تازه خبرونه
اسلامي امارت په لبنان کې د اسرائیلو بریدونه وغندل
ضیا احمد تکل نن (سې شنبه د تلې درېیمه) په یوه خبرپاڼه کې لیکلي: په غزه کې د صهیونیسټ رژیم د جنایتونو پر وړاندې د جدی غبرګون د نشتوالي له کبله دې رژیم د ټولې سیمې امنیت له ګواښ سره مخ کړی دی.
د افغانستان اسلامي امارت بهرنیو چارو وزارت د ویاند مرستیال په لبنان کې د اسرائیلو وروستي خونړي بریدونه، چې په کې د ماشومانو او ښځو په ګډون سلګونه کسان وژل شوي وغندل.
ضیا احمد تکل نن (سې شنبه د تلې درېیمه) په یوه خبرپاڼه کې لیکلي: په غزه کې د صهیونیسټ رژیم د جنایتونو پر وړاندې د جدی غبرګون د نشتوالي له کبله دې رژیم د ټولې سیمې امنیت له ګواښ سره مخ کړی دی.
د خبرپاڼې د څرګندونو له مخې؛ نړیواله ټولنه باید سمدستي په لبنان او فلسطین کې د «صهیونیسټ رژیم» د جنایتونو د مخنیوي لپاره مسوولانه هڅې وکړي او د ملکي وګړو امنیت خوندي کړي.
دا په داسې حال کې ده، چې د لبنان روغتیايی چارواکو ویلي؛ په لبنان کې د حزب الله پر ضد د اسرائیلو د هوايي بریدونو له کبله تر دې دمه د ښځو او ماشومانو په ګډون لږ تر لږه ۴۹۲ کسان وژل شوي دي.
