Connect with us

سوداگري

اسلامي امارت په هېواد کې له چینايي پانګونې هرکلی کوي

خپور شوی

د

(Last Updated On: )

د اسلامي امارت د ویاند مرستیال ويلي، په اقتصادي برخه کې د چین رول مهم دی او افغانان په افغانستان کې د چینايانو له پانګونې هرکلی کوي.

د چین – پاکستان د اقتصادي دهلېز په پروژه کې د افغانستان د احتمالي ونډې او په افغانستان کې د پانګونې لپاره د چین د لیوالتیا په اړه له بحثونو وروسته اسلامي امارت وايي، چې افغانستان د امنیت له اړخه پانګونې ته چمتو دی او اسلامي امارت په افغانستان کې د چین له پانګونې هرکلی کوي.

د اسلامي امارت د ویاند مرستیال بلال کریمي وایي: چین د نړۍ د یو مهم او ځواکمن هېواد په توګه په افغانستان کې مهم رول لري. اسلامي امارت له اقتصادي پلوه د ټولو هېوادونو په ځانګړې توګه د چین پانګونې ته اړتیا لري.

سیاسي شنونکي پدې باور دي، چې اسلامي امارت باید له چین سره په اقتصادي تعامل کې له احتیاط څخه کار واخلي او داسې څه ونکړي، چې افغانانو ته لږ ګټه ولري.

د افغانستان د ملي پیوستون غورځنګ مشر سید اسحاق ګیلاني وایي: اسلامي امارت باید د چین پر دوستانه لوبې ونه غولیږي او ورسره کاري معامله ولري او افغانستان باید چین لاس تړلی ونسپاري.

اقتصاد پوهان له چین سره د اقتصادي اړیکو په اړه بېلابېل نظرونه لري او څرګندوي، چې افغانستان باید د خپلو اړتیاوو پر بنسټ د یوې اقتصادي تګلارې له مخې له چین سره اړیکې ولري.

دوی په ډاګه کوي، چې افغانستان باید د کانونو په برخه کې له چينايي ټکنالوژۍ او سرچينو ډېره ګټه پورته کړي.

اقتصادي شنونکی تاج محمد تلاش وایي: د ماشينرۍ او بشري منابعو په برخه کې له چين سره تعامل کوو؛ خو د افغانستان د خامو موادو په برخه کې بايد د چين ستراتيژي تعريف شي او همکاري يې محدوده وي.

افغانان، چې له کلونو راپدیخوا له بېکارۍ سره مخ دي وايي؛ اسلامي امارت باید له چین سره په دې برخه کې همکاري وکړي، چې خلکو ته د کار زمینه برابره شي.

د کابل اوسیدونکی احمد وايي، چې چین د نړۍ یو له سترو اقتصادي قدرتونو څخه دی. افغانستان کولی شي د پانګونې د زمینې په برابرولو کې زرګونه هېوادوالو ته د کار زمینه برابره کړي.

یو بل ښاري محمد نسیم وایي: چین یو صنعتي هېواد دی او شونې ده، چې له افغانستان سره همکاري وپالي.

دغه راز خالد نومي ویلي: کله، چې چین له افغانستان سره مرسته وکړي؛ خلکو ته به کار پیدا شي او نور به افغانان د هېواد په پولو کې به وژل کیږي.

دا، چې د اسلامي او دیني علمانو له نظره د نړۍ له بېلابېلو هېوادونو سره باید اقتصادي اړیکې په کوم اساس وي؟ په دې اړه دیني عالمان پر دوستۍ او همکارۍ ټینګار کوي.

دیني عالم حسین جعفري وایي: چین د نورو نامسلمانو هېوادونو لپاره یوه ښه بېلګه ده او دوی کولی شي له افغانستان سره مرسته وکړي.

ډېري د چین او افغانستان همکارۍ ته په مثبت نظر ګوري، د افغانستان ګاونډی پاکستان له سیپک پروژې څخه ګټه پورته کوي او ایران له چین سره د همکارۍ ۲۵ کلن تړون لاسلیک کړ.

