Connect with us

تازه خبرونه

کورنیو چارو وزارت څوارلس ولایتونو او دوه زونونو ته نوي قومندانان وروپېژندل

Ariana News

خپور شوی

 په

(Last Updated On: غویی ۲۲, ۱۳۹۷)

د کورنیو چارو وزارت د تازه پرېکړې له مخې؛ څوارلس ولایتونو او دوه زونونو ته نوي قومندانان، چې د آزادو سیالیو له لارې غوره شوي او تر۵ میاشتو به په آزمایښتي توګه کار وکړي وروپېژندل شول.

کورنيو چارو وزارت په یوه حکم کې ولسمشر ته د امنيه قومندانانو د تغيير او تبديل وړانديز کړى و، چې د ولسمشر له خوا منظور شوی دی.

د کورنیو چارو وزیر ویس احمد برمک د دغو قومندانانو د معرفي کولو په مراسمو کې له دوی وغوښتل، چې له فساد سره په مبارزه کې جدي ګامونه پورته کړي.

د دغه غوراوي له مخې؛ پاسوال خلیل الله د ۳۰۳ زون قومندان، مل پاسوال رازمحمد د ۸۰۸ زون قومندان، پاسوال عبدالباقي نورستانی د کندوز د پولیسو قومندان، پاسوال امین الله امرخېل د هرات د پولیسو قومندان، مل پاسوال عبدالرحمن اقتاش د تخار د پولیسو قومندان، مل پاسوال اختر محمد نوروزی د خوست د پولیسو قومندان، پاسوال نبي جان ملاخېل د فاریاب د پولیسو قومندان، پاسوال عبدالقیوم باقي زوی د سرپل د پولیسو قومندان، سمونوال محمد ابدالي د لوګر د پولیسو قومندان، سمونوال عبدالروف ارزگانی د لغمان د پولیسو قومندان، سمونوال فرید مشعل د غزني د پولیسو قومندان، سمونوال سید عباس سادات د نورستان د پولیسو قومندان، مل پاسوال محمد صابر د بدخشان د پولیسو قومندان، پاسوال غلام سخي غفوري د دایکندي د پولیسو قومندان، احمد فهیم قایم د بادغیس د پولیسو قومندان او پاسوال حقنوازحقیار د کونړ د پولیسو قومندان پر تازه دندو ګمارل شوي دي.

د کورنیو چارو وزارت له تازه ګمارل شویو مسوولینو یو لړ غوښتنې هم کیږي.

د کورنیو چارو وزیر ویس احمد برمک وایي؛ له تاسو قومندانانو غواړم، چې د فساد پر وړاندې نه ستړې کیړدونکې مبارزه وکړئ؛ ځکه میلیونونه دالر د خیالي پولیسو له پوستو ځار شوي دي.

د خیالي پولیسو موجودیت یوه اندېښنه ده، چې تر اوسه نه ده حل شوې.

د کورنیو چارو وزارت اداري معین امین الله کریم وایي: په امنیه قومندانیو کې د بې تعلیمه پولیسو تر نوم لاندې شپاړس زره پولیس شته، چې ډیري یې خیالي دي.

د کورنیو چارو وزارت امنیتي معین مراد علي مراد وایي، د افغانستان دښمنانو ته ښیو، چې د جګړې په ډګر کې به د سرتېرو او خلکو اړیکې بشپړې نوې شي.

دغه قومندانان په داسې حال کې ګمارل کیږي، چې په دې وروستیو کې امنیتي وضعیت ډېر خراب شوی دی.

خبریاله لیدا نیازۍ

تازه خبرونه

ام ای تي جوړ کړی رباټ په ۳۰ دقیقو کې یو ګودام ضد عفوني کولی شي

Ariana News

خپور شوی

په

توسط

(Last Updated On: چنګاښ ۱۴, ۱۳۹۹)

د CNN د څرګندونو له مخې؛ د ماساچوست د ربات جوړونې انستیتوت یو داسې ربات جوړ کړی، چې کولی شي په ۳۰ دقیقو کې د ۴۰۰۰ فوت مربع ګودام ځمکه ضدعفوني او په راتلونکي کې د پلورنځیو او ښوونځیو د پاکولو لپاره وکارول شي.

د کمپیوټر ساینس او مصنوعي ځیرک لابراتوارونو څانګې د آوا رباتیکس(یو شرکت، چې له لیرې پر ریموت کنترول کار کوي) او د بوستون ستر غذایي بانک یو روبات جوړ کړی، چې کولی شي د یو وي سي UVC پر رڼا کار کوي؛ پر کوروناویرس ککړ ځایونه ضد عفونی او له کروبونو پاک کړي.

د سي این این د راپور له مخې ؛ د پروژې کار د اپریل په لومړیو کې پیل شوی و او یوه څیړونکي ویلي وه، چې د پروژې په جوړولو کې پرمختګ د کورونا ویروس له رامنځته کیدو او ورسره په غبرګون کې رامنځته شوی. دغه پایلې خورا هڅونکې وې او څېړونکيو ويلي؛ پر وړانګو د ضد عفوني کولو بهیر د نورو چاپېریالونو لکه پلورنځیو، فابریکو، ښونځیو او هوټلونو په پاکولو کې هم وکارول شي.

کوروناویرس د هوا له لارې خپریږي او د څو ورځو لپاره د پاتې کیدو وس لري.

یو په خپلواکه توګه کاریدونکی ربات کولی شي پراخ چاپېریال پاک او دا کار چټک تر سره کړي.

