سوداگري
افغانستان سږ کال د نږدې ۸۰ میلیون ډالرو پر ارزښت د زعفران او انجې صادرات لرل
دغه راز د لغمان د کرنې، اوبو لګولو او مالدارۍ ریاست مسوولینو هم د دې ولایت د جلغوزیو په حاصلاتو کې له ۱۸ سلنه زیاتوالي خبر ورکړی دی.
د صنعت او سوداګرۍ وزارت ویلي، چې په تېرو ۶ میاشتو کې د ۷۷ اعشاریه ۵ میلیون ډالرو پر ارزښت انجه او زعفران له هېواده صادر شوي دي.
د ګلوبل ټایمز د څرګندونو له مخې؛ افغانستان ۱۸ ټنه زعفران او ۶۱۷ انجه صادرات لرل.
یادې سرچینې د صنعت او سوداګرۍ وزارت د ویاند جواد اخوندزاده د څرګندونو له مخې زیاته کړې، چې یاد صادرات پاکستان، چین، هند، متحده عربي اماراتو، ازبکستان او امریکا ته صادر شوي دي.
د زعفرانو د کارګرو ټولنې څرګنده کړې، چې د تېر کال پر پرتله سږ کال د زعفرانو په صادراتو کې زیاتوالی راغلی دی.
دغه راز د لغمان د کرنې، اوبو لګولو او مالدارۍ ریاست مسوولینو هم د دې ولایت د جلغوزیو په حاصلاتو کې له ۱۸ سلنه زیاتوالي خبر ورکړی دی.
د یاد ولایت د کرنې، اوبو لګولو او مالدارۍ ریاست د ځنګلونو د ساتنې آمر توریالي پیغام ویلي، چې تېر کال په دغه ولایت کې د جلغوزیو حاصلات ۱۴ ټنه ول؛ خو سږکال یې حاصلات ۲۵ ټنو ته رسېږي، چې دغه شمېر د تېر کال د همدومره وخت پر پرتله ۱۸ سلنه زیاتوالی ښيي.
نوموړي د یادو حاصلاتو د زیاتوالي لاملونه د ځنګلونو د ساتنې په اړه عامه پوهاوی ښودلی دی.
سوداگري
له اربکستان سره د ګازو د استخراج تړون لاسلیک شو
د کانونو او پټرولیم وزارت زیاته کړې؛ نن پنجشنبه (د تلې نولسمه) د جوزجان د ګازو د اکتشاف او استخراج تړون د ریاست الوزراء د اقتصادي مرستیال ملا عبدالغني برادر په حضور کې له ازبکستاني شرکت سره د یو میلیارډ ډالرو پر ارزښت لاسلیک شو.
د افغانستان د کانونو او پټرولیم وزارت تائید کړه، چې اسلامي امارت د افغانستان د شمال د طوطی میدان د ګازو په ساحه کې د طبیعي ګازو د اکتشاف او استخراج تړون د ازبکستان له یوه شرکت سره لاسلیک کړ.
د کانونو او پټرولیم وزارت زیاته کړې؛ نن پنجشنبه (د تلې نولسمه) د جوزجان د ګازو د اکتشاف او استخراج تړون د ریاست الوزراء د اقتصادي مرستیال ملا عبدالغني برادر په حضور کې له ازبکستاني شرکت سره د یو میلیارډ ډالرو پر ارزښت لاسلیک شو.
د تړون له مخې، شرکت به په لومړي کال کې سل میلیون ډالر پانګونه وکړي او په راتلونکیو نهو کلونو کې به یې ۹۰۰ میلیون ډالرو ته ورسوي.
په لومړیو دوه کلونو کې به له استخراج شوي ګاز څخه د ۱۰۰ میګاواټه برښنا د تولید لپاره کار واخیستل شي.
د جوزجان ولایت د طوطی میدان د ګازو زیرمې شاوخوا ۷۰۰۰ کیلومټره مربع مساحت لري.
یوځل چې استخراج پیل شي، دا به د هېواد د ګاز اړتیاوو ته د پام وړ وده ورکړي او زرګونه خلکو ته به مستقیم او غیر مستقیم د کار زمینه رامنځته کړي.
سوداگري
پاکستانیو سوداګرو د پاکستان او افغانستان د ټرانزیټي لارې پر پرانیستلو ټینګار وکړ
فضل مقیم خان د اړوند سوداګریزې خونې په خبرپاڼه کې څرګنده کړې، چې له تېرو څو میاشتو راپدېخوا د پاکستان – افغانستان د لویو لارو د تړل کېدا له کبله دوه اړخیزه سوداګري، ټرانزیټي سوداګري او صادرات څه نا څه پای ته رسېدلي او اړتیا ده، چې سوداګرو ته د زیاتو زیانونو مخه ونیول شي.
