Connect with us

لوبی

اسدالله خان د افغانستان کرکت د غوراوي کمیتې نوی مشر وټاکل شو

خپور شوی

د

(Last Updated On: )

د افغانستان کرکت بورد د دوشنبې پر ورځ اعلان وکړ، چې اسدالله خان د نورالحق ملکزي پر ځای د افغانستان کرکت بورد د غوراوي کمیتې د مشر په توګه ټاکل شوی دی.

د افغانستان کرکت بورد ويلي، نورالحق ملکزي د کورنیو ستونزو له کبله له خپلې دندې ګوښه شوی دی.

اسدالله خان له دې مخکې د افغانستان کرکت بورد د مشر، د غوراوي کمیتې د مشر او د ویدیو شنونکي په توګه کار کړی دی.

اسدالله خان وایي: زه ویاړم، چې د لوبغاړیو د غوراوي کمیتې مشري پر غاړه اخلم. د افغانستان کرکت بورد زما لپاره کومه نوې اداره نه‌ده؛ ځکه، چې زه د دې عالي ادارې لپاره د کار کولو بډایه تجربه لرم. زه ژمن یم، چې تکړه لوبغاړي وپېژنم او هغوی د هېواد د استازیتوب او په نړیواله کچه د بریا ترلاسه کولو فرصتونه برابر کړم.

د افغانستان کرکت بورد مشر میرویس اشرف د غوراوي کمیتې د مشر په توګه د نورالحق ملکزي له دندو او هڅو ستاینه وکړه.

دغه راز یې د ملي لوبډلې لپاره د تکړه لوبغاړیو په ټاکلو او د ځوانو استعدادونو په روزلو کې د ملکزي هڅې وستایلې.

اشرف غني اسدالله خان ته هم مبارکي وویله او د غوراوي کمیتې د رهبري کولو لپاره یې د هغه پر وړتیا باور څرګند کړ، په نړیوالو سیالیو کې یې د بریا پر ترلاسه کولو او افغانستان ته د ویاړ پر راوړلو ټینګار وکړ.

د غوراوي کمیتې پخواني مشر نورالحق ملکزي د خپلې دورې په اوږدو کې د کرکت بورد له مشرتابه څخه د ملاتړ او باور له کبله مننه وکړه او وایي: دا د ویاړ ځای دی، چې د افغانستان کرکت بورد د غوراوي کمیتې د مشر په توګه مې دنده ترسره کړې. د شخصي او کورنیو ستونزو له کبله نور نشم کولی دا اړینې هڅې روانې وساتم. ما د کمیتې د یوه غړي په توګه له کرکت بورد سره د خپلو همکاریو د دوام غوښتنه کړې او له اسدالله خان او بورد سره به هر اړخیزې همکارۍ ته ژمن وم.

لوبی

د افغانستان الف کرکټ لوبډلې په ټسټ لوبه کې ایرلینډ ته ماتې ورکړه

د متحده عربي اماراتو په دې څلور ورځنۍ لوبه کې، چې نن (پنجشنبه) پای ته ورسېده؛ افغان لوبډلې په خپله لومړۍ پاڼۍ کې ۶۱۲ منډې جوړې کړې، چې په ځواب کې یې سیالې ایرلینډ لوبډلې په خپله لومړۍ پاڼۍ کې ۳۰۹ او په دوه‌یمه هغې کې یوازې ۱۰۹ مندې جوړې کړې او د یوې پاڼۍ او ۱۹۴ منډو پر توپیر یې دا لوبه افغان لوبډلې ته وبایلله.

Published

on

(Last Updated On: )

د افغانستان الف کرکټ لوبډلې د ایرلینډ الف کرکټ لوبډلې ته د یوې پاڼۍ او ۱۹۴ منډو پر توپیر ماتې ورکړه.

د متحده عربي اماراتو په دې څلور ورځنۍ لوبه کې، چې نن (پنجشنبه) پای ته ورسېده؛ افغان لوبډلې په خپله لومړۍ پاڼۍ کې ۶۱۲ منډې جوړې کړې، چې په ځواب کې یې سیالې ایرلینډ لوبډلې په خپله لومړۍ پاڼۍ کې ۳۰۹ او په دوه‌یمه هغې کې یوازې ۱۰۹ مندې جوړې کړې او د یوې پاڼۍ او ۱۹۴ منډو پر توپیر یې دا لوبه افغان لوبډلې ته وبایلله.

په ابوظبي کې د پچې له ګټلو وروسته افغان لوبدلې لومړی د توپ‌وهنې پرېکړه وکړه. د افغانستان الف لوبډلې په خپلې لومړۍ پاڼۍ کې د اوووه ویکټو پر زیان سره ۶۱۲ منډې جوړې کړې.

