تازه خبرونه
افغانستان ته د پاکستان له دیني مدرسو نور ۱۵۰۰۰ وسلوال راروان دي – حمد الله محب
د افغانستان د ملي امنیت شوری سلاکار حمدالله محب ویلي؛ د حکومت معلومات ښيي؛ شونې ده، چې د پاکستان له دیني مدرسو ۱۵۰۰۰ نور وسلوال هم افغانستان ته مخه وکړي.
د افغانستان د ملي امنیت شوری سلاکار حمدالله محب بریټانیا ته د سفر په ترڅ کې د دې هېواد د پوځ له لوی درستیز او نورو چارواکو سره د افغانستان پر مسایلو خبرې کوي.
ده سکای نیوز سره په خبرو کې ویلي، چې پاکستان له افغان طالبانو پوځي، مالي او عاطفي ملاتړ کوي. بریټانیا ته د ملي امنیت شوری سلاکار په داسې حال کې تللی، چې دا هېواد هڅه کوي د کابل او اسلام آباد اړیکې ورغوي.
حمدالله محب ویلي، چې طالبان پر القاعده سربېره له ټولو ترهګرو ډلو سره اړیکې پالي او ان له داعش سره ځينې یو ځای شوې ډلې له طالبانو سره همکاري کوي.
د محب د څرګندونو له مخې؛ طالبان د سولې خبرې د پوځې اهدافو لپاره د وسیلې په توګه کاروي.
هغه وایي: افغانستان ته د پاکستان له مدرسو لس زره طالبان راغلي دي.
طالبان وايي، چې هیچا ته به اجازه ورنکړي، چې د افغانستان خاوره د بل هېواد په خلاف وکاروي؛ خو محب وايي، چې طالبانو له القاعده او نورو ترهګرو ډلو سره اړیکې پرې کړې ندي.
حمد الله محب زیاته کړې؛ د ازبکستان اسلامي تحریک له طالبانو سره همکاري کوي، خو له داعش سره یې بیعت کړی دی. دا درې واړه ډلې د افغانستان په بې ثباتۍ کې لاس لري او نشو کولی دا ډلې له یو بله جلا وګڼو. حکومت څو ځله په د طالبانو تر واک لاندې سیمو کې د القاعده غړي ونیول، چې ښيي طالبان له القاعده سره اړیکې لري.
طالبان پر افغان حکومت تور لګوي، چې د سولې نیت نلري؛ خو حمدالله محب وايي، چې طالبان سوله نه غواړي.
نوموړي څرګنده کړې؛ مونږ د طالبانو لخوا د جدي خبرو شاهد نه یو. دوی غواړي دا خبرې د خپلو پوځي موخو لپاره د وسیلې په توګه وکاروي.
دا په داسې حال کې ده، چې طالبانو په دې وروستیو کې له حکومته ډېرې سیمې ونیولې او د افغان ځواکونو اکمالات یې ځینو سیمو له ننګونې سره مخ کړي هم دي.
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه17 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
نړۍ16 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی16 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