Connect with us

تازه خبرونه

یو شمېر روغتیايي چارواکي به عدلي او قضایي ارګانونو ته وروپېژندل شي

Ariana News

خپور شوی

 په

(Last Updated On: زمری ۴, ۱۳۹۹)

د افغانستان د پلټنې ادارې ویلي؛ د عامې روغتیا وزارت ځینې اوسني او پخواني چارواکي او د ولایتونو روغتیایي مسوولین به له دولتي سرچینو څخه د ناسمې استفادې او وظیفوي غفلت په تور عدلي او قضایي ارګانونو ته معرفي شي.

د افغانستان د پلټنې ادارې لومړنۍ موندنې ښیي، چې د کرونا پروړاندې د مبارزې د بودجې په لګولو کې روڼتیا نشته؛ په ځانګړې توګه هغه توکي، چې د بازار له بیې څو برابره لوړ پیرودل شوي دي. ان د یوه جنس په بیه کې هم توپیر شته. د بېلګې په توګه د تبې یو ډیجیټلي ښوودونکی په بدخشان کې ۱۲ زره افغانۍ، په هرات کې پر ۲۴ زره افغانۍ او په لوګر کې په ۹۱ زره افغانۍ پېرودل شوي دي.

دې ادارې په خپلو لومړنیو موندنو کې په ډاګه کړې، چې د کرونا پر وړاندې د مبارزې په بودجه کې روڼتیا نه وه او د بازار له بیو څو برابره لوړې پېرودنې شوې دي.

د پلټنې دې ادارې څرګنده کړې؛ د علي جناع او افغان جاپان روغتونو د روغتیایي کارمندانو په استخدام او معاشونو په ورکولو کې هم روڼتیا نشته.

دا اداره وایي،  عامې روغتیا وزات او روغتیایي سکتور له جدي مدیریتي کمزورتیا سره مخ دی.

د افغانستان د پلټونکې ادارې مشره غزال حارس وایي؛ په داسې حال کې، چې پیسې له کرونا سره د مبارزې لپاره وې، خو په یو شمېر ولایتونو کې د بېلګې په توګه د خوب تخت، د ګرځند سیت او ۷۵ انچه تلویزیونونه پېرودل شوي دي.

د پلټونکې ادارې د موندنو له مخې؛ که څه هم حکومت د ګرانبیه روغتیایي ماشینونو د پېرودلو لپاره پیسې ورکړي؛ خو پرځای یې زاړه ماشینونه ایښودل شوي. د بېلګې په توګه ویل کیږي، چې د هرات لپاره نوي پي سي آر ماشینونه پېرودل شوي؛ خو په حقیقت کې زاړه ماشینونه ورلیږل شوي دي.

میرمن غزال حارس زیاته کړې؛ د عامې روغتیا وزارت ځینې اوسني او پخواني چارواکي او د ولایتونو روغتیایي مسوولین به له دولتي سرچینو څخه د ناسمې استفادې او وظیفوي غفلت په تور عدلي او قضایي ارګانونو ته معرفي شي.

دغه اداره د افغانستان د عامې روغتیا وزارت او ټول روغتیایي سکتور د مدیریت پر کمزورتیا، د روڼتیا پر نه عملي کولو او د پېرودلو په برخه کې د لومړیتوبونو په پېژندلو کې پر ناغېړیو تورنوي.

د دغې ادارې موندنې ښیي، چې د روغتیا وزارت د موجوده درملو او تجهیزاتو د استفادې پرځای داسې توکي پېرودلي، چې اړتیا ورته نه وه. دا هغه څه دي، چې دا اداره یې د روڼتیا نشتوالی بولي.

د پلټنې ادارې موندنې ښیي، چې د علي جناح او افغان جاپان روغتونونو د کارمندانو د استخدام او معاش ورکولو په برخه کې هم روڼتیا نه وه په ځانګړې توګه لسګونه کارمندان له اړتیا پرته او د رشتې خلاف استخدام شوي دي.

دا اداره وایي، حتا ځینې کسان د اسنادو له لرلو پرته په څو برخو کې ګومارل شوي دي.

دا اداره پاکستان ته د وتلاتورونو قاچاق ردوي؛ خو د نورو ونتلاتورونو د قاچاق موضوع تراوسه نه ردوي.

تازه خبرونه

ولسمشر غني او د پاکستان لومړي وزير په افغانستان کې پر اوربند ټینګار کړی

Ariana News

خپور شوی

په

توسط

(Last Updated On: تله ۵, ۱۳۹۹)

د افغانستان ولسمشر اشرف غني او د پاکستان لومړي وزير عمران خان د تیلیفوني اړیکې له لارې د دواړو هېوادونو د اړيکو، سولې بهیر او په افغانستان کې د اوربند پر ټينګښت خبرې اترې کړې دي.

په دې تیلیفوني خبرو اترو کې ولسمشر اشرف غني د اوربند پر ټينګښت ځانګړی ټينګار کړی او د پاکستان لومړي وزير ته يې افغانستان ته د رسمي سفر بلنه هم ورکړه.

د پاکستان لومړي وزير عمران خان ويلي، مونږ په افغانستان کې د اوربند له ټينګښت بشپړ ملاتړ کوو او د ولسمشر اشرف غني له بلنې په مننه يې زياته کړې، په نږدې راتلونکې کې به کابل ته سفر وکړي.

د پاکستان جیو تلویزیون په ډاګه کړې، چې پاکستان به له هغو پرېکړو ملاتړ وکړي، چې د افغانستان خلک به د خپل راتلونکي په اړه پرې ټینګار کوي.

