Connect with us

ساینس او ​​ټیکنالوژي

ګوګل د فیلیپین له ټاکنو مخکې د سیاسي اعلانونو مخه نیسي

خپور شوی

 په

(Last Updated On: ليندۍ ۱۰, ۱۴۰۰)

ګوګل د چارشنبې پر ورځ څرګنده کړې: د راتلونکي کال د می په میاشت کې به هغه مهال د فیلیپین د ټاکنو لپاره، چې د ولسمشر روډریګو ډوټرټي ځای ناستی ټاکي؛ پر سیاسي اعلانونو بندیز ولګوي. 

رویټرز راپور ورکړی، چې دا اقدام په داسې حال کې ترسره کیږي، چې په ۲۰۲۰ کې د امریکا د ولسمشرۍ ټاکنو پر سیاسي اعلاناتو هم فشار راوړل شو.

د ټولنیزو رسنیو پلیټ فارمونه په سویل ختیځه آسیا کې د سیاسي جګړو ډګر ګرځیدلی او څېړنې ښیي، چې فیلیپین په ټولنیزو رسنیو کې د لګول شوي وخت لپاره د نړۍ په کچه په درجه بندۍ کې لومړی ځای لري.

ګوګل د خپلې سیاسي منځپانګې پالیسۍ په تازه کولو کې ویلي، ټاکنیز اعلانونه، چې د کوم سیاسي ګوند یا د کوم شخص یا ګوند د عامه دفتر لپاره نوماندۍ ته وده ورکوي یا یې مخالفت کوي؛ د راتلونکي کال د فبرورۍ له ۸ څخه د می تر ۹ پورې به اجازه ونلري.

په فیلیپین کې د می تر ۹ نېټې پورې د ټاکیز کمپاین وخت دی.

ګوګل ویلي، چې د پالیسۍ تازه کولو په اړه به کسانو ته خبرتیاوې هم واستول شي.

ګوګل له دې مخکې په خپل پلیټ فارم کې سیاسي اعلانونه پر ۲۰۱۹  او ۲۰۲۰ کلونو په کاناډا سینګاپور منع کړي وه.

د ټولنیزو رسنیو پلیټ فارمونه لکه فیسبوک د ډوترټي ملاتړي و په پیاوړي کولو کې مرسته کړې او شنونکي یې د تېرو ټاکنو د بریا وسیله بولي.

فیلیپین به د ډوټرټي ځای ناستی وټاکي؛ ځکه، چې د اساسي قانون له مخې د بلې دورې اجازه نلري؛ کولی شي د سناتور څوکۍ غوره کړي.

ساینس او ​​ټیکنالوژي

د ایران د مذهبي مشر اړوند ټویټرپاڼه وتړل شوه

خپور شوی

په

توسط

(Last Updated On: مرغومی ۲۶, ۱۴۰۰)

د ټویټر ټولنیزې شبکې څرګنده کړې، چې د ایران د مذهبي مشر آیت الله علي خامنه يي اړوند ټویټرپاڼه د تل لپاره وتړل شوه.

د دغې شبکې ویاند فرانس پرس ته ویلي، چې له پالیسۍ څخه د سرغړونې له کبله یاده ټویټرپاڼه له تلپاتي ځنډ سره مخ شوه.

دا کړنه له هغې وروسته رامنځته شوه، چې آیت الله علي خامنه يي پر ټویټرپاڼې د امریکا د پخواني ولسمشر ډونالډ ټرمپ د وژنې په اړه یو کارتوني فلم خپور کړ.

د ټویټر چارواکو ویلي، چې د خامنه يي ټویټرپاڼه له ځینو محدودیتونو څخه د سرغړونې له کبله بنده شوې ده.

په ایران کې د خامنه ای خبري مرکز د ایران د سپاه پاسداران د قدس څانګې د قومندان قاسم سلیماني د وژل کېدو د کلیزې پر مناسبت یو کارتوني فلم خپور کړ، چې په فلوریډا ښار کې د ډونالډ ټرمپ استوګنځی پر ډرون برید له منځه وړل کیږي.

قاسم سلیماني د ۲۰۲۰ زېږدیز کال د جنورۍ په میاشت کې د بغداد د هوایي ډګر په څنډه کې د ډونالډ ټرمپ په سپارښتنه په یو هوایي برید کې ووژل شو.

