تازه خبرونه
افغانستان په تېرو دوه لسیزو کې د ښځو او ماشومانو لپاره ترټولو خراب هېواد پاتې شوی
په افغانستان کې د ملګرو ملتونو د سرمنشي ځانګړې استاې او د یوناما د دفتر مشرې دیبرا لاینز ویلي، چې افغانستان په تېرو دوه لسیزو کې د ښځو او ماشومانو لپاره ترټولو خراب هېواد پاتې شوی دی.
میرمن دیبرا پرون د ملګرو ملتونو د امنیت شورا غونډې ته څرګنده کړې: په تېرو دوه لسیزو کې پر پام وړ پرمختګ سربېره افغانستان په نړۍ کې د ښځیتوب او ماشومتوب لپاره تر ټولو خراب هېواد پاتې شوی دی.
هغې زیاته کړې، چې د جګړې په ډګرونو کې د تاوتریخوالي کچه هم ډېره لوړه ده.
“After four decades of war, the people of #Afghanistan have more reason than ever to hope that this devastating conflict may come to an end,” UN envoy @DeborahLyonsUN tells Security Council. More: https://t.co/N3lhm8supy pic.twitter.com/0JTnVDPaLu
— UNAMA News (@UNAMAnews) September 3, 2020
میرمن ديبرا د جګړې له ښکېلو خواوو غوښتي، چې د تاوتريخوالي کچه راټيټه او د خبرو لپاره بشردوستانه اوربند وکړي.
هغې څرګنده کړې؛ له څلور لسیزو جګړو وروسته، د افغانستان خلک تر بل هر وخت سولې ته ډېر هیله من دي او غواړي دا ویجاړوونکې جګړه پای ته ورسیږي.
دا په داسې حال کې ده، چې د ملي امنیت شورا ویاند جاوید فیصل د پنجشنبې پر ورځ ویلي، چې د حکومت او وسلوالو طالبانو تر منځ د بندیانو د تبادلې بهیر څه نا څه بشپړ شوی دی.
