Connect with us

تازه خبرونه

یوناما او د امریکا سفیر د ټاکنو د لومړنیو پایلو له اعلان هرکلی کړی

Ariana News

خپور شوی

 په

(Last Updated On: December 22, 2019)

په کابل کې د امریکا سفیرجان بس او د ملګرو ملتونو ځانګړي استازولۍ مشر تدامیچي یاماموتو د افغانستان د ولسمشریزو ټاکنو د لومړنیو پایلو له اعلام هرکلی کړی دی.

یوناما د ټاکنو خپلواکو بنسټونو هڅې  د ټاکنو د لومړنیو پایلو په اړه ستایلي دي.  

په افغانستان کې د یوناما مشر تدامیچي یاماموتو ویلي دي: د افغانستان خلک له ګواښونو سره سره د سپتمبر پر۲۸ کال ۲۰۱۹ / د تلې ۶کال ۱۳۹۸ د یوې روښانه راتلونکې لپاره خپلې رایې وکارولې او دا رای ورکوونکي د دغې مدني دندې د تر سره کولو لپاره د ستایلو وړ دي. اوس ټولې ښکېلې خواوې باید د خپلو ژمنو د خوندي کولو لپاره ټاکنې تر وروستي پړاوه ورسوي.

نوموړي زیاته کړې: هره پرېکړه، چې د وروستي پړاو لپاره دغه مدیریتي او ټاکنیز بنسټونه تر سره کوي؛ باید قانوني او فني ارزښتونو ته پاملرنه وکړي او د افغانستان خلکو ته دا بهیر روڼ تر سره کړي.

د یوناما مشر څرګنده کړې؛ ټول نوماندان وخت لري، د ټاکلي میکانیزم له مخې په ټاکلیو ورځو کې خپلې قانوني غوښتنې او اندېښنې وړاندې کړي او دغه راز د شکایتونو خپلواک کمیسیون دنده لري، چې تر لاسه شوی شکایت روڼ او بشپړ وڅېړي، چې د ټاکنو بهیر پرې بشپړ شي.

په کابل کې د امریکا سفیر جان بس د افغانستان د ولسمشریزو ټاکنو د لومړنیو پایلو د اعلان په اړه په یوه تویت کې څرګنده کړې، چې ټول افغانان باید پوه شي، چې دا لومړنۍ پایلې دي؛ دوی دې ډاډمن وي، چې د وروستیو پایلو تر اعلان پورې نور څو پړاوونه هم پاتې دي. 

په  کابل کې د فرانسې سفارت هم څرګنده کړې؛ مونږ د ولسمشریزو ټاکنو د لومړنیو پایلو ډاګیزه کول ستایو او په دې هیله یو، چې د ټاکنو بهیر بشپړ شي. د افغانستان خلک د ټاکنو تر پایه د ټولنیزو،  باور وړ اومنل شوي ټاکنیز بهیر د تر سره کولو حق لري.

د ولسمشریزو ټاکنو د لومړنیو پایلو له مخې، چې د یکشنبې پر ورځ( د مرغومې لومړۍ) اعلان شوې؛ داکتر اشرف غني په سلو کې د ۵۰٫۶۴ رایو په تر لاسه کولو لومړی شوی او داکترعبدالله عبدالله د ۷۲۰۹۹۰ رایو پخپلولو دوه یم مقام ګټلی دی.

تازه خبرونه

Qatar condemns killing of two Supreme Court judges

Ariana News

خپور شوی

په

توسط

(Last Updated On: January 18, 2021)

Qatar strongly condemned the killing of two female judges who were targeted while driving to court on Sunday in Kabul. 

In a statement issued by Qatar’s Foreign Affairs Ministry on Sunday night, Doha reiterated its “firm position of rejecting violence and terrorism, regardless of the motives and reasons.”

Qatar has played a solid role in not only hosting the intra-Afghan negotiations but also helping to mediate where necessary. 

Qatari officials also passed their condolences on to the families of the victims and to the people of Afghanistan. 

The two Supreme Court judges were gunned down in an early morning ambush, which also saw their driver wounded. 

This was the latest attack in a string of targeted killings which have substantially raised the levels of fear among the people in the capital. 

These attacks are targeting government officials, civil society activists and journalists and have increased markedly since the start of peace talks in September. 

On Sunday, Afghan President Ashraf Ghani issued a statement condemning attacks on civilians and said “terror, horror and crime” was not a solution to Afghanistan’s problem and urged the Taliban to accept “a permanent ceasefire”.

No group claims responsibility for the assassinations but some government officials have repeatedly blamed the Taliban. 

