Connect with us

تازه خبرونه

یمني حوثیانو د سعودي د تېلو پر ودانیو توغندیز بریدونه کړي

خپور شوی

 په

(Last Updated On: کب ۱۸, ۱۳۹۹)

د یمن وسلوالو ځواکونو ویاند ويلي، چې په ختیځ سعودي عربستان کې یې د سعودي د تېلو پر ودانیو توغندیز بریدونه کړي دي.

 د راپورونو له مخې؛ په دې بریدونو کې د سعودي د تېلو ملي شرکت او یو شمېر پوځي موخې د څارګرو الوتکو پر مټ ویشتل شوي دي.

د یمني وسلوالو ځواکونو ویاند برید جنرال سرټیپ یحیی ویلي؛ توپخانې او څارګرې الوتکې مو بریالۍ شوي، چې په سعودي عربستان کې ۱۴ هوایي او اته بالسټیک توغندیز بریدونه ترسره کړي او په راس التنورا بندر کې يې د آرامکو ډرون او میزائل وویشل.

له برید څو ساعته وروسته سعودي ائتلاف ویلي، چې دوی دغه توغندي او ډرونونه ویجاړ کړي دي.

د یمن پوځ خبرداری ورکړی، چې که سعودي عربستان پر یمن د خپلې محاصرې او بریده ډډه ونکړي؛ نو د نورو بریدونو په تمه دې وي.

برید جنرال سرټیپ یحیی زیاته کړې؛ دا عملیات زمونږ د طبیعي او مشروع حق په چوکاټ کې د سعودي بریدګر ائتلاف د کړنو په ځواب کې ترسره شوي دي.

سعودي عربستان ویلي، چې د حوثیانو په دې بریدونو کې چاته ځاني زیان رسېدلی ندی.

تازه خبرونه

د افغانستان غالۍ پر پاکستاني نوم په نړیوالو بازارونو کې پلورل کیږي

خپور شوی

په

توسط

(Last Updated On: تله ۳, ۱۴۰۰)

د افغانستان د غالیو تولیدونکي وایي، چې د مارکیټ او پروسس د نشتوالي له کبله؛ د افغانستان غالۍ د پاکستان په ایالتونو کې پروسس کیږي او له هماغه ځایه پر پاکستاني نوم اروپا او امریکا ته صادریږي.

د غالیو صنعت ته د نه پاملرنې له کبله په وروستیو څو کلونو کې د غالیو صادرات لږ شوي؛ خو په دې وروستیو کې د افغانستان غالۍ له اوبدلو وروسته د مینځلو او پروسس لپاره پاکستان ته لېږدول کیږي.

د غالیو د تولیدي شرکت مشر غلام علي میرزایي وایي: د غالیو د تولیدونکیو لپاره د اندېښنې وړ مسئله دا ده، چې د افغانستان غالۍ په نړیوالو بازارونو کې د پاکستان پر نوم پلورل کیږي؛ ځکه، چې د غالیو د پروسس امکان په افغانستان کې نشته او له همدې کبله پاکستان د افغانستان غالۍ په نړیوالو بازارونو کې پر خپل نوم پلوري.

د غالیو د کارخونې مدیر محمد قسیم احمدي وایي: د افغانستان د غالیو بازار په دې ورځو کې بې خونده شوی او که حالت داسې دوام وکړي، په هېواد کې د غالیو د کارخونو د سقوط احتمال شته.

غالی اوبدونکی نجف علي معراجي له مسوولینو غواړي، چې د غالیو د تولید د پراختیا لپاره له دې صنعته ملاتړ وکړي.

د کارپوهانو د څرګندونو له مخې؛ د افغانستان غالۍ خپل ځانګړی رنګ او طرحه لري، چې د سرو زرو باز مډال یې ګټلی؛ نو، ځکه د رنګ او خپلو ځانګړتیاوو له امله یې په نړۍ کې لومړی مقام خپل کړی.

Continue Reading

تازه خبرونه

په هرات کې د ا.ا.ا ځواکونو ۴ انسان تښتوونکي ووژل

خپور شوی

په

توسط

(Last Updated On: تله ۳, ۱۴۰۰)

د هرات امنیتي چارواکو منلې، چې څلور انسان تښتوونکي نن سهار د ښار په څوارلسمه ناحیه کې د اسلامي امارت د ځواکونو لخوا ووژل شول.

په هرات کې د څوارلسمې امنیتي حوزې قومندان ويلي، چې سړي تښتوونکیو له ۱۲ ناحیې څخه یو پلار او زوی تښتولي او څوارلسمې حوزې ته یې وړي دي.

د څوارلسمې امنیتي حوزې قومندان مولوي جلالي ويلي، چې دا کسان څلور کسان ول، چې د اسلامي امارت له ځواکونو سره په نښتو کې وژل شوي دي.

د چارواکو د څرګندونو له مخې؛ تښتول شوي پلار او زوی دواړه خوشې شوي دي.

Continue Reading

تازه خبرونه

په ننګرهار کې چاودنې اته کسانو ته مرګ و ژوبله اړولې

خپور شوی

په

توسط

(Last Updated On: تله ۳, ۱۴۰۰)

نن سهار شاوخوا اته بجې د جلال آباد ښار د لومړۍ ناحيې اړوند “سراج العمارت ” باغ ته نږدې د اسلامي امارت پر يو موټر د سړک غاړې ماین چاودنه شوې.

د ننګرهار د رسنیو چارواکي چاودنه او په کې مرګ و ژوبله تائيدوي؛ خو وايي؛ تر دې دمه د تلفاتو جزئيات معلوم ندي.

د پېښې عيني شاهدانو ويلي؛ د طالبانو يو نظامي کاروان له سيمې څخه د تېريدو په حال کې و، چې په ګلدان کې د ځاي پرځاى شویو چاودېدونکیو توکو له چاودنې مرګ و ژوبله رامنځته شوې ده.

د ننګرهار د حوزوي روغتون سرچينې وايي، د پېښې له ځايه روغتون ته د يوه امنیتي کس مړى او ” اووه ” ټپيان رالېږدول شوي، چې په ټپيانو کې درې عام وګړي او يو د ښاروالۍ کارکوونکى دي.

تر دې دمه د چاودنې پره چا پر غاړه نده اخیستې.

Continue Reading

Trending

آریانا نیوز: ټول حقونه خوندي دي