Connect with us

نړۍ

یو بریټانیایي له ۹ پوړیزې ودانۍ راغورزېدو وروسته ژوندی پاتې شو

خپور شوی

 په

(Last Updated On: تله ۱۸, ۱۴۰۰)

په انګلستان کې یو ۳۱ کلن سړی د یوې ودانۍ له ۹ پوړه پر یوه پارک شوي بي یم ډبلیو موټر له غورزېدو وروسته ژوندی پاتې شو.

د بریټانيا رسنیو څرګنده کړی؛ دغه سړي ځان له یوې ۹ پوړیزې ودانۍ راغورزولی. اوس روغتون ته لېږدول شوی او روغتیايي حالت یې د اندېښنې وړ دی.

تر دې دمه څرګنده شوې نده، چې هغه په دې ودانۍ کې څه کول. دغه سړی تر اوسه نه پېژندل شوی او نه یې له پولیسو سره همکاري کړې ده.

کریستینا سمیټ د یوې عیني شاهدې په توګه، چې په ټولنیزو رسنیو کې یې د پېښې انځورونه خپاره ویلي، چې په لومړي سر کې مې فکر کاوه، چې دا به کوم شی و.

میرمن سمیټ زیاته کړې: د موټر شاتنۍ ښیښه ماته شوه. بیا هغه سړی راپورته شو او چیغې یې پیل کړې؛  لاس یې مات شوی و.

هغې ویلي: زه حیرانه شوې وم.دا د فلم یوې صحنې ته ورته وه.

نړۍ

عمران خان او پوتین د سیمې او افغانستان په اړه خبرې وکړې

خپور شوی

په

توسط

(Last Updated On: مرغومی ۲۸, ۱۴۰۰)

د پاکستان لومړي وزیر او د روسیې ولسمشر په ټیلیفوني خبرو کې د دوه اړخیزو همکاریو پر وروستیو پرمختګونو، د افغانستان په ګډون د سیمې پر حالاتو او د اسلام وېرونې په اړه خبرې وکړې.

عمران خان د دوشنبې پر ورځ (د جنورۍ ۲۷) ټویټ کړی، چې له ولادیمیر پوتین سره یې ټیلیفوني خبرې کړي او څرګندوي؛ پوتین لومړنی مشر دی، چې د اسلام د ګران پیغمبر حضرت محمد(ص) پر وړاندې یې د مسلمانانو له احساساتو سره خواخوږي او حساسیت څرګند کړی دی.

د پاکستان لومړي وزیر په ډاګه کړې؛ پوتین ته یې بلنه ورکړې، چې اسلام آباد ته رسمي سفر وکړي او دواړه لوري د سوداګرۍ په ګډون په بېلابېلو برخو کې د دوه اړخیزو همکاریو د پراختیا پر لارو چارو او  تعاملاتو ډېرولو ټینګار کړی دی.

هغه څرګنده کړې؛ اسلام ضد احساسات راپارول یو ناوړه او له کرکې ډک عمل دی، بدې پایلې رامنځته کوي.

د پاکستان د لومړي وزیر دفتر هم په ډاګه کړې؛ عمران خان د افغانستان د شتمنیو پر آزادولو ټینګار کړی او زیاته کړې یې ده، چې په دې هېواد کې ثبات د ګاونډ هېوادونو او ټولې سیمې په ګټه دی.

دغه راز ویل شوي، چې افغانان له اقتصادي او بشري ننګونو سره مخ دي او لاسنیوي ته اړتیا لري.

د روانې میاشتې په پیل کې د پاکستان لومړي وزیر د اسلام ضد احساساتو د راپارولو د مخنیوي په اړه د روسیې د ولسمشر له پیغام هرکلی کړی او وایي، چې د اسلام پیغمبر (ص) ته سپکاوی د بیان آزادي نه ده.

Continue Reading

نړۍ

شمالی کوریا د پیونګ یانګ له هوایي ډګره ۲ بالسټیک توغندی وتوغول – سویلی کوریا

خپور شوی

په

توسط

(Last Updated On: مرغومی ۲۷, ۱۴۰۰)

د جنوبي کوریا پوځ په ډاګه کړې، چې شمالي کوریا د دوشنبې پر ورځ د پلازمېنې پیونګ یانګ له هوايي ډګره دوه شکمن لنډ واټن ویشتونکي بالسټیک توغندي وتوغول، چې په تېره یوه میاشت کې یې دا  څلورمه تجربه ده.

رویټرز راپور ورکړی، چې جاپان هم د دې توغندي له توغولو راپور ورکړی او د کابینې منشي هیروکازو ماټسونو دا کړنه د سولې او امنیت لپاره یو ګواښ وباله.

