Connect with us

تازه خبرونه

یوې افغان کورنۍ د استانبول د ښه ژوند په هیله په هوای ډګر کې درې اوونۍ تېرې کړي

خپور شوی

 په

Hurriyet Daily News
(Last Updated On: چنګاښ ۲۱, ۱۴۰۰)

د ترکیې حریت ورځپاڼې څرګنده کړې، چې د یوې کورنۍ شپاړس غړي له افغانستان څخه د تېښتې پر تور د درې اوونیو راپدیخوا د استانبول په هوای ډګر کې بنده پاتې ده.

د لویانو، ځوانانو، نویو زېږېدلیو ماشومانو، ښځو، سپینږیرو او سپین سرو په ګډون یوه ۱۶ کسیزه کورنۍ د جون پر ۲۲ ترکیې ته رسیدلې؛ خو د ویزې د ستونزو له کبله په هوایي ډګر کې بنده پاتې شوې.

د دې کورنۍ غړیو د ترکیې بي بي سي څانګې ته ویلي، چې دوی ترکیې ته له ویزې پرته راغلي او د چارواکو لخوا دوی ته د ننوتلو اجازه نه ورکول کیږي؛ خو دوی اوس د سیاسي شخړو او د طالبانو د ګواښونو له کبله بېرته افغانستان ته له ستنېدو ډډه کوي.

دا کورنۍ په هرات ښار کې اوسېده، چې د امنیتي دلایلو له مخې یې یوازې ځان احمد نومولی دی.

احمد ویلي، چې هغه په ​​افغانستان کې د امریکا له یوې نړیوالې مرستندویه ټولنې بلومونټ سره کار کاوه.

هغه ویلي: کله، چې تېره میاشت د دوی یو خپلوان د طالبانو لخوا ووژل شو؛ نو کورنۍ یې له هراته د تېښتې پرېکړه وکړه، چې لومړی کابل او بیا استانبول ته راورسېدل، خو اوس د ویزې د نشتوالي له کبله ترکیې ته له داخلېدو منع شوي دي.

دې کورنۍ حریت ورځپاڼې ته ویلي، چې دوی له نړیوالو ژغورونکیو غوښتي؛ دوی غوره ګڼي، چې په استانبول کې د “نوي ژوند” دپیلولو لپاره د هوایي ډګر په ترمینل کې ژوند وکړي.

احمد د بي بي سي ترکي څانګې ته ویلي: طالبان پوهیږي، چې مونږ تښتیدلي یو. که بېرته ولاړ شو؛ دوی به موږ ټول ووژني؛ ځکه، نو نشو کولی خپل هېواد ته ستانه شو. په دې اړه د حل بله لار نشته؛ خو ترکیه غواړي مونږ بېرته ولیږي؛ مونږ نه غواړو مړه شو.

د کډوالو چارو او د هوایي ډګر ادارو په دې اړه څه ندي ویلي.

حریت دا هم په ډاګه کړې؛ هره ورځ په زرګونه ځوانان د طالبانو له وېرې پر ناقانونه لارو له لارو ځانونه  ترکیې ته رسوي.

تازه خبرونه

ملي پانګوال دې په روغتیایي ډګر کې پانګونه وکړي ـ ملا محمد یعقوب مجاهد

خپور شوی

په

توسط

(Last Updated On: لړم ۵, ۱۴۰۰)

د افغانستان د اسلامي امارت د ملي دفاع وزارت چارسمبالي ملا محمد یعقوب مجاهد د سردار محمد داوود خان په ۴۰۰ بستریز روغتون کې یوې ناستې ته د وینا پر مهال له ملي پانګوالو څخه پر روغتیایي بنسټونو د پانګونې غوښتنه کړې، چې هېوادوال نور د درملنې لپاره د ناروغانو بهر لېږدولو ته اړ نشي.

ملا محمد یعقوب مجاهد د اسلامي امارت هغه څېره ده، چې کلونه کلونه یې د امریکا پر ضد جګړه مدیریت کړې؛ خو هیڅکله رسنیو ته څرګند شوی ندی.

