Connect with us

تازه خبرونه

اروپا او امریکا په هلمند کې د نښتو د درولو غوښتونکي شوي

خپور شوی

د

Reuters
(Last Updated On: تله ۲۲, ۱۳۹۹)

په افغانستان کې د اروپايي ټولنې نوي سفیر اندریاس فون برانت نن (سې شنبه د تلې ۲۲) په هلمند کې د روان تاوتریخوالي د پای ته رسیدو غوښتنه وکړه.

د اروپایي ټولنې استازي فون برانت په خپل تویت کې څرګنده کړې؛ روان بې معنا تاوتریخوالی ودروئ! د اروپايي اتحادیې همکارانو څرګنده کړې، چې په هلمند کې نښتې روانې دي. په تېرو ۴۸ ګړیو کې د اروپايي اتحادیې د ملکي ملاتړ او بشردوستانه مرستو ( تراما) لخوا په لښکرګاه کې له ۷۵ ټپیانو سره مرسته کړې ده.

د فون برانت دغه تویت د امریکا د سفارت د چارسمبالي راس ویلسن له تویته څو ګړۍ وروسته، چې له  طالبانو څخه یې په هلمند کې د بریدونو د درولو غوښتنه وکړه؛ خپور شوی دی. راس ویلسن څرګنده کړې: زه هم د جنرال میلر له څرګندونو ملاتړ کوم او له طالبانو عغواړم، چې پر هلمند بریدونه ودروي او په ټول هېواد کې تاوتریخوالی کم کړي.

د امریکا د سفارت چارسمبالي زیاته کړې: دا بریدونه د دوحې له هوکړې سره اړخ نه لګوي او یوازې ځاني زیان او ویجاړۍ رامنځته کوي. نښتې باید ودریږي، چې ټولې خواوې د تلپاتې سولې پر لوري حرکت وکړي؛ څکه ټول افغانان سولې ته اړتیا لري.

پرون د پرېکنده ماموریت قومندان، سکات میلر ویلي وه: طالبان باید سمدلاسه په هلمند ولایت کې خپل برید ودروي او په ټول هېواد کې تاوتریخوالی راکم کړي. روانه جګړه د امریکا او طالبانو له هوکړې سره اړخ نه لګوي او د افغانستان د سولې خبرې زیانمنوي.

نوموړي یادې هوکړې ته په نغوته کې ویلي؛ که پر افغان ځواکونو د طالب جنګیالیو لخوا برید کیږي؛  امریکايي ځواکونه به ترې ملاتړ کوي.

دا په داسې حال کې ده، چې په دوحه کې د حکومتي پلاوي او طالبانو د اړیکو جرګه ګیو پرون ماښام له اووه ورځني ځنډ وروسته پر ناندریزو ټکو خبرې کړي او پر دوام یې هم ټینګار کړی دی.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!