Connect with us

تازه خبرونه

یو شمېر افغانان په ناسم تعبیر هېواد پریږدي- غني

Ariana News

خپور شوی

 په

(Last Updated On: وری ۱۲, ۱۳۹۵)

vlcsnap-2016-03-31-14h12m19s168

له سوریې وروسته افغانستان دوه یم هېواد دی،چې امریکایياو اروپایی هېوادونو ته یې ډېر وګړي تللي دي او تېر کال یوازې آلمان ته له یوسلو پنځوس زره ډېرافغان پناه غوښتونکي رسیدلي دي.

ولسمشر غني بهر ته د افغانانو د تګ علتونه پرافغانستان تپل شوې جګړه، د نړیوالو ځواکونو وتل او د هغوی قراردادیان بولي.

له بي بي سي سره په مرکه کې ښاغلی غنی وایي، شاوخوا یو میلیون افغانانو اروپایی او امریکایی هېوادونو ته مهاجرت کړی دی.

ولسمشر محمد اشرف غني په ډاګه کړې، چې له پوځي اکادمي څخه پېنځه سوه نهه څلویښت نرینه او ښځینه محصلین فارغ شوي اوله هېواده یې د دفاع ژمنه کړې ده. پرنورو کسانو،چې مونږ سلګونه میلیون دالر لګولي؛غواړي د  لږ فشار له امله هېواد پردیږي. تاسو که غواړئ،چې یو هېواد ولرئ، باید اراده ولرئ. آیا بل ځای غوره دی.

ولسمشر غني اروپا ته د افغانانو سفر د ناسم تعبیر له مخې بولي او له افغانانو غواړي،چې د ګواښونو په وړاندې ودریږي او د ژوند لپاره مبارزه وکړي.

هغه په بشپړ ټینګار وویل، چې افغانان اروپایی هېوادونو ته سفر  په خپله خوښه او اراده کوي، هغویله لس تر دېرش زره دالر لګوي؛هغوي خپلې کورنۍ هلاکوي، چې دا سفر سرته ورسوي. دغه سفرونه د ناسمو تعبیرونو پر بنسټ کیږي. مونږ تر برید لاندې یو، آیا مونږ د خپل ژوند له پاره مبارزې ته دریږو یا،چې خپل بار تړو او ځو؟ هېوادونه نه شي کولی،چې د تېښتې پر هڅې ژوندي پاتې شي. زه له هغوی سره هیڅ خواخوږي نه لرم. زما موخه دا ده،چې زمونږ خلک باعزته او له هیلو ډک ژوند وکړي.

ولسمشر غني وایي، القاعده  شبکه اوس هم په بشپړ ډول ژوندۍ ده، داعش ډله په افغانستان کې فعاله ده او په زیات شمېر پاکستاني طالبان هېواد ته راغلي دي.

هوکې! مونږ د جګړې په حال کې یو، خو په کورنۍ جګړه کې نه یو. له بده مرغه القاعده په ژوره تیاره کې ولاړه ده؛خو په بشپړ ډول ژوندۍ ده. داعش ډله دغلته فعاله ده.

دا په داسې حال کې ده،چې ولسمشر غني په تېرو پېنځلس کلونو کې د نړیوالو د میلیاردونو دالرو مرسته د مفسدو بنسټونو د جوړیدو عامل بولي او زیاتوي؛یوه ناوړه پایله یې دا ده،چې د څه باندې یو څلویښت سلنه کسانو ژوند د بېوزلۍ تر کرښې لاندې دی.

Continue Reading
Advertisement

تازه خبرونه

په فراه کې چاودنې ۲۶ کسانو ته مرګ و ژوبله اړولې

Ariana News

خپور شوی

په

توسط

(Last Updated On: زمری ۲۲, ۱۳۹۹)

کورنیو چارو وزارت ویلي، چې نن ماښام ۶:۳۰ د دغه ولایت د څلورمې ناحیې په اړوند سیمه کې  یوې چاودنې ۴ پولیس وژلي او ۲۲ نور کسان ټپیان دي.

د یاد بنسټ د څرګندونو له مخې:  یو بریدګر، چې زرنج یې له چاودیدونکیو توکو ډک و؛ د پولیسو پر رنجر یې چاودیدونکی برید تر کړی دی.

د فراه د پولیسو ویاند محب الله محب ویلي، چې په ځاني زیانونو کې ملکي وګړي او پولیس شته دي.

تر دې دمه هیچا د دې چاودنې مسوولیت ته غاړه نده ایښې.

Continue Reading

تازه خبرونه

طالبانو پر خوشې کیدونکیو ۴۰۰ بندیانو د داعش د برید شونتیا په ډاګه کړې

Avatar

خپور شوی

په

توسط

(Last Updated On: زمری ۲۳, ۱۳۹۹)

طالبانو ویلي، چې له خوشې کیدو پاتې ۴۰۰ بندیان مو له جدي ګواښ سره مخ دي.