سوداگري

افغانستان د خواف-هرات اوسپنې پټلۍ له لارې اروپا ته صادراتي توکي ولېږدول

د یاد دفتر د خبرپاڼې له مخې؛ په هرات کې د ایران سرکونسل او د هرات والي په شتون کې اروپا ته د افغانستان د صادراتو لومړنۍ جوپه ولېږدول شو، چې ورسره د افغانستان، ایران او اروپا ریلي  دهلیز پرانستل شو.

Published

on

(Last Updated On: )

د هرات والي د رسنیو دفتر د خواف-هرات اوسپنې پټلۍ له لارې اروپا ته د افغانستان صادراتي توکي ولېږدول شول.

د یاد دفتر د خبرپاڼې له مخې؛ په هرات کې د ایران سرکونسل او د هرات والي په شتون کې اروپا ته د افغانستان د صادراتو لومړنۍ جوپه ولېږدول شو، چې ورسره د افغانستان، ایران او اروپا ریلي  دهلیز پرانستل شو.

په خبرپاڼه کې راغلي؛ په دې جوبه کې د ۱.۲ میلیون ډالرو پر ارزښت ۲۰۰ ټنه پسته، ممیز، بادام او جلغوزي شته، چې د دې ولایت د والي اسلام جار او د ایران د سر قونسل په شتون کې د خواف-هرات اوسپنې پټلۍ له لارې ترکیې او اروپا ته صادرې شوې.

په خبرپاڼه کې زیاته شوې، چې په تېرو درې میاشتو کې له ۳۵ زره ټنو ډېر توکي د خواف-هرات اوسپنې پټلۍ له لارې لېږدول شوي دي.

په افغانستان کې د ایران سفارت هم نن (پنجشنبه د وري اوومه) په یوه رسنیزه خبرپاڼه کې لیکلي، چې د افغانستان لومړنی صادراتي بار د افغانستان-ایران د اورګاډي دهلیز له لارې ترکیې او اروپا ته روان شوی دی.

ویل کیږي، چې د ایران پر ملاتړ د دې دهلېز فعالول به د افغانستان اقتصاد ته وده او پراختیا ورکړي.

Continue Reading

تازه خبرونه

 د څه باندې شل میلیارډ افغانيو پر ارزښت د برښنا ۱۰ پروژې لاسليک شوې

د ریاست الوزرا اقتصادي مرستیال په دې مراسمو کې له یادو قراردادي شرکتونو څخه غوښتنه کړې، چې د دې پروژو چارې منظمې ترسره کړي.

Published

on

(Last Updated On: )

نن( پنجشنبه د وري پر اوومه) د هېواد د رسنیو په مرکز کې د شل میلیارډ افغانیو پر ارزښت د دوه سوه اته‌ویشت میګاواټه برښنا د تولید تړونونه لاسلیک شول.

د ریاست الوزرا اقتصادي مرستیال په دې مراسمو کې له یادو قراردادي شرکتونو څخه غوښتنه کړې، چې د دې پروژو چارې منظمې ترسره کړي.

د برښنا شرکت مسوولینو ويلي، چې له دې سره به د افغانستان برښنا تولیدي کچه لوړه او همدارنګه سلګونه کسانو ته کاري زمینه برابره شي.

په دې قردادونو کې د برښنا تولید په بېلا بېلو ولایتونو کې ترسره کیږي.

نوموړي زياته کړې؛ دا پروژې، چې له کورنیو او بهرنیو شرکتونو سره لاسلیک شوي؛ په کې د ۲۲۸.۴۵ مېګاواټه بادي، حرارتي (ګازي) او لمریزې برښنا تولید لپاره د سب سټېشنونو جوړول او مزو غځول شامل دي.

د برښنا شرکت مسوولینو ویلي؛ دا پروژې په لاندې ډول دي:

۱- د بلخ ولایت په دهدادي ولسوالي کې د ۴۰ مېګاواټه لمریزې برښنا تولید

۲- په هرات ولایت کې د ۵ مېګاواټه لمریزې برښنا تولید

۳- په لغمان ولایت کې د ۱۰ مېګاواټه لمرېزې برښنا تولید

۴- په هرات ولایت کې د ۴۲ مېګاواټه بادي برښنا تولید

۵- د لوګر ولایت په محمداغه ولسوالۍ کې د سب سټېشن جوړول

۶- د ننګرهار په شیخ مصري کې د ۴۰ مېګاواټه لمریزې برښنا تولید

۷- د جوزجان ولایت په شبرغان کې د ۵۰ مېګاواټه حرارتي (ګازي) برښنا تولید

۸- د لوګر ولایت په محمداغه ولسوالۍ کې د ۴۰ مېګاواټه لمریزې برښنا تولید

۹- له زابل څخه تر کندهار پورې د غځېدونکې پروژې د پاتې چارو بشپړول او په سب سټېشنونو کې یې د SVC سسټمونو نصبول