ایراني چارواکو په وار وار ویلي، چې له ډونالډ ټرمپ به غچ واخلي.

Continue Reading

ساینس او ​​ټیکنالوژي

د ۲۰۲۲ کال په ژمنیو المپیک لوبو کې به ۷۰ تخنیکي لاسته راوړنې وکارول شي

خپور شوی

په

توسط

(Last Updated On: مرغومی ۲۰, ۱۴۰۰)

د ۲۰۲۲ زېږدیز کال د بېجينګ ژمنۍ اولمپيک لوبې نه يوازې د اولمپيک د روحيې څرګندولو لپاره يو ښه فرصت دی، بلکې د بېجينګ د نړيوال ساينس او ټکنالوژۍ د نوښت مرکز د لاسته راوړنو یوه اړینه ننداره هم ده.

تر دې دمه بېجينګ د ژمنيو اولمپيک لوبو لپاره د ټکنالوژۍ څه لږ تر لږه دوه سوه تخنیکي لاسته راوړنې آزمويلې او کارولي، چې د لوبو په بهیر کې به له ۷۰ څخه ډېرې تخنيکي لاسته راوړنې وکارول شي.

دغه ټکنالوژي به د معلوماتي ټکنالوژۍ، سافټویر انجینرۍ، عامه امنیت، لوړ کیفیت ویډیو، د پېنځم نسل ګرځند شبکه، نوې انرژۍ په ګډون په نورو اړوند برخو کې له ۶۰ څخه د ډېرو موخو لکه امنیت او د خپرې شوې ناروغۍ د مخنیوي لپاره وکارول شي.

د یادونې ده، چې یادې لوبې به د روان کال د فبرورس له ۴ تر ۲۲ نېتې په بېجینګ کې تر سره شي.

Continue Reading

ساینس او ​​ټیکنالوژي

شمالي کوریا سوپرسونیک توغندي بریالی وتوغاوه

خپور شوی

په

توسط

(Last Updated On: مرغومی ۱۶, ۱۴۰۰)

د شمالي کوریا رسمي خبري سرچینې د پنجشنبې پر ورځ راپور ورکړ، چې دې هېواد پرون د سوپرسونیک توغندي بریالۍ آزموینه ترسره کړې ده.

د جاپان او شمالي کوریا دفاعي چارواکو د چارشنبې پر ورځ ویلي، چې شمالي کوریا یو ناپېژانده توغندی، چې د بالستیک توغندی شک پرې کیږي؛ د دې هېواد د ختیځو اوبو پر لوري توغولی دی.

د رویټرز د څرګندونو له مخې؛ شمالي کوریا، چې پر لومړي ځل یې د ۲۰۲۱ زېږدیز کال په سپټمبر کې د یو سوپرسونیک توغندي تجربه کړی و؛ د هغو هېوادونو په لیکه کې ودرېد، چې په نړۍ کې د دغو توغنديو ټکنالوژي کاروي.

د شمالي کوریا دولتي خبري سرچینې زیاته کړې؛ د سوپرسونیک توغندیو تجربوي بریالیتوب سټراټیژیک ارزښت لري؛ ځکه، چې هېواد یې د سټراټیژیک وسلوال ځواک د عصري کولو دنده ګړندۍ کوي.

دغه سوپرسونیک توغندی، چې د چارشنبې پر ورځ وآزمویل شو، تر ۷۰۰ کیلومټره واټن وهلو وروسته خپلې موخې ته ورسېدو.

د امریکا د بهرنیو چارو وزارت یوه ویاند پرون د یاد توغندي له توغېدو وروسته دا کار وغانده او دا هڅه یې د ملګرو ملتونو د امنیت شورا له پرېکړه لیکونو سرغړونه ونوماوله او وایي، چې دا هڅه د پیونګ یانګ ګاونډ هېوادونو ته ګواښ دی.

دې سرچینې زیاته کړې؛ مونږ له شمالي کوریا سره ډیپلوماټیک چلند ته ژمن یو او له دوی څخه غواړو، چې په دې اړه خبرو ته غاړه کېدي؛ ځکه امریکا د شمالي کوریا او جاپان دفاع ته ژمنه ده.

Continue Reading

Trending

Copyright © 2022 Ariana News. All rights reserved!