Connect with us

تازه خبرونه

اسلامي امارت به په افغانستان کې د جمهوري نظام ځای ناستی نشي

خپور شوی

د

(Last Updated On: لړم ۳, ۱۴۰۱)

د دولت جوړوونکې ټاکنیزې ډلې مشر اشرف غني، چې د ولسمشریزو ټاکنو د ټاکنیزو هڅو په لړ کې د جمعې پر ورځ( د وږي لومړۍ) هرات ته تللی؛ خپلو پلویانو ته ویلي، د واک بیا تر لاسه کولو په صورت کې به د سولې ټینګښت د ده لومړیتوب وي.

په افغانستان کې د جمهوري نظام پر دوام د دولت جوړونکې ټاکنیزې ډلې ټینګارښیي، چې د سولې له هوکړې مخکې باید د ولسمشرۍ ټاکنې تر سره شي.

اشرف غني ټینګار کوي، چې اسلامي امارت د افغانستان خلکو ته په هیڅ صورت د منلو ندی.

نوموړي خپلو پلویانو ته ژمنه ورکړه، چې په تاکنو کې له بریالیتوب وروسته به باعزته سوله د ده د کار لومړیتوب وي.

‎ د دولت جوړونکې ټاکنیزې ډلې لومړي مرستیال د خپلې ډلې د بریالیتوب په صورت کې د افغانستان پر اقتصادي ودې او له توندلاریتوب سره پر مبارزې ټینګار وکړ.

د دولت جوړونکې ټاکنیزې ډلې لومړي مرستیال امرالله صالح ویلي، په راتلوونکي حکومت کې به د حذفولو سیاست شتوالی ونلري او په اقتصادي ډګر کې به افغانستان پر خپلو پښو ودریږي او بېوزلي به نور څوک نه احساسوي.

د هرات یو شمېر اوسیدونکیو او د ولایتي شورا غړیو د دولت جوړونکې ټاکنیزې ډلې د ملاتړ تر څنګ له دې ډ‌لې وغوښتل، چې د بریالیتوب په صورت کې خپلې ژمنې عملي کړي.

د ولسمشریزو ټاکنو ټاکنیز کمپاین د تېرې میاشتې پر شپږمه پیل شوی او د راتلوونکې میاشتې تر څلورمې دوام کوي.

د ټاکنیز کمپاین له پیل تر اوسه محمد اشرف غني  پکتیا او دا دی اوس هرات ته ولاړ او ګلبدین حکمتیار هم د پنجشنبې پر ورځ میدان وردګو ته تللی و.

لدې مخکې هم اشرف غني ویلي وه، چې ټاکنې به د سولې لپاره ونه ځنډوي.

خبریال: فواد احمدي

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!