Connect with us

تازه خبرونه

یو شمېر خوشې شوي بندیان یې بېرته نیولي او یا وژلي دي – طالبان

خپور شوی

 په

(Last Updated On: سلواغه ۲۰, ۱۳۹۹)

په قطر کې د طالبانو د سیاسي دفتر ویاند محمد نعیم ایرنا خبري آژانس سره په مرکه کې د ولسمشر اشرف غني د لومړی مرستیال امرالله صالح وروستۍ ادعا رد کړې، چې ۸۵ خوشې شوي طالبان د جګړې ډګر ته ستانه شوي دي.

محمد نعیم ويلي؛ دا ډول څرګندونې رښتیا ندي او په حقیقت کې تبلیغاتي اړخ لري، چې له څه مودې راپدیخوا د کابل ادارې د لوړ پوړیو چارواکو لخوا ویل کیږي.

نوموړي یو نوملړ هم خپور کړی، چې ښیي؛ حکومت یو شمېر خوشې شوي بندیان بیا پرته له کوم جرمه  نیولي یا وژلي دي.

له دې وړاندې د ولسمشر لومړي مرستیال امرالله صالح منلې وه، چې خوشې شوي بندیان بېرته د جګړې سګنرونو ته ستانه شوي؛ خو یو شمېر یې بېرته نیول شوي یا وژل شوي دي.  

د ولسمشر د لومړي مرستیال د مطبوعاتي دفتر غړی ذبیح الله عادل وایي، چې دا نه یوازې دفاعي او امنیتي ادارو منلې، بلکې نړیوالو ملګرو هم تائید کړې. د طالبانو لخوا خپرې شوې ویډیوګانې او آډیو پیغامونه ښیي، چې دوی له ښه نیت څخه ناوړه ګټه واخیسته او د طالبانو ترهګریزې هڅې هم دا تائیدوي.

د ملي دفاع وزارت سرچینې وايي، چې خوشې شوي ټول پېنځه زره طالبان د یوې کړنلارې له مخې خوشې شوي او ان د جګړو په ډګرونو کې تر څارنې لاندې دي.  

د طالبانو پخواني غړي سید اکبر آغا ویلي: د جګړې پای دا معنی نلري، چې یو څوک خوشې شوی وي، بیا ونیول شي؛ ځکه دا کار نور هڅوي، چې د جګړې ډګرونو ته ستانه شي.

دا تورونه په داسې حال کې راپورته کیږي، چې په دوحه کې د افغانانو ترمنځ د سولې خبرې ځنډیدلي او د طالبانو پلاوی د سیمې نورو هېوادونو ته سفرونه کوي او د حکوړمتي پلاوي یوشمېر غړي د مشورې لپاره کابل ته د راتګ نیت لري.

تازه خبرونه

په هرات کې د غور تیوره ولسوالۍ پخوانی امنیه قومندان ووژل شو

خپور شوی

په

توسط

(Last Updated On: سلواغه ۵, ۱۴۰۰)

نن سهار د هرات ولایت په مرکز کې د غور ولایت د تیوره ولسوالۍ پخوانی امنیه قومندان حبیب الرحمن ملکزاده ووژل شو.

د حبیب الرحمن ملکزاده خپلوانو ويلي، چې نوموړی د هرات ښار په لومړۍ ناحیه کې د خپل کور په دروازه کې د ناڅرګندو وسلوالو پر ډزو وژل شوی دی.

د هرات امنیه قومندانۍ ویاند ثابت هروي د پېښې پخلی کړی او څرګندوي، چې بریدګر دوه تنه ول او پر ملکزاده له برید وروسته له سیمې تښتېدلي؛ خو په اړه یې د اسلامي امارت پلټنه روانه ده.  تر اوسه کوم کس یا ډلې د برید پړه پر غاړه نده اخیستې.

Continue Reading

تازه خبرونه

 د ا.ا پلاوي په اوسلو کې پر سیاسي او بشري حقونو خبرې وکړې

خپور شوی

په

توسط

(Last Updated On: سلواغه ۵, ۱۴۰۰)

بهرنیو چارو وزارت ویلي؛ د اسلامي امارت پلاوي د دې وزارت د چارسمبالي مولوي امیر خان متقي پر مشرۍ د اوسلو د دوه یمې ورځې په ناسته کې د امریکا، اروپايي ټولنې او یوشمېر نورو هېوادونو له استازیو سره ولیدل.

پر افغانستان له واکمن کېدو پېنځه میاشتې وروسته په یوه اروپايي پلازمېنه کې له لویدیځو چارواکو سره د اسلامي امارت د لومړنیو رسمي خبرو اترو د ستایلو ترڅنګ د بهرنیو چارو وزارت ویاند عبدالقهار بلخي څرګنده کړې؛ د افغانستان اسلامي امارت پلاوي نن په اوسلو کې د دې وزارت د چارسمبالي مولوي امیرخان متقي پر مشرۍ د اته هېوادونو( امریکا، بریټانیا، ناروې، آلمان، ایټالیا، قطر، فرانسه او اروپایي ټولنې ) له ځانګړیو استازیو سره ولیدل.