څېړونکیو ویلي، چې د UV-C رڼا ر بېلابېلو ه سطحو د باکتریا، مکروب او ویروس په وژلو کې ګټور دی. په هرصورت دا وړانګې انسانانو ته زیان رسوي. دا ربات په خپلواکه توګه له ارنې او تعامل پرته کار او هڅې تر سره کوي.

Continue Reading

تازه خبرونه

افغان حکومت سبا د څو سوه طالب بندیانو د خلاصون پرېکړه کوي

Ariana News

خپور شوی

په

توسط

(Last Updated On: چنګاښ ۱۴, ۱۳۹۹)

په حکومت کې یو شمېر سرچینو په ډاګه کړې؛ د پاتې څو سوه طالب بتدیانو د خلاضون پرېکړه د افغانانو د خپلمنځي خبرو د پیل لپاره کیږي.

په داسې حال کې، چې د افغانانو د خپلمنځي خبرو د پیل یو اصلي شرط د حکومت او طالبانو لخوا د ټولو بندیانو خلاصون یاد شوی؛ خو افغان حکومت له څه وخت راپدیخوا دا بهیر درولی دی.

سرچینې څرګندوي؛ افغان حکومت د شاوخوا ۱۰۰ طالب بندیانو له خلاصون سره، چې په خونړیو بریدونو او تنظیم شویو جرمونو کې لاس لري، مخالفت ښیي.

په کابل کې د امریکا سفیر روس ویلسون ویلي، که څه هم زیاتره طالب بندیان ښه خلک ندي؛ خو افغان حکومت په رښتیني توګه او د باور جوړولو لپاره د هغوی د خلاصولو پرېکړه کړې ده.

نوموړي زیاته کړې؛ هیله لرو، چې د ۵ زره طالب بندیانو او زر افغان بندیانو له خلاصون سره د افغانانو خپلمنځي خبرې پیل شي.

د سولې په چارو کې د دولت وزارت ویانده ناجیه انوري وایي؛ ټاکل شوې د څو سوه نورو طالب بندیانو په اړه هم پرېکړه وشي؛ خو زمونږ تمه داده، چې طالبان تاوتریخوالی کم او له حکومت سره خبرې وکړي.

د افغان حکومت د څرګندونو له مخې، تر اوسه نږدې څلور زره طالب بندیان آزاد شوي. دغه راز طالبانو هم ویلي، چې له اووه سوه ډېر حکومتي بندیان یې آزاد کړي دي.

طالبانو پخوانی غړي سید اکبر آغا ویلي، چې په دې اړه که هوکړه ونشي؛ طالبان به په خپلمنځي خبرو کې ګډون ونکړي.

تمه ده، چې د افغانانو خپلمنځي خبرې د همدې میاشتې په بهیر کې تر سره شي؛ خو د طالبانو لخوا د تاوتریخوالي زیاتوالي او د حکومت لخوا د ځینو طالب بندیانو نه خلاصون د دې خبرو اترو د پیل په وړاندې خنډ او ځنډ رامنځته کړي.

دا په داسې حال کې ده، چې امریکا له افغان حکومت او طالبانو څخه ژر تر زره د افغانانو د خپلمنځي خبرو په وړاندې د پرتو ننګونو پر له منځه وړلو ټینګار کړی دی.

Continue Reading

تازه خبرونه

د ارواښاد یوسف غضنفر مړی خاورو ته وسپارل شو

Ariana News

خپور شوی

په

توسط

(Last Updated On: چنګاښ ۱۴, ۱۳۹۹)

د اقتصاد او تجارت په برخه کې د ولسمشر ځانګړی استازی محمد یوسف غضنفر له کرونا ویروسه ومړ. 

ولسمشرۍ په ډاګه کړې؛ د ارواښاد غضنفر مړینه هېواد او نظام ته یوه ستره ضایعه ده او زیاته دوي، چې هغه هېواد ته د خدمت ډېرې کارنامې تر شاه پریښي.

د ارواښاد مړی د بلخ ولایت مزارشریف ښار ته ولیږدول شو او د یوشمېر حکومتي چارواکو په حضور د مبارکې روضي په انګړ کې خاورو ته وسپارل شو.

ارګ زیاته کړې؛ ارواښاد حلیم، خیرغوښتونکی او ملتپال شخصیت و او تل د افغانستان د ودې، پراختیا او پرمختګ په هڅه کې و.

د سوداګرۍ خونې هم د ارواښاد یوسف غضنفر هڅې او کارنامې د هېواد اقتصادي ودې او پراختیا ارزښتمنې بولي او ستاینه یې کوي.

ارواښاد غضنفر پر کرونا له اخته کیدو وروسته په ترکیه کې تر درملنې لاندې و او له مړینې وروسته یې مړی د جمعې پر ورځ افغانستان ته راولیږدول شو.

د ارواښاد د جنازې غایبانه لمونځ هم د ولسمشر غني په ګډون په ارګ کې ادا شو. په دې مراسمو کې ، چې ننه مازیګر تر سره شول؛ پر ولسمشر غني سربېره د ولسمشر لومړي مرستیال، یو شمېر وزیرانو، حکومتي مامورینو او د هېواد مشرانو برخه اخیستې وه.

ارواښاد محمد یوسف غضنفر د ترکیې د انقرې په یوه روغتون کې له کرونا ویروسه ساه ورکړې ده. روح یې یاد و ښاد اوسه!

Continue Reading

Trending