تازه خبرونه
ازبکستان افغانستان ته د سیاسي او اقتصادي همکاریو ډاډ څرګند کړ
(Last Updated On: )
د ازبکستان سفیر یادګار خواجه شادمانوف د شنبې پر ورځ ( د چنګاښ ۳۱ ) د افغانستان د بهرنیو چارو وزارت له سیاسي مرستیال شېرمحمد عباس ستانکزي سره د سیاسي او اقتصادي اړیکو په ګډون پر بېلابېلو موضوعاتو خبرې وکړې.
د اسلامي امارت د بهرنیو چارو وزارت څرګنده کړې، شادمانوف د دوه اړخیزو سیاسي اړیکو پر پراختیا او د اقتصادي مسایلو په ګډون د اوسپنې پټلۍ د غزولو په اړه خبرې کړې دي.
په دې کتنه کې ستانکزي د دواړو هېوادونو د ښو اړیکو په اړه د ټینګار ترڅنګ هیله څرګنده کړه، چې ازبکستان به له افغانستان سره د برښنا رسولو او کرنې په برخه کې خپلې همکارۍ روانې ساتي.