لومړي وزیر عمران خان د پاکستان او افغانستان  پر رغنده اړیکو ټینګار کړی او وایي، چې مونږ د دې هېواد سوله ، ثبات او د خلکو سوکالي غواړو.

دغې سرچینې څرګنده کړې، چې د ملي پخلاینې عالي شورا رییس عبدالله عبدالله به راتلونکې اوونۍ اسلام اباد ته سفر وکړي.

Continue Reading

تازه خبرونه

طالبان به له سیاسي هوکړې مخکې اوربند ونه مني- خلیلزاد

Ariana News

خپور شوی

په

توسط

(Last Updated On: تله ۵, ۱۳۹۹)

په افغانستان کې د سولې لپاره د امریکا ځانګړی استازی زلمی خلیلزاد ویلي؛  فکر نکوي، چې طالبان به له سیاسي هوکړې مخکې اوربند وکړي.

زلمي خلیل زاد تېره شپه پی بی ایس نیوز ته ویلي:  فکر کوم، چې تاسې برحقه یاست؛ تر هغې، چې سیاسي هوکړه ونشي طالبان به دایمي او هر اړخیز اوربند ونه مني.

خلیلزاد ویلي: مونږ ژمن یو، چې د تاوتریخوالي د کمولو په اړه یوې هوکړې ته د رسیدو لپاره له دواړو خواوو سره کار وکړو. مونږ به په راتلونکیو څو میاشتو کې د خپلو ځواکونو ۴ یا ۵ زره ته له رسولو وروسته ارزونه وکړو، چې طالبان د خپلو ژمنو د پلي کولو تر کوم ځایه رسیدلي دي.

د افغانستان لپاره د امریکا ځانګړی استازی دا ردوي، چې مستقیما د افغانستان د سولې په خبرو کې دخیل ندی؛ خو ټینګار کوي، چې واشنګتن د داسې یوې هوکړې ملاتړ کوي، چې د ټولو افغانانو په ځانګړي توګه د ښځو او لږکیو حقونو ته درناوی وشي.

نوموړی وایي: مونږ د دې خبرو د بریالیتوب لپاره هیڅ وخت ندی ټاکلی، مونږ په مستقیم ډول په مذاکراتو کې دخیل نه یو، دا د افغانانو تر منځ خبرې دي. دوی ونه غوښتل، چې بهرنیان په کې د آسانتیاوو د برابروونکيو او منځګړيو په توګه برخه ولري.

دغه راز د پاکستان لومړي وزیر عمران خان هم د ملګرو ملتونو پېنځه اویایمې اسامبلې ته ویلي، هېواد یې د افغانستان د سولې په بهیر کې خپل مسوولیت په پوره ډول سر ته رسولی دی.

نوموړي ویلي: پاکستان … ډېر خوښ دی، چې د افغانستان د سولې په بهیر کې یې د خپل مسوولیت یوه برخه تر سره کړې ده. افغان مشران باید سولې ته د رسېدو او پخلاینې ته د لاسرسي لپاره  له دې تاریخي فرصت ګټه واخلي.

ټاکل شوې، چې د ملي پخلاینې عالي شورا مشر عبدالله عبدالله د پاکستان د لومړي وزیر په بلنه د افغانستان د سولې په بهیر کې د سیمه ییزې اجماع پیاوړتیا لپاره پاکستان ته په نږدې راتلوونکیو ورځو کې سفر وکړي.

دا په داسې حال کې ده، چې د افغانستان ولسمشر اشرف غني او د پاکستان لومړي وزير عمران خان د تیلیفوني اړیکې له لارې د دواړو هېوادونو د اړيکو، سولې بهیر او په افغانستان کې د اوربند پر ټينګښت خبرې اترې کړې دي.

Continue Reading

تازه خبرونه

د افغانستان او آسترالیا د کرکت لوبډلو تست لوبه وځنډیدله

Ariana News

خپور شوی

په

توسط

(Last Updated On: تله ۵, ۱۳۹۹)

د افغانستان او آسترالیا د کرکت لوبډلو ترمنځ تست لوبه د کرونا ویروس د خپریدو له کبله ځنډیدل شوې ده.

د آسترالیا کرکت بورد (ای سي بي) د جمعې پر ورځ څرګنده کړې، چې د دې هېواد او نیوزیلیند ترمنځ د یو ورځنیو لوبو لړۍ تر ۲۰۲۱ پورې ځنډول شوې ده.

له مهالوېش سره سم ټاکل شوې وه، چې د افغانستان پروړاندې تست لوبه د نومبر په وروستیو کې په پرت لوبغالي کې ترسره شوې وای.

د آسترلیا کرکت د جمعې په ورځ ومنله، چې د کرونا ویروس د خوریدا په بهیر کې د نړیوالو سیالیو مهالوېش پېچلتیا لري، چې له کبله یې تر راتلونکي اوړي د سیالیو د ځنډولو پرېکړه شوې ده.

د آسترلیا کرکت اجرائیه مدیر نیک هاکلي ویلي؛ مونږ له خپلو ښو ملګرو د افغانستان او نیوزیلینډ کرکت  بورډونو سره لوبو ته لیواله یو. هیله من یو، چې له کرونا راپورته شوي محدودیتونه راکم شي.

هاکلي ویلي، مونږ ټولو د زړه له کومي هڅې وکړې، چې سیالۍ په سږني اوړي کې تر سره کړو؛ خو په نړیوالو سفرونو بندیزونو او د قرانطین محدودیتونو داسې ننګونې رامنخته کړې، چې ټول قانع او سیالۍ بله نېټه ترسره شي.

Continue Reading
Advertisement

Trending