلې ته د ۱۵۶ منډو هدف وټاکه، خو ایرلینډ لوبډلې په ۹۸ مډو کې خپل ټول لوبغاړي له لاسه ورکړل او لوبه د ۵۷ منډو پر توپیر افغانستان وګټله.

د افغانستان لپاره د توپ‌وهنې په برخه کې ابراهیم ځدراڼ تر ټولو زیاتې ۷۲ منډې وکړې او تر پایه په میدان کې پاتې شو.

دغه راز د توپ‌اچونې په برخه کې عظمت الله عمرزي د لوبې په څلورو اورونو کې څلور ایرلینډي لوبغاړي له ډګره وتلو ته اړ کړل او مخالف لوري ته یې نهه منډې ورکړې.

همدارنګه نوین الحق د ایرلینډ درې لوبغاړي له ډګره وایستل.

Continue Reading

لوبی

راشدخان د ایرلینډ پروړاندې د ۲۰ آوریزو نړیوالو سیالیو لوبډلمشر شو

Published

on

(Last Updated On: کب ۲۴, ۱۴۰۲)

د افغانستان کرکټ بورډ د ایرلینډ پر وړاندې د شل اوریزو نړیوالو سیالیو لپاره د کرکټ ملي لوبډلې د ۱۵ لوبغاړو نوملړ اعلان کړ.

په دغه اعلان شوي نوملړ کې راشد خان ارمان د ملي لوبډلې د لوبډلمشر په توګه راغلی دی.

نوموړی د ملا د درد له کبله له اوږده ځنډ وروسته لوبدلې ته راستون شوی دی.  

د افغانستان او ایرلینډ کرکټ لوبدلې به له نړیوالو یو ورځنیو او ټیسټ لوبو وروسته د مارچ پر پېنځلسمه، اووه‌لسمه اواتلسمه د متحده عربي اماراتو په شارجه لوبغالي کې سره ولوبیږي.

د افغانستان د لوبغاړو نوملړ:

راشد خان ارمان (لوبډلمشر)، ابراهیم ځدراڼ، رحمان الله ګربز، صدیق اتل، اعجاز احمدزی، اسحاق رحیمي، محمد نبي، ننګیال خروټی، عظمت الله عمرزی، نور احمد، مجیب الرحمن، وغادار مومند، فرید ملک، نوین الحق او فضل الحق فاروقي.

Continue Reading

لوبی

د افغانستان کرکټ لوبډلې د یو ورځنیو سیالیو د لړۍ دوه‌یمه اتلولي هم خپله کړه

Published

on

(Last Updated On: کب ۲۳, ۱۴۰۲)

د افغانستان کرکټ ملي لوبډلې د یو ورځنیو سیالیو درېیمه او وروستۍ لوبه هم له ایرلنډ څخه د ۱۱۷ منډو پر توپیر وګټله او په عربي متحده اماراتو کې یې د یو ورځنیو نړیوالو سیالیو د لړۍ اتلولي خپله کړه.

په دې لوبه کې، چې تېره شبه ترسره شوه افغان لوبغاړی محمد نبي پر ۵ ویکټو د افغانستان غوره لوبغاړی شو او ننګیال خروټی هم په دې لوبه کې ښه ځلیدلی دی.

افغانستان لومړۍ یو ورځنۍ لوبه ګټلې او د دواړو لوبډلو ترمنځ دوه‌یمه لوبه د باران له کبله لغوه شوې وه؛ خو درېیمه لوبه یې هم د ځان پر ګټه راوڅرخوله.

که څه هم ایرلنډ د لوبې پچه ګټلې وه او لومړی یې توپ‌اچونه غوره کړه؛ خو افغان لوبغاړو په ۵۰ اورونو کې د ۹ لوبغاړو پر سوځېدو ایرلنډ ته د ۲۳۷ منډو هدف وټاکه.

په لومړۍ نیمايي کې حشمت الله شهیدي د ۶۹ منډو پر جوړولو د نورو افغان لوبغاړو پر پرتله ښه وځلید.

په دوه‌یم اور کې د ایرلنډ لوبډلې په ۳۵ اورونو کې خپل ټول لوبغاړي له لاسه ورکړل او تر ۱۱۹ زیاتې منډې یې جوړې نه کړی شوې.

محمد نبي، چې د دې سيالۍ غوره لوبغاړی وټاکل شو، پېنځه ايرلنډي لوبغاړي يې له سيالۍ لرې او ننګيال خروټي هم څلور مخالف لوبغاړي له منځه يوړل.

د یادونې ده، چې محمد نبي په لوبه کې ښه وځلید؛ خو په ټول لوبلړ کې رحمان الله ګربز د لوبې غوره لوبغاړی وټاکل شو.

Continue Reading

Trending

Copyright © 2022 Ariana News. All rights reserved!