Continue Reading

تازه خبرونه

په دوحه کې د سولې خبرو پر ګړندي کیدو عبدالله خپل ټینګار څرګند کړ

Ariana News

خپور شوی

په

توسط

(Last Updated On: January 17, 2021)

د ملي پخلاینې عالي شورا مشر ډاکټرعبدالله عبدالله په دوحه کې د سولې خبرو د ګړندي کولو پر اړتیا ټینګار وکړ.

عبدالله عبدالله ویلي، چې د افغانستان د خپلمنځي خبرو جمهوریت پلوی پلاوي  هوډمن او واک لرونکی دی، له اجنډا سره سم پر ېلابېلو مسایلو له طالبانو سره خبرې وکړي.

عبدالله زیاته کړې: یو له هغه مقرراتو څخه، چې زمونږ د خبرو اترو ډله پرې ټینګار کوي؛ هغه د خبرو د ګړندي کولو لپاره د هرڅه ترسره کول دي.

د ملي پخلاینې عالي شورا مشر اوربند له طالبانو سره د جمهوريت پلوي پلاوي د خبرو لومړۍ بحث بولي.

د نوموړي د څرګندونو له مخې، د افغانستان بهرني متحدین هم د دې نظر پلویان دي.

هغه ټینګار کوي: تر کومه ځایه، چې مونږ پورې اړه لري؛ هر اړخیزې سولې ته رسېدل، د تېرو۲۰ کلونو لاسته راوړنې زمونږ د خلکو د سرښندنو پایله ده او همدا اصل زمونږ د خبرو اترو د ډلې لارښوونه کوي.

عبدالله عبدالله په دې اند دی، چې سیمه ییزه او نړیواله اجماع د سولې لپاره د افغانستان یوه اړتیا ده؛ ځکه ، نو د سیمه ییزې او نړیوالې همکارۍ راجلبولو لپاره هڅې روانې دي.

که څه هم د دوحې د خبرو له پیل څخه دوه اوونۍ تېریږي، خو جمهوريت غوښتونکیو او طالب استازیو تر دې دمه د خبرو لپاره پر ګډه اجنډا هوکړه نده کړې.

Continue Reading

تازه خبرونه

سیکهـ هېوادوالو د هېوادنۍ سولې غوښتنه وکړه

Ariana News

خپور شوی

په

توسط

(Last Updated On: January 18, 2021)

په افغانستان کې د هندوانو او سیکهانو له زرګونه کورنیو یوازې دوه سوه پنځوس کسان پاتې دي او نور له هېواده وتلې دي.

افغان سیکهان او هندوان څرګندوي، چې په وروستیو پېنځه کلونو کې دوی هم نورو هېوادوالو ته ورته له مرګونو بریدونو سره مخ شوي او ځاني او مالي زیانونه یې ولیدل؛ نو، ځکه د دوی ډېرې کورنۍ له هېواده بهر کډوالې شوې.

د هندوانو او سیکهانو د شورا مشر ويلي، چې په کابل کې د سکهانو پر درمسال له برید وروسته پېنځه سوه هندوان او سیکهان هند ته کډه شول.

په افغانستان کې د هندو او سیکهـ مذهبه لږکيو شمېر په افغانستان کې دوه سوه زرو ته رسیده؛ خو اوس یوازې دوه سوه پنځوس کسان پاتې دي، چې یو سل و شل یې په کابل او پاتې نور په ولایتونو کې ژوند کوي.

هندوان او سیکهان وايي، چې ډېر شمېر کورنۍ په وروستیو پېنځه کلونو کې د افغانستان پریښودو ته اړې شوې.

د افغانستان د سیکهانو او هندوانو د ګذر وکیل سوندر سینګهـ ویلي: باید یوه تلپاتې سوله رامنځته شي. ۴۰ کله جګړه مو لیدلې: نتور جنګ بس دی. وضعیت نور هم خراب شوی. که دا حالت روان وي، پاتې سرداران به هم له هېواده کډه کولو ته اړ شي.

هندوان او سیکان وايي، چې له یوې خوا یې ژوند په خطر کې دی او له بلې خوا یې ځمکې او ملکیتونه غصب شوي او په ټولنه کې ځورول کیږي.

دوی اوس د کابل په یوه درمسال کې را غونډ شوي او ټول یو ځای ژوند کوي.

څه موده مخکې د کابل د شور بازار پر درمسال وسلوال برید وشو، چې لسګونه کسانو ته یې مرګ و ژوبله واړوله. له دې برید وروسته پېنځه سوه کسان هندوستان ته ولاړل.

د افغانستان سیکهان او هندوان وايي، چې له خپل هېواد سره یې مینه نه شلیدونکې ده او که د ژوند شرایط برابر شول، ټول به بېرته راستنیږي.

Continue Reading

Trending

آریانا نیوز. کلیه حقوق محفوظ است