د پاکستان د سوداګرۍ او صنایعو خونې مشر فضل مقیم خان له چارواکو وغوښتل، چې له افغانستان سره د سوداګرۍ د لارې د پرانستلو لپاره بېړنۍ هڅې تر سره کړي.
فضل مقیم خان د اړوند سوداګریزې خونې په خبرپاڼه کې څرګنده کړې، چې له تېرو څو میاشتو راپدېخوا د پاکستان – افغانستان د لویو لارو د تړل کېدا له کبله دوه اړخیزه سوداګري، ټرانزیټي سوداګري او صادرات څه نا څه پای ته رسېدلي او اړتیا ده، چې سوداګرو ته د زیاتو زیانونو مخه ونیول شي.
نوموړي زیاته کړې، چې د پاکستان او افغانستان ترمنځ د دوه اړخیزې سوداګرۍ او ټرانزیټي سوداګرۍ حجم د سوداګریزې لارې د تړلو له کبله "اندېښمنوونکي" حالت ته راټیټ شوی دی.
دغه راز د پاکستان یو سوداګر زاهدالله شینواري د پاکستان – افغانستان د لویې لارې د تړل کېدو په اړه ويلي، چې اوسمهال د پاکستان او افغانستان ترمنځ د سوداګرۍ حجم ډېر کم دی.
هغه زياته کړې؛ په تېرو څو مياشتو کې د پاکستان او افغانستان د سوداګريزو لارو د تړل کېدو له کبله د افغانستان او پاکستان دوه اړخيزه سوداګري او ټرانزيټي سوداګري سخته اغېزمنه شوې ده.
نوموړی وایي؛ د دوه اړخیزې سوداګرۍ او ټرانزیټي سوداګرۍ ځنډېدا د دواړو غاړو سوداګرو ته ستر مالي زیانونه اړولي دي.
شينواري ويلي، چې ځايي خلک او مسافر هم له ستونزو سره مخ دي.
ویل کیږي، چې سوداګرو د دې ستونزې د حل لپاره پر دوه اړخیزې اجماع او خبرو اترو ټینګار کړی دی.
سوداگري
له قرغزستان څخه افغانستان ته د تېلو په صادراتو کې زیاتوالی رامنځته شو
د قرغزستان د احصائې ادارې خبر ورکړی، چې سږ کال دې هېواد افغانستان ته د ۸ میلیون او ۹۰۰ زره ډالرو پر ارزښت څه باندې ۷۰۰ زره لیټره تېل صادر کړي دي.
د ۲۰۲۴ ز. کال په لومړیو ۷ میاشتو کې له قرغزستان څخه افغانستان ته د تېلو صادرات د تېر کال پر پرتله څو برابره ډېر شوي دي.
د قرغزستان د احصائې ادارې خبر ورکړی، چې سږ کال دې هېواد افغانستان ته د ۸ میلیون او ۹۰۰ زره ډالرو پر ارزښت څه باندې ۷۰۰ زره لیټره تېل صادر کړي دي.
د اکي پرس د راپور له مخې؛ قرغزستان د تېر کال په ورته وخت کې افغانستان ته له ۱۹ زره لیټرو ډېر پټرول صادر کړي وه.
له قرغزستان څخه افغانستان ته د هر لیټر صادر شویو تېلو منځنۍ بیه ۵ سنټه ته رسېږي.
افغانستان د هېواد د ټولو صادراتو ۸۴ سلنه تېل وارد کړي دي.
-
تازه خبرونه5 days ago
د ایران د سرحدي ځواکونو له خوا لسګونه افغان کډوال ووژل شول
-
نړۍ5 days ago
د اوکراین په جګړه کې د روسیې او شمالي کوریا پوځي همکارۍ امریکا اندېښمنه کړه
-
تازه خبرونه4 days ago
د ایران سرحدي ځواکونو قومندان د افغانانو ډلهییزې وژنه رد کړه
-
تازه خبرونه4 days ago
د خوړو نړیوال پروګرام له څه باندې ۲۵۰ زره افغانانو سره مرسته کړې
-
تازه خبرونه5 days ago
پاکستان او چین په افغانستان کې د ټولګډونه حکومت د جوړولو غوښتنه وکړه
-
تازه خبرونه4 days ago
په روان کال کې له ۱۵۶ زره ډېر افغان کډوال له پاکستان څخه هېواد ته ستانه شول – ملګري ملتونه
-
تازه خبرونه4 days ago
افغانستان د بسونو تولیدول پیل کړل
-
سیمه ییز خبرونه4 days ago
په بنګله دېش کې د شیخ حسینه د نیولو امر وشو