نوموړی، چې اوس د اسلامي امارت د ملي دفاع وزارت د چارسمبالي په توګه ټاکل شوی؛ د سردار محمد داوود په پوځي روغتون کې د افغان – ساین د اورتوپیدي په درېیمه ناسته کې د رسنیو مخې ته څرګند شو او له افغان سوداګرو یې وغوښتل، چې په روغتیایي برخه کې پانګونه وکړي.

ملا محمد یعقوب مجاهد وایي: اوس باید هغو خلکو ته، چې ۴۰ کاله وکړېدل آسانتیاوې رامنځته شي.

په دې ناسته کې د روغتیا وزارت مرستیال هم له نړۍ وغوښتل، چې له افغانستان سره بشردوستانه مرستې روانې وساتي.

د عامې روغتیا وزارت مرستیال قلندر عباد وایي: زمونږ د طبابت په برخه کې به ژور بدلونونه رامنځته شي.

هغه زیاته کړې؛ نن هغه وخت راغلی، چې علمي او تخصصي کارونو ته پام راواړول شي.

د ملي دفاع وزارت د ستر درستیز قومندان مولوي طاهر احرار له اسلامي امارته وغوښتل، چې د روغتیايي کارکوونکیو اړتیاوو ته پوره پاملرنه اړینه ده؛ ځکه، چې اوس دوی بېلابېلو مرستو ته اړ دي.

دا په داسې حال کې ده، چې د هېواد روغتیايي سکتور هم د نورو سکتورونو په څېر له جدي ګواښونو سره مخ دی، چې ملي او نړیواله پاملرنه غواړي.

Continue Reading

تازه خبرونه

افغان خاوره باید د سیمې هېوادونو ته ګواښ نشي – د سیمې بهرنیو چارو وزیران

خپور شوی

په

توسط

(Last Updated On: لړم ۵, ۱۴۰۰)

 په تهران کې د افغانستان په اړه د ایران، پاکستان، تاجکستان، ازبکستان، ترکمنستان، چین او روسیې بهرنیو چارو وزیرانو په ګده ناسته کې ویلي؛ افغان خاوره باید د سیمې هېوادونو ته ګواښ نشي.

د ایران د بهرنیو چارو وزیر امیر عبداللهیان په تهران کې د افغانستان په اړه د بهرنیو چارو وزیرانو  غونډې ته ویلي؛ له تېرو څو میاشتو راپدیخوا په افغانستان کې د داعش فعالیتونه زیات شوي او د افغانستان بې ثباتۍ او ناامنۍ ګاونډیان اغېزمن کړي دي.

د ایران د بهرنیو چارو وزیر د افغانستان په اړه د تهران له ګډو خبرو وروسته یوې خبري غونډې ته ویلي؛ له افغانستان سره باید بشري او اقتصادي مرستې وشي، چې د افغانستان ځوانان تروریستي ډلو ته له پاملرنې بې برخې شي.

عبداللهیان وایي؛ طالبان (اسلامي امارت) یو حقیقت دی او دوی اوس په افغانستان کې واکمن حکومت چلوي. هغوی (اسلامي امارت) باید وهڅول شي، چې د یوه ټولګدونه حکومت پر لوري داډمن ګامونه پړرته کړي.

د روسیې د بهرنیو چارو وزیر په دې ناسته کې د افغانستان له ګاونډ هېوادونو غواړي، چې امریکا او ناټو ته د پوځي اډو اجازه ورنکړي.

د روسیې د بهرنیو چارو وزیر سرګي لاوروف د افغانستان د بهرنیو چارو وزیرانو په دوه یمه غونډه کې د انلاین وینا پر مهال د افغانستان له ګاونډ هېوادونو وغوښتل، چې د امریکایي او ناټو ځواکونو کوربتوب ونګړي.

د چین او پاکستان بهرنیوچارو وزیرانو ویلي، چې طالبان ( اسلامي امارت) له نړۍ  سره د تعامل غوښتنه لري او د بشري ناورین مخنیوي لپاره باید له افغانستان سره مرسته وشي.

د چین د بهرنیو چارو وزیر وانګ يي ویلي، اسلامي امارت له نړیوالې ټولنې سره خبرو ته لېواله دی

هغه د افغانستان په اړه د ​​تهران سرمشریزې ته په یوه ثبت شوې وینا کې ویلي؛ چین به په مناسب وخت کې د افغانستان د ګاونډ هېوادونو د بهرنیو چارو وزیرانو د درېیمې غونډې کوربه وي.د پاکستان د بهرنیو چارو وزیر شاه محمود قریشي په تهران کې د افغانستان په اړه غونډې ته څرګنده کړې، پاکستان یو باثباته افغانستان غواړي.

