تازه خبرونه
افغانستان سږ کال د تېر کال پر پرتله ۱۰ سلنه ډېر غنم تولید کړل
د احصائې او معلوماتو ملي ادارې د اټکل پر بنسټ په یاد کال کې د غنمو تر کښت لاندې ټوله ساحه ۲ اعشاریه ۱۲ میلیون هکټاره ده، چې ۱ اعشتریه ۳۸ میلیون هکټاره اوبیزه او ۷۳۶ زره نوره يې للمي ده. د دغو څرګندونو له مخې؛ د غنمو تر کښت لاندې ځمکه په روان کال کې شاوخوا ۷۰ سلنه د هېواد تر کښت لاندې ټوله کرنیزه ځمکه رانغاړي.
د احصائې او معلوماتو ملي ادارې ویلي؛ دې ادارې له ریموټ سنسینګ ټکنالوژۍ څخه پر ګټنه او د سپوږمکیزو انځورونو د شننې پر بنسټ د ټول هېواد پر کچه په ۱۴۰۳ لمریز لېږدیز کال کې د غنمو تر کښت لاندې سیمې تثبیت کړې، چې له مخې یې شاوخوا ۴ اعشاریه ۸۳ میلیون مټریک ټنه غنم تولید او د تېرکال پر پرتله ۱۰ سلنه زیاتوالی ښيي.
د احصائې او معلوماتو ملي ادارې د اټکل پر بنسټ په یاد کال کې د غنمو تر کښت لاندې ټوله ساحه ۲ اعشاریه ۱۲ میلیون هکټاره ده، چې ۱ اعشتریه ۳۸ میلیون هکټاره اوبیزه او ۷۳۶ زره نوره يې للمي ده. د دغو څرګندونو له مخې؛ د غنمو تر کښت لاندې ځمکه په روان کال کې شاوخوا ۷۰ سلنه د هېواد تر کښت لاندې ټوله کرنیزه ځمکه رانغاړي.
د دغو معلوماتو له مخې؛ په روان کال کې د تېر کال پر پرتله په ۲ اعشاریه ۸ سلنه تر کښت لاندې اوبیزو او ۲ اعشاریه ۸ سلنه تر کښت لاندې للمي ځمکو کې زیاتوالی راغلی، چې ستر لامل یې د کوکنارو پرځای د غنمو کښت او پر وخت د موسمي بارانونو زیاتوالی دی.
دې ادارې ویلي، چې تر ټولو زیات پر اوبیزو ځمکو د غنمو کښت په هلمند، کندهار، فراه او کندوز او ترټولو زیات للمي غنم په تخار، هرات، بادغیس او فاریاب ولایتونو کې کرل شوي دي.
د دې ادارې د څرګندونو له مخې؛ د نفوسو اټکل ته پر پاملرنه په ټول هېواد کې شاوخوا ۶ اعشاریه ۸۲ میلیون مټریک ټنو غنمو ته اړتیا ده، چې په ۱۴۰۳ ل. ل کال کې د غنمو تولید شاوخوا ۲ میلیون مټریک ټنه کموالی ښيي.
د یادولو ده، چې د احصائې او معلوماتو ملي اداره د جغرافیايي معلوماتو په سیسټم کې سپوږمکیز انځورونه د کښت له وخت تر محصول پورې تحلیل او تجزیه او ارقام یې وړاندې کوي.
تازه خبرونه
په غزني کې د زردالو د اوبو بند تخنیکي سروې پیل شوه
د روان کال په لومړیو کې د انرژۍ او اوبو وزارت چارسمبالي عبداللطیف منصور د غزني ولایت د قره باغ ولسوالۍ له مشرانو او ولایتي چارواکو سره د دې پروژې د جوړولو په اړه خبرې اترې کړې وې.
د افغانستان د اوبو او انرژۍ وزارت تائید کړه، چې په غزني ولایت کې د یوه نوي بند لپاره تخنیکي سروې او ارزونه ترسره شوې ده.
د روان کال په لومړیو کې د انرژۍ او اوبو وزارت چارسمبالي عبداللطیف منصور د غزني ولایت د قره باغ ولسوالۍ له مشرانو او ولایتي چارواکو سره د دې پروژې د جوړولو په اړه خبرې اترې کړې وې.
عبداللطیف منصور له هغې وروسته، چې په غزني کې د بند د اړتیا نقشه ډاګیزه شوه؛ نو د پروژې د پلي کېدا ژمنه وشوه.
دې وزارت د سې شنبې پر ورځ ویلي، چې د وزارت د انجنيرۍ خدمتونو او د اوبو د تاسیساتو د عمومي ریاست د سروې او ډیزاین څانګې تخنیکي ډلې د غزني ولایت د قره باغ ولسوالۍ سروې او ارزونه ترسره کړې ده.
د دې وزارت د څرګندونو له مخې؛ د دې بند له بشپړېدو سره به ۶۰ میلیون مټر مکعبه اوبه زېرمه او زرګونه جریبه کرنیزه ځمکه خړوبه شي.
تازه خبرونه
قطر په انډونیزیا کې افغان زدهکړیالانو ته تحصیلي بورسونه ورکوي
د قطر بهرنیو چارو وزارت په خبرپاڼه کې راغلي؛ د دې هوکړه لیک موخه د پوهنې پراختیا او د همکارۍ د چوکاټ رامنځته کول دي د قطر د بهرنیو چارو وزارت په یوه خبرپاڼه کې ویلي، چې د دغه تفاهم لیک موخه د پوهنې او پراختیا په برخه کې د همکارۍ د چوکاټ رامنځته کول دي، چې د افغانستان د ځوانانو د روښانه او هوسا راتلونکي په جوړولو کې مرسته وکړي.