۱۰- له کجکي څخه تر کندهار پورې د ۱۱۰ کیلو ولټ برښنامزې د غځولو پاتې چارې بشپړول.

د اقتصاد وزارت چارسمبالي( سرپرست) دین محمد حنیف د څرګندونو له مخې؛ افغانستان باید د برښنا د تولید په برخو کې پانګونه ډېره کړي، چې پر  ځان‌بسیاینې ته ورسیږي.

افغانستان هرکال میلیونونه افغانۍ بهرنيو هېوادونو ته د برښنا لګښت ورکوي .

د یادونې ده، چې بیات‌پاور شرکت لومړنی افغان شرکت دی، چې له ګاز څخه برښنا تولیدوي او په تېرو پېنځه کلونو کې یې د یو میلیارډ کیلو ولټ ساعت برښنا تولید کړې او د خلکو له تود هرکلي سره مخ شوی دی.

Continue Reading

سوداگري

افغانستان ته د روسیې د مایع ګازو صادرات زیات شول

د رویټرز د څرګندونو له مخې؛ په تېرو دوه میاشتو کې افغانستان ته د روسیې د مایع ګازو صادرات ۵۲ سلنه زیات شوي، چې ۷۱ زره ټنو ته رسېدلي دي.

Published

on

(Last Updated On: )

له هغې وروسته، چې اروپايي ټولنې د روسیې پر مایع ګاز بندیزونه ولګول؛ افغانستان او منځنۍ آسیا ته د دې ګاز صادرات زیات شوي دي.

د رویټرز د څرګندونو له مخې؛ په تېرو دوه میاشتو کې افغانستان ته د روسیې د مایع ګازو صادرات ۵۲ سلنه زیات شوي، چې ۷۱ زره ټنو ته رسېدلي دي.

رویټرز خبري آژانس د سرچینو د څرګندونو له مخې راپور ورکړی، چې تېر کال د روسیې د مایع ګاز په اړه د اروپایي اتحادیې بندیزونه افغانستان ته د دې محصول په صادراتو کې زیاتوالی راوست.

د دې راپور له مخې؛ دا بندیزونه تېر کال د پولینډ لخوا، چې د روسیې د مایع ګاز یو له لویو واردونکو څخه دی وړاندیز شوي وه او په دسمبر کې پلي شول.

په مایع ګاز کې پروپان او بوټان شته دي، چې په ټولیزه توګه د موټرو د سونګ توکو په توګه، د تودولو لپاره او د نورو پټروشیمي  محصولاتو په تولید کې کارول کیږي.

د صنعتي سرچینو د څرګندونو له مخې؛ د روسیې له فابریکو څخه د اوسپنې پټلۍ له لارې د مایع ګاز (LPG) د عرضې په ګډون له قزاقستان سره د کاز‌روس‌ګاز ګډه پروژه د روان کال په جنورۍ او فبرورۍ کې د تېر کال د ورته وخت پر پرتله ۸۰ سلنه زیاته شوې، چې ۱۴۰ میټریک ټنو ته رسېدلې ده.

افغانستان ته د دې ګازو صادرات، چې په سیمه کې د روسیې د مایع ګازو ترټولو لوی مصرف کوونکی دی، په دې موده کې ۵۲ سلنه زیات شوي، چې ۷۱ مټریک ټنو ته رسېدلي دي.

سوداګر تمه لري، چې افغانستان ته د مایع ګازو صادرات نور هم زیات شي.

د دوی د څرګندونو له مخې؛ د افغانستان د مایع ګازو کلنۍ تقاضا شاوخوا ۷۰۰ زره میټریک ټنه اټکل شوې ده.

Continue Reading
Advertisement

Trending

Copyright © 2024 Ariana News. All rights reserved!