Connect with us

تازه خبرونه

اسلامي امارت د جوبایدن پدې خبرې، چې افغانستان د خدای پریښودل شوی ځای دی؛ نیوکه وکړه

خپور شوی

د

(Last Updated On: )

د افغانستان اسلامي امارت ویاند د امریکا پر ولسمشر جوبایدن نیوکه کړې، چې افغانستان یې د خدای پریښودل شوی ځای نومولی او وایي، چې له هر ډول بهرني ملاتړ پرته به د دغه هېواد بیارغونه وکړي.

د اسلامي امارت ویاند ذبیح الله مجاهد د شنبې پر ورځ په کابل کې یوې خبري ناستې ته څرګنده کړه: هغه کسان، چې دا ډول څرګندونې کوي، له افغانستان ناهیلي شوي او خپلې عقدې منفي څرګندونو ته اړ کړي دي.

د افغانستان په اړه د جوباید وروستیو څرګندونو ته په غبرګون کې د اسلامي امارت ویاند ذبیح الله مجاهد وايي: زه نه پوهیږم، چې ده (جوبایدن ) دا خبرې پر کوم بنسټ کړي؛ خو افغانانو خپل ژوند روان ساتلی؛ د امریکا او نورو هېوادونو همکارۍ ته اړتیا نشته.

ذبیح الله مجاهد په ډاګه کړه: د امریکا همکارۍ او د نورو هېوادونو مرستې ته اړتیا نشته. که دوی له قانوني لارو او قانوني خواوو له مونږ سره اړیکه ونیسي؛ مونږ به یې تعامل ته مثبت ځواب ووایو، خو که دوی د خندا وړ او عقدوي خبرې کوي، دا د دوی خپله اندېښنه او خوښه ده.

ذبیح الله مجاهد وایي: افغانان، چې په کوم حالت کې دي؛ دا روان ساتي او ان شاالله افغانان به خپل وطن پخپله آبادوي.

په کلیفورنیا کې د جمعې پر ورځ د تجربه لرونکیو سرتېرو د ستاینې پر مهال د امریکا ولسمشر جو بایډن ویلي؛ افغانستان د خدای پریښودل شوی ځای دی.

بایدن ویلي: تاسې ډېري افغانستان ته تللي یاست؛ زه د خدای دې هیرې کړې برخې ته تللی یم. دا د خدای لخوا پریښودل شوی ځای دی – دا خدای لخوا پریښودل شوی ځای دی.

بایدن د ۲۰۲۱ ز. کال په اګست کې، چې په کابل کې هم حکومت سقوط وکړ او امریکايي ځواکونه له خپلو متحدینو او ناتو سره راټول شول او له دوه لسیزو جګړو وروسته نیمه شپه ووتل.

د افغانستان اسلامي امارت یو ځل بیا په کابل کې واک ته ورسید؛ خو امریکا او نورو لویدیځو شریکانو یې له نوي حکومت سره مالي او اقتصادي مرستې وځنډولې او پر اسلامي امارت یې بندیزونه ولګول او د افغانستان پر میلیاردونو دالره بهرنۍ پانګه یې هم کنګل کړه.

تازه خبرونه

د معاشونو د نورم او اجراء په اړه خپاره شوي لیستونه او اوازې ناسمې دي

د ماليې وزارت په خبرپاڼه کې راغلي؛ د تېرو څو ورځو راپدېخوا په یو شمېر رسنيو او ټولنیزو پاڼو کې، چې د امارتي ادارو د معاشونو د نورم د بدلون په اړه کوم لیستونه او اوازې خپرېږي؛ مطلق ناسم دي.

Published

on

(Last Updated On: )

‏د افغانستان ماليې وزارت د معاشونو د نورم او اجراء په اړه په يوه خبرپاڼه کې ویلي، چې د معاشونو د نورمونو د بدلون په تړاو خپرې شوې اوازې او ليستونه ناسم او درواغ دي.

د ماليې وزارت په خبرپاڼه کې راغلي؛ د تېرو څو ورځو راپدېخوا په یو شمېر رسنيو او ټولنیزو پاڼو کې، چې د امارتي ادارو د معاشونو د نورم د بدلون په اړه کوم لیستونه او اوازې خپرېږي؛ مطلق ناسم دي.

ماليې وزارت په همدې اوونۍ کې د معاشاتو د اجراء خبر هم ورکړی او زياتوي:« دا وزارت هېوادوالو ته ډاډ ورکوي، چې د امارتي ادارو معاشات به په دې اوونۍ کې د پخوا په څېر اجراء شي».

دا په داسې حال کې ده، چې د حکومت مامورینو د سلواغې او کب میاشتو معاشونه ندي اخیستي.

Continue Reading

تازه خبرونه

د بهرنیو چارو وزارت د غزې پر تړانګه د اسرائیلو تازه بریدونه وغندل

د دې وزارت د خپرې شوې خبرپاڼې له مخې: “د صهیونستي یرغلګرو دا وحشیانه عمل نه یوازې له بشري حقونو او نړیوالو قوانینو سرغړونه ده، بلکې د انسانیت له بنسټیزو ارزښتونو سره هم ښکاره تضاد لري”.