د یکشنبې پر ورځ د قطر د بهرنیو چارو وزارت د مرستیالې او د اندونیزیا د بهرنیو چارو وزیرې تر منځ په انډونیزیا کې افغان زدهکړیالانو ته د تحصیلي بورسونو د ورکړې هوکړه لیک لاسلیک شو.
د قطر بهرنیو چارو وزارت په خبرپاڼه کې راغلي؛ د دې هوکړه لیک موخه د پوهنې پراختیا او د همکارۍ د چوکاټ رامنځته کول دي د قطر د بهرنیو چارو وزارت په یوه خبرپاڼه کې ویلي، چې د دغه تفاهم لیک موخه د پوهنې او پراختیا په برخه کې د همکارۍ د چوکاټ رامنځته کول دي، چې د افغانستان د ځوانانو د روښانه او هوسا راتلونکي په جوړولو کې مرسته وکړي.
د دغه تړون د لاسلیک په مراسمو کې، چې د ویډیو کنفرانس له لارې ترسره شوی؛ د دواړو هېوادونو چارواکو د افغان ښځو پر بشري پراختیا او ملاتړ ټینګار وکړ.
د دغې اعلامیې له مخې، دغه هوکړه لیک د قطر د بهرنیو چارو وزارت مرستیالې لولوه بنت راشد الخاطر او د انډونیزیا د بهرنیو چارو وزیرې ریتنو مارسودي په یوه کتنه کې، چې د رسنیو په ګډون جوړه شوې وه، لاسلیک کړ.
په دې کتنه کې د قطر د بهرنیو چارو وزارت مرستیالې هیله څرګنده کړه، چې په انډونیزیا کې به له دې فرصت څخه له ۲۰ ډېر افغان زدهکړیالان ګټه پورته کړي.
د انډونیزیا د بهرنیو چارو وزارت د افغان ښځو او نجونو د ښوونې او پیاوړتیا په برخه کې د دواړو هېوادونو ترمنځ د همکاریو پر اهمیت ټینګار وکړ.
د دواړو هېوادونو د بهرنيو چارو وزارتونو استازیو ويلي، چې د افغانستان له ځوانانو سره به خپلو مرستو ته دوام ورکړي او په افغانستان کې به د پوهنې او بشري وړتياوو د پياوړتيا لپاره هڅې وکړي.
تازه خبرونه
په افغانستان کې د صرافۍ او پولي خدمتونو قانون تصویب شو
د افغانستان بانک وایي؛ د صرافۍ او پولي خدمتونو قانون یې تصویب کړی، چې له مخې یې هیڅوک نشي کولی له جواز پرته پولي خدمتونه وړاندې کړي.
د افغانستان بانک د رسنیو دفتر د شنبې پر ورځ (د تلې اتهویشتمه) د صرافۍ او پولي خدمتونو د قانون له تصویب خبر ورکړ.
د افغانستان بانک وایي؛ د صرافۍ او پولي خدمتونو قانون یې تصویب کړی، چې له مخې یې هیڅوک نشي کولی له جواز پرته پولي خدمتونه وړاندې کړي.
د افغانستان بانک چارواکي وايي، چې د دغه قانون پر بنسټ، له جواز پرته صرافي کول جرم ګڼل کیږي او دوی به یې مخنیوی کوي.
د افغانستان بانک ویاند حسیب الله نوري زیاته کړې، چې نوي قانون صرافانو ته د جواز ترلاسه کول اسانه کړي دي.
په ورته وخت کې د شهزاده سری د صرافانو ټولنه د دغه قانون له تصویب هر کلی کوي.
یو شمېر کارپوهانو ويلي، چې له دې قانون سره به د بهرنيو پانګو جلب او جذب، مالي ثبات او رڼښت ښه شي.
دغه قانون به د اسلامي امارت د رهبر له توشیح وروسته د عدلیې وزارت په رسمي جریده کې خپور شي.
د افغانستان بانک د نوي قانون له مخې؛ د صرافۍ د جواز اخیستو په برخه کې ډېرې اسانتیاوې برابرې شوي، چې ورسره به د صرافۍ او پولي غیر قانوني خدمتونو مخه ونیول شي.
د يادونې ده، چې د افغانستان بانک په دې وروستيو کې د فاکس انلاين راکړه ورکړه هم غير قانوني اعلان کړې او څرګندوي، چې عاملين به يې تر عدلي تعقيب لاندې ونيول شي.
-
تازه خبرونه5 days ago
د خوړو نړیوال پروګرام له څه باندې ۲۵۰ زره افغانانو سره مرسته کړې
-
سیمه ییز خبرونه5 days ago
په بنګله دېش کې د شیخ حسینه د نیولو امر وشو
-
تازه خبرونه2 days ago
په افغانستان کې د صرافۍ او پولي خدمتونو قانون تصویب شو
-
تازه خبرونه2 days ago
د چین پر مرسته د بامیان ولایت لپاره د ۲۰ میګاواټه برښنا چمتو کولو چارې پیل شوې
-
تازه خبرونه2 days ago
د جرمني لومړی وزیر د مجرمو افغانانو پر شړلو ټینګار څرګند کړ
-
تازه خبرونه5 days ago
قطر او بریټانیا د افغانستان پر وضعیت خبرې وکړې
-
سیمه ییز خبرونه2 days ago
د حماس د مشر وژنه به د مقاومت محور ونهدروي ـ د ایران مذهبې رهبر
-
سیمه ییز خبرونه1 day ago
په امریکا کې د ترکیې د ولسمشر سیاسي مخالف فتحالله ګولن مړ شو