بهیر شاه ۱۸۷، ریاض حسن ۹۴، عمران ۸۵، شمس الرحمن ۸۴، افسر ځاځي ۵۵ او دروېش رسولي ۵۳ مهم ونډه وال ول.

په دې لوبه کې عرب ګل مومند د لوبې غوره لوبغاړی ونومول شو.

دې تکړه ښي لاسي ورو توپ اچوونکي عرب ګل مومند د ایرلینډ پر وړاندې د یوازنۍ څلور ورځنۍ لوبې په دواړو پاڼیو کې غوره توپ اچونه وکړه او لس ویکټې یې ترلاسه کړې.

نوموړي د لوبې په لومړۍ پاڼۍ کې څلور او د لوبې په وروستۍ پاڼۍ کې ۶ ویکټې ترلاسه کړې، چې پرمټ یې د لوبې غوره لوبغاړی ونومول شو.

ضیا الرحمن هم پنېځه ویکټې واخیستې.

Continue Reading

لوبی

د افغانستان له ۱۹ کلنو ټیټ عمره کرکټ لوبډلې د نیپال پر وړاندې د ۵۰ آوریزو لوبو لړۍ وګټله

دا لوبه، چې په مولپاني کرکټ لوبغالي کې ترسره شوه؛ نیپال لومړی بیټینګ وکړ او په ۴۴.۵ آورونو کې یې د ۱۹۱ منډو پر جوړولو ټول لوبغاړي وسوځېدل.

Published

on

(Last Updated On: )

د هېواد له ۱۹ کلنو ټیټ عمره کرکټ ملي لوبډلې د چارشنبې پر ورځ د پنځوس آوریزو سیالیو په وروستۍ لوبه کې له نیپال څخه ماتې وخوړه؛ خو د لومړۍ او دوه‌یمې لوبې د ګټلو له کبله یې دا لړۍ وګټله.

دا لوبه، چې په مولپاني کرکټ لوبغالي کې ترسره شوه؛ نیپال لومړی بیټینګ وکړ او په ۴۴.۵ آورونو کې یې د ۱۹۱ منډو پر جوړولو ټول لوبغاړي وسوځېدل.

په ځواب کې افغانستان په ۲۰.۱ آورونو کې د شپږو لوبغاړو پر سوځېدو ۴۶ منډې جوړې کړې وې، چې لوبه د باران له کبله ودرول شوه. کله، چې وضعیت نور هم خراب شو؛ نو لوبڅارونکو د پایلې ټاکلو لپاره د DLS میټود څخه کار واخیست، چې له مخې یې نیپال د ۸۵ منډو پر توپیر د لوبې ګټونکی اعلان شو.

تېره اوونۍ د دې لوبلړ په لومړۍ لوبه کې افغانستان نیپال ته د ۱۳۰ منډو پر توپیر ماتې ورکړې وه.

په دوه‌یمه لوبه کې، چې د دې اوونۍ د یکشنبې پر ورځ ترسره شوه؛ افغانستان نیپال ته د یوې منډې پر توپیر ماتې ورکړې وه.

Continue Reading

لوبی

د افغانستان فوټبال ملي لوبډله په مراکش کې لوبې کوي

د هېواد فوټبال فډراسیون ویلي، چې مراکش به د څلور اړخیزه فوټسال سیالیو کوربتوب وکړي.

Published

on

(Last Updated On: )

د افغانستان فوټسال ملي لوبډله د څلورو هېوادونو په فوټسال سیالیو کې د ګډون لپاره مراکش ته تلې ده.

د هېواد فوټبال فډراسیون ویلي، چې مراکش به د څلور اړخیزه فوټسال سیالیو کوربتوب وکړي.

په دې ټورنمنټ او سیالیو کې به د افغانستان، پرتګال، مراکش او چین ملي فوټسال لوبډلې د وري له شلمې څخه د وري تر څلیریشتمې / د اپریل له نهمې څخه تر دیارلسمې پورې له یو بل سره مخ شي.

د هېواد د فوټبال فډراسیون د څرګندونو له مخې؛ دا سیالۍ به له وروستۍ لوبې پرته ټلویزیوني خپراوی ونلري.

د یادونې ده، چې د افغانستان فوټسال ملي لوبډله به د وري پر شپږویشتمه / د اپریل پر پېنځلسمه د مراکش د ملي فوټسال لوبډلې پر وړاندې یوه دوستانه لوبه هم وکړي.

Continue Reading
Advertisement

Trending

Copyright © 2025 Ariana News. All rights reserved!