لوبی
افغانستان د ۲۰۲۳ آسیا جام غوراوي سیالیو وروستي پړاو ته لار وموندله

له هغې وروسته، چې بحرین هانک کانګ ته څلور پر صفر ماته ورکړه؛ افغانستان د آسیا جام پای لوبې ته لار وموندله.
د هېواد فوټبال ملي لوبډلې هیله درلوده، چې نړیوال جام او آسیا جام د غوراوي سیالیو پایلوبې ته پر هند له بري وروسته نېغه لارومومي؛ خو د سې شنبې پر شپه یې لوبه یو پر یو له هند سره مساوي پای ته ورسېده.
لومړی هندوستان د اویس عزیزي پر ګول وهنه مخکې شو؛ خو بیا ملي لوبډلې په ۸۱ دقیقه کې د حسین زماني پر ګول وهنه لوبه مساوي کړه.
له دې پایلې سره ملي لوبډله د بحرین او هانګ کانګ پایلو ته په تمه شوه.
بحرین هانک کانګ ته د څلور پر صفر ماته ورکړه او افغانستان د غوره څلور لوبدلو په نوملړ کې راغلو او له هندوستان سره یوځای یې د آسیا جام سیالیو وروستي پړاو ته لاره وموندله.
د آسیا جام د وړتیاوو په درېیم او وروستي پړاو کې د دوه یمو ګروپونو لوړ امتیاز لرونکې څلور لوبډلې، د درېیمو ګروپونو اته لوبډلې، د څلورمو ګروپونو څلور لوبډلې، چې لوړ امتیازونه لري؛ د پایلوبو اته ګتونکې لوبډلې به یو له بل سره مخامخ ولوبیږي، چې پدې توګه د آسیا جام پایلوبې ته ۱۲ غوره لوبډلې لار ومومي.
د لوبډلو تر منځ پچه به د اکتوبر په میاشت کې اچول کیږي او تمه ده، چې د دې پړاو لوبې د ۲۰۲۱ کال د نومبر پر ۱۱پیل شي.
لوبی
ایرلینډ د مالي ستونزو له کبله له افغانستان سره کرکټ لوبه وځنډوله
ټاکل شوې وه، چې دا لوبې سږکال په ایرلینډ کې ترسره شي.

د ایرلینډ کرکټ بورډ د سېشنبې پر ورځ (د کب یوویشتمه) ویلي؛ د افغانستان پر وړاندې ټاکل شوې لوبلړۍ، چې په کې یوه ټیسټ لوبه، درې ۵۰ اوریزې او درې ۲۰ اوریزې لوبې وې؛ د بودیجې د محدودیتونو له کبله وځنډول شوې.
ټاکل شوې وه، چې دا لوبې سږکال په ایرلینډ کې ترسره شي.
د ایرلینډ کرکټ بورډ اجرائیوي رییس وارن ډیویټرم له نورو لوبډلو سره د سیالیو مهالوېش اعلانولو پر مهال تائید کړه، چې د افغانستان سیالۍ به د مالي ستونزو له کبله ترسره نشي.
هغه ويلي: “دا پرېکړه د بودجې د لنډمهاله ستونزې له کبله رامنځته شوې ده. مونږ باید د کرکټ بورډ له منشور سره سم خپل کار وساتو، چې ټینګار کوي؛ ستراتیژیکو اهدافو ته د رسېدو لپاره پانګونه باید په متوازن ډول ترسره شي.”
د افغانستان کرکټ بورډ تر اوسه پدې اړه څه ندي ویلي.
افغانستان او ایرلینډ، چې دواړه د کرکټ د نړیوالې شورا (ICC) بشپړ غړيتوب لري؛ په ټیسټ لوبو کې دوه ځله سره مخ شوي دي، چې لومړۍ لوبه افغانستان وګټله او دوهیمه هغه د ایرلینډ پر بریا پای ته ورسېده.
په پنځوس اوریزو سیالیو کې دې دوه لوبډلو ۳۲ ځله د یو بل پر وړاندې سیالي کړې، چې افغانستان ۱۸ او ایرلینډ ۱۳ ځله ګټلې دي.
لوبی
فیفا پر پاکستان فوټبال لګېدلي بندیزونه لرې کړل
د راپور له مخې؛ فیفا د فبروري پر شپږمه پر پاکستان فوټبال فډراسیون (PFF) لګېدلي بندیزونه لرې کړل.

د فوټبال نړیوال فډراسیون (فیفا) د اساسنامې له تعدیل او تصویب وروسته پر پاکستان فوټبال فډراسیون لګول شوي بندیزونه لرې کړل.
د راپور له مخې؛ فیفا د فبروري پر شپږمه پر پاکستان فوټبال فډراسیون (PFF) لګېدلي بندیزونه لرې کړل.
د فیفا شورا دفتر په تېره فبرورۍ کې د پاکستان فوټبال فډراسیون او کانګو فوټبال فډراسیون فعالیتونه له مقرراتو څخه د سرغړونو له کبله ځنډولي وه.
پر پاکستان فوټبال فډراسیون لګول شوي بندیزونه؛ د فیفا شورا د اساسنامې د تعدیل شوې نسخې په تصویبولو کې د پاتې راتلو له کبله ول، چې د عادلانه او ډیموکراټیکو ټاکنو ترسره کول او د دې بهیر د یوې برخې په توګه پر فډراسیون د لګول شويو مکلفیتونو پلي کول تضمینوي.
د فیفا په خبرپاڼه کې ویل شوي، چې د پاکستان فوټبال فډراسیون د قوانینو د تعدیل شوې نسخې له تصویب سره د فیفا ټولې غوښتنې پوره کړې دي.
لوبی
د افغانستان او اسټرالیا ترمنځ کرکټ لوبه بې پایلې پای ته ورسېده
د افغانستان د ۲۷۴ منډو هدف د ترلاسه کولو لپاره اسټرالیا په ۱۳ اوورونو کې د یوې وېکټې پر زیان ۱۰۹ منډې جوړې کړې؛ خو لوبه د باران له کبله ودرول شوه.

