د ننګرهار ولایتي روغتون ډاکټرانو ويلي؛ په لویانو او کوچنیانو کې د موسمي ناروغیو کچه له پخوا لوړه شوې ده.

د ماشومانو د واټ متخصص ډاکټر سهراب خان شینواری وایي؛ په لویانو کې تفسي، ډينکي تبې، دماغي ملاریا او په کوچنیانو کې سینه بغل، برانشونو ناروغۍ زیاتي شوې دي.

د داخلې متخصص ډاکټر احمدشاه دولتزی وايي؛ دا ناروغۍ د بېلابېلو لاملونو له کبله پیداکیږي او که کورنۍ ځينې وقایوي تدابیر مراعت کړي، تر یوه بریده له دې ناروغيو خوندي کیدلی شي. 

د فاطمة الزهرا په ولایتي روغتون کې پر بستر پراته ناروغان بیا د دې روغتون له خدمتونو تر ډېره راضي دي.

د فاطمه هزرا ولایتي روغتون مسوول ډاکټر فضل الله سیرت وايي؛ د ناروغانو د درملنې لپاره پوره چمتوالي لري او په تېره یوه میاشت کې يې ۱۲۲۰ بستر ناروغانو ترڅنګ د ۱۳ زره ۵۲ له بستر بهر ناروغانو درملنه ترسره کړي ده؛  ۸۹ واړه، ۴۶۰لوی عملیات، ۹ سوه ۶۶ ټلویزوني، ۸ زره ۹ سوه ۳۴ لابراتواري معاینات، ۴ سوه ۷۴ ایکسريې، ۴۰۰ سوه ۷۷ ولادتونه، ۲۸ سیزارین او د چپرهارولسوالۍ د تریلي، د فارم هډي کلینک او د شېرزاد ولسوالۍ د او ارسي ډي موبایل کلینک سره د دارو درملو مرسته د دغه روغتون مسولین خپل نور ترسره کړي فعالیتونه یادوي.

د دغه ولایت پراخه نفوس او د دغه روغتون مراجعينو ډېروالي ته په کتو دوی له يو شمېر مرستندویه بنسټونوغواړي، چې د دارو درملو او وسایلو په برخه کې دې ورسره اړیني مرستې وکړي.

ویل کیږي، چې يو شمېر نور دولتي روغتونونه او کلینکونه هم شته، چې ناروغانو ته بېلابېل ډول روغتیايي خدمتونه وړاندې کوي.

په افغانستان کې د ملګرو ملتونو مرستندویه پلاوي دفتر یا یوناما ويلي، چې ټاکل شوې د افغانستان پر وضعیت د امنیت شورا غړي غونډه وکړي.

یوناما د چهارشنبې پر ورځ( د لیندۍ یوویشتمه ) ویلي وه، چې ټاکل شوې دې غونډې ته په افغاسنتان کې د ملګرو ملتونو د عمومي منشي ځانګړې استازې او د یوناما مشره روزا اوتنبایوا د دې هېواد پر وضعیت د امنیت شورا غړو ته معلومات وړاندې کړي.

په دې خبرپاڼه کې ویل شوي، چې د دې غوندې په پای کې به ګډونوال د افغانستان په تړاو د بندو دروازو شاته سلامشورې هم وکړي.

د دې خبرپاڼې له مخې ټاکل شوې، چې امنیت شورا پر افغانستان د بندیزونو او د ارزونې د ۱۹۸۸ کمیټې د واک د تمیدید په اړه هم پرېکړه وکړي.

په همدې حال کې اسلامي امارت ویلي، چې د حکومت د استازي له شتون پرته د افغانستان په اړه د ملګرو ملتونو د غونډو جوړول به مثبته پایله ونلري.

د اسلامي امارت ویاند ذبیح الله مجاهد په دې اړه ويلي: مونږ دا غواړو؛ مخکې له دې، چې د افغانستان په اړه بحث وشي افغانان بايد يوه څوکۍ ولري. د اوسني نظام استازي باید شتون ولري، له خپل دریځ دفاع وکړي او د ابهام ونیول شي. که بیا پرېکړه وشي، دا به عادلانه وي.

د ملګرو ملتونو د امنیت شورا غونډه په داسې حال کې ترسره کیږي، چې د امریکا، انګلستان او فرانسې په ګډون د دې شورا ډژر غړي پر اسلامي امارت د فشارونو د دوام غوښتونکي دي او د چین او روسیې په څیر هېوادونه له اسلامي امارت سره غیر مشروط تعامل غواړي.

د افغانستان د عامې روغتیا وزارت حرګنده کړې، چې د اسلامي امارت د رهبر له لوري د هېواد په ۳۱۸ ولسوالیو کې د عامه روغتونونو د جوړولو لپاره له ۶ میلیارډ افغانیو څخه زیاته بودجه منظوره شوې ده.

د دې وزارت د نننۍ (پنجشنبه دلیندۍ دوه‌ویشتمه) خبرپاڼې له مخې؛ په نږدې راتلونکي کې به په لوګر، غزني او فراه ولایتونو کې د پېنځه روغتونونو د جوړولو چارې پیل شي.

د عامې روغتیا وزارت د خبرپاڼې له مخې؛ دا نوښت نه یوازې د عامې روغتیا بېخبنا ته د ودې ورکولو لپاره کلکه ژمنتیا ښیي، بلې د خپلو وګدو هوساینې ته دودې لپاره د حکومت ژمنتیا هم پر ګوته کوي.