Connect with us

نړۍ

یوه ډنمارکي غشي ویشتونکي په ناروې کې مرګ و ژوبله اړولې

خپور شوی

 په

(Last Updated On: تله ۲۲, ۱۴۰۰)

د ناروې پولیسو په ډاګه کړې، چې په کونګسبر ښار کې د یوه ۳۷ کلن ډنمارکي غشي ویشتونکي په برید کې پېنځه کسان وژل شوي او دوه نور ټپیان دي.

پولیسو شکمن کس نیولی او ډرمان ښار ته یې لیږدول شوی دی.

رویټرز په ډاګه کړې؛ پېښه تېره شپه د ناروې پلازمېنې اوسلو لویدیځ لوري ته ۸۰ کیلومټره لرې په کونګسبر ښار کې رامنځته شوې ده.

پولیسو د پېښې د احتمالي انګیزې په اړه څه ندي ویلي.

رویټرز راپور ورکړی، چې څېړونکي پدې غور کوي، چې آیا دا بریدونه د ترهګرۍ عمل و که نه.

دغه راز څرګنده شوې، چې پولیسو له شکمن کس څخه پلټنې پیل کړې دي.

د پولیسو ادارې ویلي، چې په ټول هېواد کې افسرانو ته امر شوی، چې وسلې وګرزوي.

د ناروې پولیس په عادي حالت کې بې وسلې وي؛ خو د اړتیا پر مهال وسلو ته لاسرسی مومي.

ویل کیږي، چې  په دې ښار کې ۲۸۰۰۰ خلک اوسیږي.

نړۍ

د روسیې او سویل ختیځې آسیا لومړنۍ روزنیزه سمندري ننداره پای ته ورسیده

خپور شوی

په

توسط

(Last Updated On: ليندۍ ۱۳, ۱۴۰۰)

د روسيې او د سویل ختيځې آسياۍ ګډه روزنیزه سمندري ننداره پای ته ورسېده.

دغه درې ورځنی سمندري روزنیزه ننداره د اندونیزیا په اوبو کې پیل او ترسره شوې ده.

دغه روزنیزه ننداره په داسې حال کې تر سره کېږي، چې د چین په سویلي اوبو کې د نړۍ د ځواکونو ترمنځ کړکېچ پراخه شوی دی.

د اندونیزیا سمندري ځواکونو ویلي: دغه روزنیزه سمندري ننداره سټراتیژیک اغېز لري؛ ځکه، چې دا د اندونیزیا د حکومت، سویل ختیځې آسیا او روسیې ترمنځ د ملګرتیا جوړولو لپاره رامنځته شوې ده.

په دې روزنیزه سمندرې ننداره کې د روسیې، مالیزیا، ټایلنډ، ویټنام، سینګاپور او برونای اته جنګي بېړۍ او څلور جنګي الوتکې وکارول شوې.

Continue Reading

نړۍ

د امریکا په یوه ښوونځي کې یوه وسلوال ۱۱ کسانو ته مرګ و ژوبله اړولې

خپور شوی

په

توسط

(Last Updated On: ليندۍ ۱۰, ۱۴۰۰)

د امریکا د میشیګان ایالت په یوه ښوونځي کې یوه ۱۵ کلن هلک خپل درې ټولګيوال وژلي او اته نور یې ټپیان کړي دي.

دغه تنکی خوان زدکوونکی، چې د پولیسو لخوا نیول شوی؛ د خپل پلار پر تومانچې یې ډزې کړي، چې څو ورځې مخکې بېرل شوې ده.

پولیس وايي، چې د دغه نه بښونکې کړنې انګېزه تر څېړنو لاندې ده.

د پولیسو د څرګندونې له مخې؛ له ډزو څو دقیقې وروسته بریدګر هلک نیول شوی او پلټنې ترې روانې دي، خو تورن تر اوسه پولیسو ته څه ندي ویلي.

چارواکو ویلي؛ په پېښه کې درې زدکوونکي؛ یو ۱۶ کلن هلک او دوه ۱۴ او ۱۷ کلنې نجونې وژل شوي دي.

دغه راز په ډزو کې اووه زدکوونکي، چې د دوه هغو روغتیایي حالت د اندېښنې وړ او یو ښوونکی هم  لږ څه پر ډزو ټپي شوی دی.

Continue Reading

نړۍ

پر اټومي تړون د ایران او نړۍ خبرې بیا پیل شوې

خپور شوی

په

توسط

(Last Updated On: ليندۍ ۹, ۱۴۰۰)

د ایران دولتي رسنۍ راپور ورکړی، چې په ویانا کې د ایران او نړۍ ترمنځ د ۲۰۱۵ زېږدیږ کال پر اټمي تړون خبرې بیا پیل شوې.

د اروپايي اتحادیې یوه ویاند پرون (دوشنبه د لیندۍ ۸) ټویټ وکړ، چې د ویانا پر وخت د ماسپښین درې بجې د ایران د اټمي هوکړې خبرې بیا پیل شوې.

د امریکا او ایران ترمنځ پرونۍ خبرې غیر مستقیمې خبرې ګڼل شوي؛ ځکه، چې ایراني استازیو له امریکايي پلاوي سره مخامخ خبرې رد کړې وې.

له دې مخکې د نړۍ اړوند ځواکونو له ایران غوښتي وه، چې د بندیزونو د نرمولو په صورت کې دې د یورانیمو غني کول محدود کړي؛ خو دا خبرې د دغه هېواد و ولسمشر په توګه د رییسي د ټاکنې له کبله پېنځه میاشتو ودرېدې.

د امریکا پخوانی ولسمشر ډونالډ ټرمپ په ۲۰۱۸ زېږدیز کال کې د ایران له اټومي هوکړې ووت او پر دغه هېواد یې بیا بندیزونه ولګول.

Continue Reading

Trending

آریانا نیوز: ټول حقونه خوندي دي