د سویلي کوریا د ګډو ځواکونو لوی درستیز څرګنده کړې، چې د دوشنبې د ورځې دغه توخندي د پیونګ یانګ له سنان له هوایي ډګره ختیځ لوري ته توغول شوي دي.

شمالي کوریا پر ۲۰۱۷ زېږدیز کال د مشر کیم جونګ اون په حضور کې له همدې هوایي ډګره د هواسونګ – ۱۲ منځني واټن بالسټیک توغندي وتوغول.

د جنوبي کوریا د لوی درستیز دفتر ویلي، چې د دوشنبې پر ورځ توغول شويو توغنديو شاوخوا ۳۸۰ کیلومټره واټن له ۴۲ کیلومټره لوړوالي سره وهلی دی.

د جاپان دفاع وزیر نوبو کیشي رویټرز ته ویلي؛ داسې ښکاري، چې توغندي د شمالي کوریا ختیځ ساحل ته څېرمه په سمندر کې لوېدلي دي.

هغه خبریالانو ته ویلي: دا پخپله څرګنده ده، چې شمالي کوریا له پرلپسې توغندیو له توغولو دا موخه لري، چې په دې اړه خپله ټکنالوژي پیاوړې کړي.

کیشي زیاته کړې: د شمالي کوریا د بالسټیک توغندیو پرلپسې تجربې د جاپان په ګډون د نړیوالې ټولنې اندېښنې هم راپارولي، چې د ملګرو ملتونو د امنیت شورا له پرېکړه لیکونو ښکاره سرغړونه ده.

د امریکایي پوځ د هند – پاسیفیک قومندانۍ ویلي، چې دمګړۍ دې تجربو د مونږ او یا متحدینو ته ګواښ ندی رامنځته کړی؛ خو د توغندیو دا تجربه د (شمالي کوریا) د ناقانونه وسلو د پروګرام د بې ثباتۍ اغېزه په ګوته کوي.

د یادونې ده، چې شمالي کوریا د تاکتیکي اټومي وسلو جوړولو ته ژمنه ده او چارواکي یې هیله من دي، چې اټومي خولۍ به هم په کې ځای پرځای کړي.

Continue Reading

نړۍ

د قزاقستان په ناکراریو کې له ۲۰۰ ډېر کسان ووژل شول

خپور شوی

په

توسط

(Last Updated On: مرغومی ۲۶, ۱۴۰۰)

رویټرز د قزاقستان د چارواکو د څرګندذونو له مخې په ډاګه کړې، چې د قزاقستان په وروستیو ناکراریو کې شاوخوا ۲۲۵ کسان وژل شوي دي.

د قزاقستان چارواکو ويلي؛ د وژل شویو کسانو جسدونه، ملکي وګړي، بندیان او ۱۹ امنیتي سرتېري د قزاقستان کنګلخونو ته لېږدول شوي دي.

د قزاقستان د جرایمو څارنوال سریک شلابایوف ویلي، چې په تاوتریخوالي کې څه نا څه ۵۰۰۰۰ خلکو برخه اخیستې وه، چې ډېري یې د جنورۍ پر ۵ هغه مهال، چې بلواګرو په یو شمېر لویو ښارونو کې پر دولتي ودانیو، موټرونو، بانکونو او هټیو برید وکړ او د اور لمبې یې ترې پورته کړې.

لاریون د ۲۰۲۲ زېږدیز کال د جنورۍ پر دوه یمه د قزاقستان په لویدیځ کې پیل شو، چې په ښکاره یې غوښتنې د تېلو د بیو د لوړیدو پر ضد وې؛ خو له چټکۍ سره په ټول هېواد کې پراخ شو او د حکومت د استعفا غوښتنه ورسره مل شوه؛ خو د قزاقستان ولسمشر قاسم جامروت توکایف پولیسو ته د وژلو سپارښتنه وکړه دا ادعا یې راپورته کړه، چې دوی بهرنی ترهګریز ملاتړ لري او هېواد بې ثباتۍ ته راکاږي.

توکایف حتی امنیتي ځواکونو ته امر وکړ، چې له خبرتیا پرته پر لاریونکوونکیو ډزې وکړي.

د رپوټونو له مخې؛ د قزاقستان د حکومت پر ضد د تاوتریخجنو مظاهرو په ترڅ کې په سلګونه کسان ټپیان شوي او امنیتي ځواکونو شاوخوا ۱۲ زره لاریونکوونکي نیولي دي.

Continue Reading

Trending

Copyright © 2022 Ariana News. All rights reserved!