د جمعې پر ورځ په لاهور کې د افغانستان او اسټرالیا ترمنځ د کرکټ لوبه د باران له کبله بې پلیلې پای ته ورسېده، چې له مکبله یې اسټرالیا د اتلانو جام نیمه پای لوبې ته لاره پیدا کړه.
د افغانستان د ۲۷۴ منډو هدف د ترلاسه کولو لپاره اسټرالیا په ۱۳ اوورونو کې د یوې وېکټې پر زیان ۱۰۹ منډې جوړې کړې؛ خو لوبه د باران له کبله ودرول شوه.
د آسټرالیا لوبډله د اتلانو جام دوهیم پړاو ته له څلورو نمرو سره ورسېده، چې دوه یې له دوه لغوه شویو لوبو څخه تر لاسه کړې وې.
د آسټرالیا لوبډلمشر سټیو سمیت ویلي: “دا یوه ښه پایله ده.” دا هغه څه دي، چې مونږ یې د سیالۍ په پیل کې په لټه کې وو. “تر اوسه پورې په دوه غوره لوبډلو کې شتون او نیمه پای لوبې ته تلل د قناعت وړ دي.”
هغه زیاته کړې: “زه فکر کوم، چې لوبغاړو ډېر ښه کار وکړ او دوی (د افغانستان لوبډله) تر ۲۷۳ منډو پورې محدوده کړه او ما فکر کاوه، چې کله لوبه لغوه شوه؛ نو مونږ په ډېر ښه حالت کې وو.”
افغانستان، چې انګلستان ته یې ماتې ورکړه او درې نمرې لري؛ اوس هم نیمه پای لوبې ته د تګ چانس لري. که انګلستان د نن ورځې په لوبه (شنبه) کې سویلي افریقا ته پر لوی توپیر ماتې ورکړي؛ نو افغانستان به نیمه پای لوبې ته لاړ شي، که نه، نو سویلي افریقا به دې مرحلې ته لاړه شي.
د افغانستان لړبډلمشر حشمت الله شهیدي ویلي: “کله، چې د لوبو خبره راځي؛ تاسې هیڅکله وړاندوینه نشئ کولی، چې څه به پیښ شي.” مونږ اوس هم هیله لرو. “مونږ راتلونکې لوبې ته سترګې پر لار یوو، زه هیله لرم، چې انګلستان یې پر لوی توپیر وګټي.”
هند او نیوزیلینډ د الف ګروپ څخه د څلورو غوره لوبډلو لپاره څلورم پړاو ته لارموندلې.
د جمعې پر ورځ د لاهور په لوبه کې، صدیق الله اتل ۸۵ منډې او عظمت الله عمرزي ۶۷ منډې وکړې.
د هېواد په ګوټ ګوټ کې د کرکټ مینهوال کولی شي د اتلانو جام ټولې لوبې پر ژوندۍ بڼه له آریانا ټلویزیون ATN څخه وګوري.
د دې سیالیو په اړه د معلوماتو لپاره د آریانا ټلویزیون او آریانا نیوز ATNN ټولنیزو رسنیو پاڼې وګورئ.
-
تازه خبرونه5 days ago
د واخان سړک د دوهیم فاز د جوړولو تړون لاسلیک شو
-
سوداگري2 days ago
په ۱۴۰۳ کال کې د ۲۹۲ میلیون ډالرو پر ارزښت د هوايي دهلیزونو له لارې سوداګري شوې
-
تازه خبرونه5 days ago
پر مسافر وړونکي ریلګاډي برید په افغانستان کې پلان شوی و- د پاکستان ادعا
-
تازه خبرونه2 days ago
د ټرمپ حکومت د امریکا غږ کارکوونکي جبري رخصتۍ ته اړ کړل
-
سیمه ییز خبرونه5 days ago
د اورګاډي پېښه د ۲۱ یرغملو او څلور سرتېرو پر وژل کېدا پای ته ورسېده – د پاکستان پوځ
-
تازه خبرونه5 days ago
اسلامي امارت د پاکستان په بلوچستان کې پر ریلګاډي د برید ادعا رد کړه
-
تازه خبرونه5 days ago
په افغانستان کې د نشهیي توکو تولید او قاچاق د پام وړ کم شوی – عبدالمتین قانع
-
تازه خبرونه2 days ago
امریکا په یمن کې د ۳۱ حوثیانو پر وژلو د هوايي بریدونو لړۍ پیل کړه