دواړه لوري هیله من دي، چې دا خبرې به یې موخې ته ورلنډ کړي؛ ځکه، چې د غربیانو موخه د ټولګډونه حکومت جوړول، د ښځو او نجونو بشري حقونو ته درناوی او د انساني ناورین مخنیوی دی؛ خو اسلامي امارت یې تر څنګ د نړیوال مشروعیت او د افغانستان د میلیارډونو ډالرو پانګې آزادېدل هم غواړي.

اسلامي امارت د ناروې له دې نوښته هرکلی کړی او ویلي یې دي، چې مذاکرات یې ګټور ول.

د بهرنیو چارو وزارت چارسمبالی امیر خان متقي وایي: دا ناسته له اهمیته برخمنه ده؛ په دې ناسته کې د سترو هېوادونو ځانګړیو استازیو ګډون کړی، زمونږ هم پیاوړی پلاوی و. هیله لرو، چې نړۍ ته ښه زیری وړاندې کړو او ټوله نړۍ مو له اصولو، پلان او وړاندیزه خبر شي.

د بهرنیو چارو ورازت چارسمبالي له لويدیځو ډيپلوماټانو سره له لیدنې وروسته ویلي، چې خبرې اترې یې ګټورې وې؛ خو داسې ښکاري، چې د ټولګډونه حکومت د پېژندنې پر سر د نظر اختلاف اوس هم پخپل ځای پاتې دی.

مولوي امیر خان متقي په دې اړه وایي: که د ټولګډونه حکومت معنا دا وي، چې ټول قومونه دې په کې وي؛ دا، خو شته. که د اشرف غني حکومت ټولګډونه و، له هغه حکومته مونږ څوک منفک کړي ندي. البته دا مونږ بشپړ نه بولو؛ هڅه کوو، چې حکومت نور هم ټولګډونه او پوره ښه شي.

له دې غونډې مخکې، یو شمېر سیاستوالو او د افغانستان د مدني ټولڼې استازیو نه یوازې له افغان پلاوي سره لیدلي، بلکې  د افغانستان په چارو کې د امریکا له ځانګړي استازي سره یې هم ناسته لرلې ده.

په کابل کې د معترضو ښځو استازیو هم د ښځو د حقونو د فعالانو د نیول شویو غړیو انځورونه له ځان سره ناروې ته وړي…خو اسلامي امارت وايي، دا ښځې د دوی په بند کې ندي.

د ښځو حقونه فعاله محبوبه سراج وایي: مونږ په تمه یوو، چې دوی څه کولی شي؛ ځکه دوی تر دې دمه کوم ځواب ندی راکړی، خو زمونږ خبرې یې اورېدلي او له مونږ هم خبر دي. هیله منه یم، چې همغږي ولرو؛ ځکه دا به د افغانستان او د ولس په ګټه وي.

پرون د ناروې د پلازمېنې اوسلو سوریا موریا نومی هوټل  د دې لیدنې کوربه و او ښځينه پلاوي د لومړي ځل لپاره د اسلامي امارت له چارواکو سره ولیدل او دا بې سارې لیدنه داډمنه هم نومول شوې ده.

Continue Reading

تازه خبرونه

د یوناما مشرۍ د کورنیو چارو له چارسمبالي څخه د ورکو شویو ښځو په اړه څېړنه غوښتې

خپور شوی

په

توسط

(Last Updated On: سلواغه ۵, ۱۴۰۰)

په افغانستان کې د ملګرو ملتونو مرستندویه پلاوي (یوناما) د اسلامي امارت له مشرتابه غوښتي، چې د ورکو شویو ښځینه هڅاندو موضوع وڅېړي او خلاصون یې ډاډمن کړي.

د افغانستان لپاره د ملګرو ملتونو د سرمنشي ځانګړې استازې ډیبرا لاینز په دې اړه د کورنیو چارو له چارسمبالي سراج الدین حقاني سره لیدلي دي.

یوناما ټویټ کړی، چې: هغې د طالبانو (اسلامي امارت) له مشرتابه د ورکو شویو ښځینه هڅاندو موضوع وڅېړي، چې د راپورونو له مخې تېره اوونۍ له خپلو کورونو څخه تښتول شوي؛ وڅېړي او خوندیتوب یې ډاډه کړي.

د راپورونو له مخې؛ تمنا زریاب پرواني او د هغې درې خویندې او پروانه ابراهیم خېل، چې د اسلامي امارت ضد مظاهرو کې یې برخه اخیستې وه، له خپلو کورونو نیول شوې دي.

د کورنیو چارو وزارت هم ټویټ کړی، چې د دې وزارت چارسمبالي د افغانستان لپاره د ملګرو ملتونو د سرمنشي له ځانګړي استازې سره کتلي دي.

د کورنیو چارو وزارت وايي؛ میرمن ډیبرا لاینز په افغانستان کې د اسلامي امارت د ځواکونو لخوا د ملګرو ملتونو د بنسټونو له امنیته ډاډ څرګند کړی دی.

هغې ویلي، نړیواله ټولنه قانع ده، چې مونږ باید له افغانانو سره د فقر په له منځه وړلو کې مرسته وکړو.

د یادونې، چې د اسلامي امارت د څرګندونو له مخې؛ دوشنبې پر ورځ د سلواغې پر څلورمه په مزارشریف ښار کې ۴۰ هېوادوال په داسې حال کې ونیول شول، چې په ناقانونه توګه یې غوښتل د هوا له لارې بهر ته ووځي.

Continue Reading

Trending

Copyright © 2022 Ariana News. All rights reserved!