د ملګرو ملتونو سرمنشي آنټونیو ګوترش دې ناستې ته په یوه پیغام کې ویلي، چې افغانستان له ستر اقتصادي کړکېچ سره مخ دی او اړتیا ده، چې بیړنی اقدام وشي.

هغه وایي: مونږ باید د افغان اقتصاد ژغورنې لپاره لارې ګودرې وګورو. مونږ باید ګډ کار وکړو، چې حالت بدل شي او باید په افغانستان کې اقتصادي برابري را منځته شي.

په دې ناسته کې د افغان حکومت استازی نشته؛ خو اسلامي امارت دا راز ناستې افغانستان ته مهمې بولي.

د اطلاعاتو او فرهنګ وزارت سرپرست خیرالله خیر خواه وایي: د تهران ناسته د ګاونډ هېوادونو ناسته ده. مونږ دې ناستې ته ببل شوي نه یوو. یوازې ګاونډ هېوادونه په کې ونډه لري.

د تهران ناسته د مسکو له ناستې یوه اوونۍ وروسته جوړیږي.

دا په داسې حال کې ده، چې د چین بهرنیو چارو وزیر هم په بیجنګ کې د افغانستان د ګاونډ هېوادونو درېیمې ناستې جوړولو ته چمتووالی څرګند کړی دی.

Continue Reading

تازه خبرونه

په افغانستان کې دې ټولګډونه حکومت جوړ شي – ایران

خپور شوی

په

توسط

(Last Updated On: لړم ۵, ۱۴۰۰)

ایراني رسنیو د ایراني ولسمشر ابراهيم ریيسي د څرګندونو له مخې په ډاګه کړې؛ په افغانستان کې باید یو ټولګډونه حکومت، چې ټول قومونه او سیاسي ګوندونه په کې برخه ولري جوړ شي.

رییسي دا وینا په تهران کې د افغانستان په اړه له دوه یمې غونډې مخکې د تاجکستان د بهرنیو چاروله وزیرسراج الدین مهرالدین سره په لیدنه کې کړې ده.

نوموړي ويلي؛ چې د ټولګډونه حکومت له جوړښت سره  به په افغانستان کې د ورور وژنې او وینو تویېدو مخه ونیول شي.

ریيسي په افغانستان کې ورستیو پېښو ته په نغوته کې، چې داعشیانو شعیان ووژل؛ امریکا ته د پړې ګوته ونیوله.

د ایران د بهرنیو چارو وزرات ویاند سعید خطیب‌زاده آریانا نیوز ته ویلي؛ د افغانستان په اړه د سیمه ییزو هېوادونو دغه ناسته به د ایراني ولسمشر ابراهیم رییسي پر وینا پرانیستل شي.

د ایران ایرنا خبري آژانس د ایران په پلازمېنه تهران کې د افغانستان د ګاونډ هېوادونو د بهرنیو چارو وزیرانو د ناستې په تړاو د نوموړي د څرګندونو له مخې په ډاګه کړې؛ د روسیې په ګډون د افغانستان ۶  ګاونډ هېوادونو د بهرنیو چارو وزیرانو ناسته به په حضوري بڼه جوړه شي.

هغه ویلي؛ په دې ناسته کې به له اسلامي امارت پرته د ازبکستان، تاجکستان، ترکمنستان او پاکستان د بهرنیو چارو وزیران په حضوري بڼه او د چین او روسیې د بهرنیو چارو وزیران به انلاین ونډه ولري.

دا په داسې حال کې ده، چې په کابل کې د ایران سفیر بهادر امینیان  له آریانا نیوز سره په مرکه کې ویلي، چې د تهران په ناسته کې به د سیمې هېوادونه د امنیتي خوندیتوب، اقتصادي ثبات او یو ټولمنلي حکومت په اړه د مسوولیتونو په اړه خبرې وکړي.

Continue Reading

Trending

آریانا نیوز: ټول حقونه خوندي دي