طالبانو په یو اعلامیه کې څرګنده کړې، چې د دوی د دقیقو او مستندو استخباراتي معلوماتو له  مخې د حکومت د چرخي پله له زندان څخه د پاتې بندیانو د خوشې کیدو د بهیر پر وړاندې جدي امنیتي خطر متوجه دی.

د طالبانو په اعلامیه کې راغلي، چې یوه داعشي ډله د حکومت د استخباراتو، د ځينو نظامیانو او د زندان د امنیتي پوستو د قومندانانو په مرسته، همغږۍ او همکارۍ اراده لري، چې د ۴۰۰ طالب بندیانو پر لیږدوونکیو نقلیه وسائطو برید ترسره کړي.

طالبانو په ډاګه کړې؛ داعش غواړي، چې مذاکرات ګدوډ کړي او همدا راز له دغو بندیانو څخه خپل غچ واخلي.

طالبانو له ټولو ښکېلو خواوو غوښتي، چې د دغه خطر د مخنیوی لپاره خپلې هڅې ونه سپموي او د بندیانو د لیږد بهیر په پوره پاملرنه او ډاډ ترسره کړي.

دا په داسې حال کې ده، چې د افغانستان د ملي امنیت عمومي ریاست د طالبانو څرګندونې بې بنسټه بولي او وایي؛ د هېواد ملي امنیت عمومي ریاست د ولسمشر د حکم او رامنځته شویو هوکړو له مخې نه یوازې دغو بندیانو ته زیان نه رسوي، بلکې ساتنه یې هم کوي.

Continue Reading

تازه خبرونه

د سولې خپلمنځي خبرې باید د بندو دروازو تر شا ونشي

Avatar

خپور شوی

په

توسط

(Last Updated On: زمری ۲۳, ۱۳۹۹)

اطلاعاتو ته د لاسرسي کمیسیون په ډاګه کړې، چې د سولې خبرې باید د خبریالانو په حضور کې تر سره شي.

 په قطر کې د افغانانو خپلمنځي خبرې د پیلیدو په درشل کې دي؛ خو د دغو خبرو رسنیز پوښښ د محدودولو هڅو د افغان خبریالانو او مدافع بنسټونو اندېښنې را پارولي دي.

ویل کیږي افغان خبریالان، چې د پوښښ لپاره قطر ته د تلو هوډ لري؛ دغه هېواد ویزه نه ورکوي.

اطلاعاتو ته د لاسرسي کمیسیون غړي عین الدین بهادري ویلي، چې په قطر کې د افغانانو په خپلمنځي خبرو کې د افغان خبریالانو ګډون باید اساسي شرط وي، چې وکولی شي د خبرو جزئیات خلکو ته وړاندې کړي.

دوی وايي، چې د خبریالانو له حضور پرته به دغه خبرې سختې پوښتنې را پورته کړي.

ویل کیږي، چې د افغان رسنیو هغو خبریالانو ته د قطر هېواد ویزه نه ورکوي؛ چې غواړي د سولې د خبرو د پوښښ لپاره دغه هېواد ته ولاړ شي.

د خبریالانو د خونديتوب کمیتې مسوولین وايي، چې د سولې پرېکړې باید د تړلیو دروازو تر شاه ونشي.

د خبریالانو د خوندیتوب کمیتې اجرائيه مشر صدیق الله توحیدي هم په دې اندېښمن دي، چې ګواکي په قطر کې د افغانانو په خپلمنځي خبرو کې خبریالانو ته د ګډون او راپور ورکولو حق نه ورکول کیږي.

خبریالانو ویلي؛ افغان طالبانو او امریکايي پلاوي هم په قطر کې شاوخوا یو کال د تړلیو دروازو تر شا خبرې وکړې او خبریالانو په ډېره سختۍ له دغو غونډو معلومات تر لاسه کول.

عام افغانان هم په دې باور دي، چې باید د افغانانو له خپلمنځي خبرو څخه باخبره وساتل شي او پوه شي، چې د هېواد او خلکو برخلیک ټاکنه کوم پړاوونه وهي او پر کوم لوري روانیږي.

د رسنیو ملاتړي بنسټونه وايي؛ که څه هم له افغان دولت سره هوکړې ته رسیدلي، چې د خبرو او غونډو جزئیات به رسنیو ته وړاندې کبږي؛ خو حکومت تر اوسه څه نه وايي.

د سولې په برخه کې د دولت وزارت مسوولین د خبریالانو د سفر د ځنډیدو په اړه څه نه وايي؛ خو یو شمېر خبریالان دغه وزارت ته ورپېژندل شوي، چې د سولې د خبرو د لومړي پړاو د پوښښ لپاره به قطر ته ځي.

Continue Reading

Trending