وینزویلا د چارشنبې پر شپه په ازبکستان کې د فوټسال نړیوال جام د سیالیو د ترسره کولو پر مهال ستر تاریخي ګام پورته کړ او اسپانیا ته یې ۲-۱ پر توپیز ماتې ورکړه.

پاراګوای هم پخپل وار له افغانستان څخه لوبه ۳ – ۱ پر توپیر وګټله.

د افغانستان لپاره یوازنی ګول حمید رضا حسیني وواهه.

وینزویلا او پاراګوای اوس د ۸ لوبډلو پړاو ته لار ومندله.

که څه هم پاراګوای د افغان لوبډلې لخوا د ماتې په درشل کې وا؛ خو په اضافي وخت کې یې دوه ګولونه وکړل او لوبه یې وګټله.

د نن ورځې (پنجشنبې) په لوبو کې به مراکش له ایران او پرتګال به له قزاقستان سره مخامخ شي.

په ټول افغانستان کې د فوټسال مینه‌وال کولی شي دا لوبې له آریانا ټلویزیون څخه وګوري.

د افغانستان فوټسال ملي لوبډله به نن چارشنبه ( د تلې څلورمه ) د لوبډلو د سیالیو په بل پړاو کې له پاراګوای سره مخامخ شي.

پاراګوای اووه ځله په نړیوال جام کې ګډون کړی او د نړۍ پر کچه دیارلسم ځای لري.

افغانستان د فیفا په درجه بندۍ کې د دېرشم ځای لرونکې لوبډله ده.

د دواړو لوبډلو ترمنځ لوبه به نن شپه د افغانستان پر وخت د شپې پر ۷:۳۰ د تاشکند په هوما آرینا لوبغالي کې ترسره شي.

افغانستان بریالی شو، چې له سي ګروپ څخه د درېیمې غوره لوبډلې په توګه بل پړاو ته لار پیدا کړه؛ خو له ای ګروپ څخه پاراګوای د لومړۍ لوبډلې په توګه د دې پړاو سیالیو ځان رسولی دی.

دواړه لوبډلې د فوټسال نړیوال جام له پیل مخکې په تاشکند کې ۲-۲ دوستانه لوبېدلي دي.

افغانستان، چې د فوټسال د نړیوال اتل ارجنټاین پر وړاندې یې ښه لوبه وکړه؛ هیله من دی، چې دا لوبه وګټي او د نړۍ ۸ غوره لوبډلو ته لار ومومي.

په ټول هېواد کې د فوټسال مینه‌وال کولی شي د دې نړیوال جام ټولې سیالۍ پر ژوندۍ او قانوني بڼه له آریانا ټلویزیون څخه وګوري.

د افغانستان کرکټ ملي لوبډلې اتلان د سویلي افریقا پر وړاندې د تاریخي یو ورځنیو سیالیو له ګټلو وروسته نن سهار کابل ته راستنه شول.

افغانستان دغه لړۍ ۲ـ۱ وګټله؛ دا لومړی ځل دی، چې افغان لوبډلې نه یوازې د سویلي افریقا پر وړاندې یو ورځنی لوبلړ وګاټه، بلکې د ICC په درجه بندۍ کې د پېنځه مخکښو لوبډلو پر وړاندې د لړۍ لومړۍ بریا یې هم خپله کړه.

سویلي افریقا په درېیمه لوبه کې د ۱۷۰ منډو هدف تر لاسه کړ.

افغانان د ICC د نرینه‌وو د یو ورځنیو لوبو په درجه بندۍ کې نهم ځای لري، چې د ۸۲ نمرو پر لرلو له بنګله دیش (۸۶) څخه وروسته دی.

افغانستان د فبرورۍ په نیمایي کې له اسټرالیا او انګلستان سره یو ځل بیا د اتلولۍ په ګروپ کې له جنوبي افریقا سره مخامخ کیږي.