Published

on

(Last Updated On: )

د بهرنیو چارو وزارت ویلي؛«د اسرائیلي اشغالګر رژیم په تازه بریدونو کې، چې له کبله یي له ۳۰۰ ډېر بې گناه فلسطینیان د میرمنو او ماشومان په ګډون “شهیدان” او ټپیان کړل» پر کلکو ټکو غندي.

د دې وزارت د خپرې شوې خبرپاڼې له مخې: “د صهیونستي یرغلګرو دا وحشیانه عمل نه یوازې له بشري حقونو او نړیوالو قوانینو سرغړونه ده، بلکې د انسانیت له بنسټیزو ارزښتونو سره هم ښکاره تضاد لري”.

دغه راز بهرنیو چارو وزارت یو ځل بیا له ذیدخله هېوادونو وغوښتل، چې د فلسطین له مظلومو خلکو خپل ملاتړ څرګند کړي او د اشغال د پای ته رسولو لپاره عملي او پرېکنده ګامونه واخلي.

اسلامي امارت ویلي، چې دوی “د فلسطینیانو حقه مبارزه او مشروع مقاومت د هغو یو ثابت حق ګڼي او ملاتړ یې کوي.”

Continue Reading

تازه خبرونه

له افغانستان څخه د امریکا د وتلو په پرېکړه او پلي کولو کې ټول ښکېل کسان مسوول دي ـ شان پارنیل

 د وزارت ویاند د جو بایډن په مشرۍ د امریکا د پخوانۍ ادارې پر ستراتیژۍ نیوکه وکړه او وایي؛ ټول هغه کسان، چې له افغانستان څخه د امریکا د وتلو په پرېکړه او پلي کولو کې ښکېل دي باید مسوول وګڼل شي.

Published

on

US defense dept Parnell
(Last Updated On: )

د امریکا دفاع وزارت ويلي، چې په ۲۰۲۱ کال کې له افغانستان څخه د امریکايي ځواکونو وتل “نامسؤلانه” او شرموونکي وه.

 د وزارت ویاند د جو بایډن په مشرۍ د امریکا د پخوانۍ ادارې پر ستراتیژۍ نیوکه وکړه او وایي؛ ټول هغه کسان، چې له افغانستان څخه د امریکا د وتلو په پرېکړه او پلي کولو کې ښکېل دي باید مسوول وګڼل شي.

د امریکا د دفاع وزارت ویاند په خپل لومړني مطبوعاتي کنفرانس کې له افغانستان څخه د امریکا د وتلو پر ستراتیژۍ نیوکه وکړه او اسلامي امارت ته یې د افغانستان تسلیمېدل ستونزمن وبلل.هغه د امریکا د ګډوډ وتلو مسوولانو ته د حساب ورکولو پر اړتیا ټینګار وکړ.

د امریکا د دفاع وزارت ویاند شان پارنیل وايي: “زما هېواد په افغانستان کې د ۲۰ کلونو لپاره په جګړه کې و او ما د خپل ژوند یوه لویه برخه هلته تېره کړه.” زمونږ سرتېرو هلته ډېر ښه ماموریت ترسره کړ؛ خو زما لپاره دا ډېره سخته وه، چې د طالبانو (اسلامي امارت) ته د افغانستان د تسلیمېدو صحنې ووینم. د ټرمپ اداره به هرې جګړې ته د ننوتلو، ګټلو او وتلو لپاره یوه روښانه ستراتیژي ولري.”

له دې مخکې د ټرمپ ادارې نورو چارواکو له افغانستان څخه د امریکايي ځواکونو د وتلو پر څرنګوالي نیوکه کړې وه او د حساب ورکولو پر اړتیا یې ټینګار کړی و.

دغه راز د امریکا بهرنیو چارو وزارت ویاند اعلان کړی، چې په افغانستان کې د پخوانیو امریکایي سرتېرو د همکارانو لیږد او بیا میشتېدنه د هېواد د پالیسۍ یوه برخه ده.

د بهرنیو چارو وزارت ویاند ټامي بروس ویلي: “مونږ د دې اشخاصو د لېږدولو لپاره ترتیبات نیولي دي. د امکان تر حده مونږ د ډېرو هغو خلکو د بېرته ستنولو هڅه کړې، چې په شخړو کې ښکېل ول. په ځانګړي توګه هغه کسان، چې له مونږ سره یې همکاري کړې او تل زمونږ د پالیسۍ برخه وه. دا بهیر له پخواني حکومت څخه روان دی او مونږ اوس هم پدې کار کوو.”

سپینې ماڼۍ ته د ټرمپ له راستنېدو سره سم له افغانستان څخه د پخوانیو امریکایي سرتېرو د ایستلو بهیر هم په ناڅرګندتیا کې ډوب شوی دی. په زرګونه خلک اوس په افغانستان، پاکستان، قطر او د سیمې په نورو هېوادونو کې بې برخلیکه ژوند کوي. داسې رپوټونه هم شته چې ښايي پر افغان اتباعو امریکا ته پر سفر بندیز ولګول شي.

Continue Reading
Advertisement

Trending

Copyright © 2024 Ariana News. All rights reserved!