تازه خبرونه
افغانان د اګست له ۳۱ نېټې وروسته هم آزاد سفرونه کولی شي – ستانکزی
طالب چارواکي شېر محمد عباس ستانکزي ویلي؛ هغه افغانان، چې قانوني اسناد، پاسپورټونه او ویزې لري د بهرنیو سرتېرو له وتلو وروسته به هم وکولی شي بهر ته سفرونه وکړي.
د طالبانو د رهبري شورا غړي او په قطر کې د طالبانو د سیاسي دفتر او مذاکراتي پلاوي مرستیال شېر محمد عباس ستانکزي ژمنه کړې، چې د امریکايي ځواکونو له وتلو او ټولمنلي حکومت له جوړېدو وروسته ښځینه کارکوونکې هم کولی شي خپلو دندو ته ستنې شي او ټول افغانان، چې د مناسبو او قانوني اسنادو لرونکي دي له هېواده بهر سفرونه وکولی شي.
تېره شپه نوموړي د افغانستان ملي راډیو ټلویزیون له لارې په یوه هر اړخیزه وینا کې وویل: کله، چې نوی نظام او حکومت اعلان شي؛ ټول موسسات به پرانیستل شي. زمونږ خویندې د ژوندانه په هر ډګر کې کولی شي، کار او هڅې ترسره کړي، ونډه ولري او په سیاست کې پراخه برخه واخلي او دا د دوی منل شوی حق دی.
نوموړي ویلي، عمومي عفوه اعلان شوې او باید پلې شي.
له دې مخکې د طالبانو یو لوړپوړي چارواکي رسنیو ته په ډاګه کړې وه، چې په کابل هوايي ډګر کې دننه یې د ځینې برخو کنټرول ترلاسه کړی دی.
د طالبانو د څرګندونو له مخې؛ دوی چمتو دي، چې د امریکايانو له وتلو سره سم د ټول هوايي ډګر څارنه پخپله وکړي.
امریکايي چارواکو ويلي، له کابل هوايي ډګره به تر ټاکل شوې وروستۍ نېټې پورې د خلکو ایستلو بهیر روان وي او تر اوسه د هوایي ډګر کنټرول د دوی په لاس کې دی.
یو شمېر لوېديځو هېوادونو اعلان کړی، چې دوی له کابل هوايي ډګر څخه د وګړیو ايستلو خپل عمليات پای ته رسولي او د ناټو ډېري نور غړي هېوادونه به د خپلو اتباعو او خپلو همکارانو د ايستلو لپاره له دې وروسته الوتنې ونلري.
امریکايي ځواکونه، چې د وتلو د عملياتو مشري کوي د اګست پر ۳۱ به خپل شپږ زره سرتېری وباسي او د هوايي ډګر چاری به طالبانو ته وسپاري.
دا په داسې حال کې ده، چې د تېرې پنجشنبې پر ورځ دا عش جنګیالو د دغه هوایي ډګر آبې دروازې ته نږدې پر یوه ځانمرګي برید له هېواده بهر ته د تلو په تمه ولاړو خلکو ته مرګ و ژوبله واړوله؛ د امریکایانو او طالبانو په ګډون ۹۱ کسان ووژل شول او له ۱۹۵ ډېر نور کسان ټپیان دي.
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ
-
تازه خبرونه2 days ago
راشد خان د افغان بیسیم سوداګریز سفیر شو